! ؛¤ّ,ّ قـ-ـ-ـ-ــطـرة مـ-ــن الأمـ-ـ-ـ-ـل ,ّ¤؛ !

[حـ & ـر & و & ف]

الـسـلامـ عـلـيـكـمـ ورحـمـة الـلـه وبـركـاتـة

عـدتُ لـكـمـ بـأحـداث قـصـة جـديـدة ومـشـوقـة

! ؛¤ّ,ّ قــطــرة مــن الأمــل ,ّ¤؛ !

أتـمـنـى أن تـنـال إعـجـابـكـمـ

أحـداث الـقـصـة فـ 20 جزء ـي << وايد موو .. استحملونا :o

>> مـ ن ـقـول <<

إلـى الجزء الأول .... :)

-------------

"اليوم هذا ثاني يوم لي ماشفتها .. عالنت .. لحول ليكون مرت ابوها الغوله هذي .. بعد .. حرام والله انها ما تستاهل كل اللي يصير لها .. تحملت وصبرت واجد عشان ابوها ورضاه .. بس للاسف ابوها ما يدور راحتها وينفذ بس اوامر امنا الغوله .. منى هذي البنت اغلى انسانه تملكت عرش قلبي .. وتعايشت معاها حياتها على الحلوه والمره .. وعاصرت معاها ظروفها .. واحزانها وافراحها ولو ان افراحها مو دايم .. بس ان لله الحكمه في كل شي .. حبيتها من من تقريبا اربع سنين .. وعلاقتنا صافيه .. ولا عمري بحياتي سمعت صوتها ولا فكرت انا او هي انها تشوفني او اشوفها .. احنا مو مال هالخرابيط .. متى ما تخرجت البنت بروح اخطبها من ابوها وارتاح .. وبنفس الوقت اريحها من همّ امنا الغوله (مرت ابوها)"
هذا الكلام كان يدور بمخيلت فهد .. واهو سرحان بالليل الساعه 12.30 يفكر فيها .. ليش ما شفتها شصارها .. ياربي .. كان خايف .. وهو يفكر سرحان يطالع الابجوره .. نظره عليها بس فكره بعيـــد .. عند حبيبت القلب .. منى .. واثناء هالسلسه الفكريه .. الا يسمع صوت ازعجه .. طلعه من سكونه اللي عايش فيه .. الباب يطق ..
فهد : منوووو ع الباب .. سلمى دشي دشي مافي غيرج يبا .. مسويتلي فيها مؤدبه ..
سلمى : ههههههههه يعني جاكني مع الوجه أي تعال توني بروح غرفه عمتي الا اشوف غرفتك مبطله ليتاتها شعندك قايم هالحزه ..؟ غريبه مو شابك ..!
فهد :" آه يا سلمى اشبك ليش .. بعد؟ ماشفتها يومين يومين يا ناس" كان يقوله بقلبه وسرحان ..
سلمى: هييييييييه انت اكلم الطوفه ردّ علي .. شفيك سرحان .. لا انت يبيلك قعده معتبّره اليوم ..
فهد: نعم شتبين والله مصدع وبنام .. صكي الباب ولا عليج امر ..
سلمى : يحليلك تبيني اطلع وانت بهالحاله .. لا حشى ما طلعت .. اخلص فهود شفيك ؟؟ عفيه مو انا اختك الحنون الرؤم .. مالي غيرك بهالدنيا يابعد هالدنيا انت "أي خلني اخذه بالكلام عشان يطلع اللي عنده اعطيه الامان يعني " هاااا فهود شفيك حبيبي .. قول انا اختك ..
فهد: تردد بالاول .". هذي مصررره شتبي الا اتعرف .. افف اصلا من لي غيرها اشكي لها لا ام ولا اخو ولا ابو .. بس عمته كبيره بالسن الله يخليها لنا .." هلا سلمى .. لا والله متضايق اليوم شغله بالنت بس .. ارتحتي ؟
سلمى : عليييييييّ انا هالكلام .. هذا قوله لعمتي مو انا .. فهوووووووووود تحجى اخلص ..
فهد: افففففففف سلمى وبعدين معاج والله متضااااااايق اطلعي برى يلالالالالالا ولا اشوف وجهج اليوم .. غرفتي لا تدشينها بعد .. ترى اللي فيني مكفينييييي .. لاتزيدين علي واللي يرحم والديج .. (جان يتلحف وينام)
سلمى: @@ اول مره تشوف اخوها يصررررخ بوجها .. متضايق ؟؟ من شنو .. معقوله حمد رفيجه قاله شي .. ضايقه ؟ لالا حموووود ميانه معاه وكل سوالفه ضحك .. ووناسه .. مو معقوله .. اصلا حمد لو درى ان فهد متضايق ما يخليه يرد البيت الا متصالحين والا موسع له خاطره ..؟
سحبت اذيال الهزيمه .. واطلعت من غرفته صكت اللمبه .. وخلت الابجوره مفتوحه .. وغطت اخوها بشكل مريح .. وطلعت .. وكل علامات التعجب مرتسمه على وجها .. ياترى شفيه فهد ؟؟ اوكي مصير الايام بتكشف لي المستخبي .. ! انا لك بالمرصاد .. شنو ما يصير اخليه يعاني لحاله انا اخته الوحيده اللي بقيت له من هالدنيا اذا ما شكى لي من بيشكي له ؟؟
طلعت وراحت غرفتها.. بس حست بالجوع .. مرت المطبخ وحشت لها خبزه وجبنه وكلتها .. واصعدت غرفتها .. تذكرت باجر .. بالجامعه عندها ندوة مع اتحاد الطلبه .. ولازم اترتب لها .. بما انها مستجده اول سنه لها بالجامعه .. وراحت فجت اوراقها وقامت تراجع .. اللي بتقوله باجر .. وخلصت وصكت الليت.. وبدت اتفكر بفهد اخوها بس حست انها تعبانه قالت خلاص باجر ايحلها ربي .. واعرف شقصته .. ومادرت بعمرها الا هي غاطسه باعماق النوم ..
(سلمى .. بنت نعوومه وراقيه .. وملامحها هاديه وطفوووليه .. حيل .. بس لعيونها سحر .. اللي يطالعها ما يصد منها .. وماشالله طول وجسم .. فيها تشابه كبير..من فهد .. طالعين على امهم الله يرحمها .. عمرها 19 ناويه تتخصص علوم سياسيه .. لانها توها مستجده .. وانضمت مع لجنه المستجدين .. ترئسهم .. اتحاد الطلبه ..
يعني وظيفتهم يساعدون الطلبه على معرفه القوانين ويساعدونهم يكونون حلقه وصل بين اتحاد الطلبه والطلاب .. كانت تحب عمل الخير.. وماتحب اتشوف انساان متضايق الا وتساعده .. )

يلا عبووود .. نصوور .. قوووموووا عفيه .. والله اللحين خالتي بتمصخركم .. قوموا لا تزفكم .. يلا الساعه سبع تأخرناااا .. اوووهوووو عليكم .. يعني اجيب الماي اكبه على روسكم .. نصوووووووور قووووووم عاد يلا عناد عفيه حبيبي .. يلا اليوم بنقطك اول واحد المدرسه .. بس قوم صل والبس وتريق معانا .. عبووود .. كيفكم عاااد انا بلبس وبخلي انيس يوصلني المدرسه .. يلا باااي هاهاهاي ..
هني فزوووا كلهم ..
خالد: شنو تروحين لحالج ماعندج خوان يعني زين زين بغسل وجهي .. وبلبس انطريني تحت ..
خالد: عبوود .. قوم ترى والله ابوي لي درى ان احنا متأخرين بيلعن خيرنا .. قوم مالي خلق هواش من الصبح ..
عبدالله : اووو انت بعد .. شنو ما ارتاح ما يهنى لي نوم بيتكم هذا الزفت .. اف منكم
خالد: المهم ترى بدخل قبلك الحمام روح حمام الصاله يلا عشان انخلص بسرعه .. ترى شكلها منى بتعلم ابوي علينا على سهره امس تذكر ويغمز له ..
عبدالله : هههههههههه يووو لو يدري اني داخل البيت 12.30 بيذبحني .. لالا مالي خلق هواش خلاص زين..
خالد : وترى ما علمت ابوي عن هوشتك مع استاذ الرياضيات يوم بغيت تكسر جامت سيارته شفت انا امين حفظت السر لا تعلم ابوي اني بروح السينما عفيه ..
عبدالله : هههههههههههه صج جبان.. تخاف تروح السينما مع ربعك .. ليش مسوي شي عيب مع وجهك .. بس رد مبجر ولا راح يقول شي ..
خالد : لالالا حبيب قلبي انت ماتعرف ابوي.. مايداني مني شي .. خصوصا أي شي من طرف امي .. !
عبدالله : أي انت عليك حظرر دولي انت ومنى .. بس والله خالتي آمال طيبه .. ليش اابوي يكرهها .. عاد؟ اتصدق ابوي طبق مثل ( سكانه مرته) .. هذذي عجوز النار ..
خالد : اسككككت يابوك لا تطب علينا.. روح غسل وجهك وانزل لاختك ..
عبدالله: اوكي صار
خالد: طل من على المرر .. حمد ربه ان امنا الغوله نايمه ( كلهم يسمونها امنا الغوله زوجه ابوهم.. لانها قشراا .. وابوهم خاتم باصبعها .. )
افف اشوى .. لا لحين خامده .. جعلها ما تقوم .. ( صوته كان يقارب الهمس )
شي جذي يتكفخه على راسه .. بقووه ..
جاندرا: اييييييي انت خلووووود شنو يسوي هنا .. منى ينزل تهت ينطر انتااا اووف ليش ما يدشي حمام .. ماي حار.. خلص سرعا سوي شغل جلدي جلدي ..
(هذي الخبله جاندرا خدامتهم .. مربيتهم من كانو صغار .. عندهم من 15 سنه .. هنديه .. بس خلاص عايشه هني .. وتحب موووت منى وخالد وعبود .. صج عبود امه امنا الغوله بس عبود متربي مع اخوانه ومايحب امه ذاك الزود لانه يشوف تصرفاتها الحقيره مع اخونها .. )
خالد: هيييييه انتي لا تطقين .. زين بدخل .. بس عفيه جاندرا جهزي الريوق .. ( قالها بطريقه تدعو للشفقه)
جاندرا: أي خلاص انا حطي ريوق .. بس يلا حبيبي خلص سرعا سرعا .. حرام منى ينطر انتو من زمان تهت..
خالد: أي يلا جهزي اللي قلت لج عليه .. تشاو
( خالد.. عمره 16 بثاني ثانوي .. ويحب اخووه عبودومنى .. بس يكره ابوه وامنا الغوله.. زوجته .. كلا اتعاقبهم .. وتصرفاتها نذله .. مخليه منى خدامتها الثانيه .. افف ياني اكره هالنسره .. فاطمه .. بس ماعليه احنا لها بالمرصاد .. شاب طموح.. بس مو ذاك الزود شطاره .. بس يسوي الي عليه .. ابوه طلق امه واهو عمره تسع سنين .. ومنى كان عمرها 13 وهو كان متعلق حيل بأمه .. وعشان جذي صار حنون.. على اخته .. لانه يشوف فيها امه .. وصار كل عيد يروح يشوفها .. ومرات بالمناسبات .. طبعا كلا من امنا الغوله مطلعه هالقرار ..)
( عبوود .. عمره .. 17 بايعهااا بشكل فوق ما تتصورونه .. بس اللي يرده .. ابوووه .. كل شي يسويه بس اهم شي ابوه ما يدري .. ذكي .. ويحب اخوانه .. ويكره تصرفات امه .. اللي تحاول اتفرقهم بس مو عارفه .. تربي مع خالد .. بس يوم امه تطلقت .. خلاص اطلعت اهو ماله غيرنا .. فا ارتبط حيل فيني .. يحب العنااد .. وفي من جمال امه .. عيون والحواجب .. واسمراني .. طوويل .. بثالث ثانوي .. ما يسقط ياخذ دور ثاني .. وينجح .. ذكاءه يجي على لعانه .. ما يسخره للدراسه .. ماخذ الدنيا لعب .. واذا جت امتحانات الدور الثاني جاب العلامات التوب .. وممشي حاله وعنده ربع .. واجد .. بس رفيق دربه .. نايف رفيقه ..من المتوسط.. )

دشت الجامعه .. وراحت صوب رفيجاتها متجامعات بالكافتيريا .. وشافتهم .. يتناقشوون بجديه .. مبين على وجوهم..
سلمى : صباااح الخير .. صبايا ..
عنود: هلاا والله بالغلالالا كله .. شلونج شخبارج ..؟
سلمى : بخير ربي يعافيج .. ها مستعدين للهجوم ..
البنات: هههههههههههههههه شنو داخلين معركه ..
عنود: الصراحه انا قريت لي كلمتين .. امس ماكنت فاضيه الصراحه ..وراي عرس عذاري بنت جيرانا .. والله اليوم عالطاير قريت لي كلمتين حق التقديم ..
سلمى : شدعووه انا .. انا قبل ما نام قريت كلمتين والا انا بغرقه النوووم .. تعالوا تريقتوا ؟
البنات : لالا
عنود: يلا ريوقكم .. علي بس كل وحده تكتب شتبي بمسج وتدزه لي .. ههههههااي بخسركم صح
البنات: طالع النذااله .. خلاص يبى .. جذي بنفلس .. اليوم ههههههههههههههههه
عنود: عاد محد قالكم .. ماتتريقون تحملوا اللي يجيكم ..
البنات: اقول كل وحده تطلب لها احسن من منت بعض الناس .. ويضحكووون راحوا يطلبون ..

( عنووود .. رفيجه سلمى الروح بالروح .. ومافي شي ينخش بينهم .. عنود بعمر سلمى .. ومعاها من المتوسط .. واهلهم يعرفون بعض .. لان اخو عنود حمد .. رفيج فهد اخو سلمى .. فا اللي بقلوبهم على لسانهم ..
عنود مزيونه .. بس ممتلئه .. وشوي ماخذها الطوول .. بس نكتيه فرفوشيه .. يستانسون البنات لي قعدت معاهم .. باختصار تغير لهم الجوو بظرف ثواني و ملقوووفه حيل ..)
عنود: سلمى سلمى ..
سلمى : سرحاااانه بالزرع .. لانهم قاعدين بالكفتيريا .. صوب الحديقه .. مو سامعه عنوود ..
عنود: هيييييييه انا اكلم الطوووفه .. ردّي علي .. الووو اختااه نحن هنااا..
سلمى : آه .. اووه هلالا والله شفيج لا تبطين اذوني .. اسمعج تراني مو ورى جبل ..
عنوود: أي لا مو ورى جبل .. تتصيمخين انتيييي .. وتحط نفسها معصبه وتصد الصوب الثاني ..
سلمى: ها شفيج .. عنود والله كنت سرحانه شوي .. لا تلوميني ..
عنود قرصها قلبها .. لاتلوميني ؟؟ وسرحاانه ..!! البنت اكيد فيها شي .. جان تصد صوب سلمى ..
عنود: سلمى شفيج اليوم هاديه .. فيج شي .؟
سلمى ماقدرت تسكت .. : لا مافيني شي بس اخوي فهد مادري شسالفته .. يومين صاك عليه الدار ولا طلع .. يوم جيته صرخ علي وقال لا تطبين غرفتي .. وعصب ونام .. مادري شفيه ..؟
عنود عورها قلبها على سلمى : ياعمري شوفي يمكن متهاوش مع حمد والا شي .. !
سلمي: لالا حمد لايمكن يزعل فهد .. وفهد ما يرد من البيت الا مستانس وموسع باله .. ومكيف هالاخر ..اذا كان مع حمد .. لالا ما توقع .. انا حاسه ان شي من النت .. بس لا زم اعرف من شنو عاد ..؟
عنود تبي تخفف عنها : يا حبيبتي .. انتي شفيج .. اصبري .. ولي هدا وصار رايق .. روحي له وافهمي منه كل شي تدرين بغلاتج عنده صدقيني لي حسستيه انه مهم عندج بيفتح لج قلبه .. هذا اسلوبي مع حمد اخوي .. عشان جذي احنا متفاهمين على كل شي .. الا الهوشات البسطيه كالتلفع .. والتكفخ ..( تتطنز)
هني سلمى ماااتت من الضحك : هههههههههههههههههههههههههههه الله يقطع ابليسج .. وانتي ما توبين .. من الطنازه ..
عنود: بعد شنسوي .. ملح الحياه ..
سلمى : امداج غيرتي مزاجي .. بسم الله عليج ساحره .. هاهاههااي
عنود: ها بدينا .. ترى لوتبيني انهد عليج ما راح اخلص .. خلنا حلوين جذي ..وتضحك ..
سلمى: اسمعي بروح اطلب لنا شي ناكله .. امشي .. نطلب..
عنود : تبين على حسابي بس دزي لي مسج مالي خلق انحشر وو.. جان تقاطعها سلمى ..
سلمى ودها اتصفقها ..: هييييييه انتي امشي لا بالملف على وجهج .. مو وقته ميته جوع..
عنود..: ههههههههههه زين زين يمى منج ..

[حـ & ـر & و & ف]

كاااانتي كااااانتي .. روحي جيبي لي الشاي .. بتجيني حرمه .. اللحين .. يلا بسرعه .. بس تعالي عنزيني .. بروح الصاله ..
كانتي : ان شالله ماما يلا قومي شوي شوي ..
شيخه: يلا اللحين روحي يسوي الشاي قبل لا تجي الحرمه وعطيني التلفون بدق بفهد ولد اخوي ..
كانتي : ان شااالله ماما بس انتي يبي شاي نعناع والا شاي لومي ..؟
شيخه: لا ام ناصر اتحب الشاي لومي ..
كانتي : ان شالله ماما .. امسك تلفون..
( شيخه .. عمة سلمى وفهد .. هي الحين مربيتهم بعد ما توفى امهم وابوهم بحادث سير واهم رادين .. من العمره .. وتكفلت فيهم وسكنت بيتهم .. بس هم كانو صغار سلمى .. بأول متوسط .. وفهد ..رابع متوسط .. وتحبهم مووت لان ربي ما رزقها عيال .. ومتعلقه فيهم حيل .. بس هي تعبانه شوي رجولها فيها روماتيزم .. وتتحرك بصعوبه .. عمرها 53 سنه .. مرة صالحه .. وتخاف ربها ..)

فهـد : هلالالا والله بالغلالا كله ..
شيخه : ياهلا فيك .. المرحب باقي ..
فهد: كيف حالج يمى عساج بخير ..؟
.." يقلون لها يمى لانها مربيتهم.."
شيخه: بخير الحمدلله شخبارك ياللوتي..
فهد: افااااا يمى انا لوتي .. عسى ماشر ..
شيخه : لا والله يعني اتعرف تطلع من البيت ولا تسلم علي .. واتعرف امس اتنام ولا اشوفك ؟ ولا كلمه تصبحين على خير .. من متى يا فهووود ..
فهد: لا والله يمىىى .. امس كنت تعبان دايخ .. ونمت .. حتى اسئلي سلمى طردتها قلت صكي الباب وعلى غرفتج ..
شيخه : ليييييش تطردها .. مالقيت الا اختك .. تصرخ عليها .. مالت عليك بس .. الا شالي مضايقك يمى ؟
فهد.. آآه اقول لمن والا لمن ..؟ اسكت أي اسكت اكتم ابرك لي ..
فهد: لا يمى بس متضايق ما طلعت من البيت هاليومين .. اتعرفين من الداوم للبيت ..
شيخه : أي الله يهون عليك .. شلون حمد بخير ..؟
فهد.. مرتاح ان السالفه عدت على عمته ..
فهد:..ها أي الحمدلله بخير وبصحه كاهو قبالي بكل مكان حتى بالدوام لحول يالغثه ..
شيخه : مالت عليك ياللي مافيك خير .. رفيجك صار مغثه .. ولد ساره .. ينحط ع الجرح يبرى وانا امك ..
تسمع صوووت بعيد .. صوب فهد ..
حمد: ياااابعد عمري والله انتي خالتي .. محد فاهمني غيرج ..
شيخه تضحك: هههههههههههه .. أي أي وانا امك كلمة حق ..
مسك السماعه فهد ..
فهد : لحووول .. زين زين مالقينا شي .. امدحيه هاه .. وانا ولد الخدامه ..
شيخه عورها قلبها : فديييييتك وليدي .. محد يسواك ..

هني دخلت عليها الحرمه .. جارتهم ..وقامت اتسلم ..
شيخه : يلا وانا امك .. خلاص جاتني جارتي .. جابل شغلك .. ورد البيت غدانا مجبوس يلا فمان الله ..
فهد: من عيوني يمى .. خشوا لي غدى انا وسلمى بمرها الجامعه .. فمان الكريم ..

سرحااانه .. حدهاااا .. بالصف .. تطالع الدريشه .. وتشوف .. المطر آآه الجوو .. خيالي ..
اه لو ماكان لي مرت ابووو .. نسره .. وكانت امي عندي .. طول الوقت .. وكان فهـد .. ( سمعت الابله فوق راسها .. وتطالعها من اليوم .. وهي كانت سرحانه)

الابله : يابنت يا منى .. مالك ؟؟ فيكي ايه ..
منى : هلا ابله .. لا بس اشوف المطر .. الجوو حلو ابله خلينا نطلع برى عفيه ..
الابله : نيله لمى توجعك .. أي والدرس والشرح .. لمين اشرح انا للحيط ؟؟
منى : كيفج ابله انتي الخسرانه الجو .. اليوم ما يتطوووف ..
الابله : عقااابااا ليكي .. حلي لي المعادله دي .. وريني شطارتك يا بتاعت الجووو البديع ..؟
منى انحرجت : هاه .. اووه ابله مو حاله هالمعادله .. نسيت ..
الابله : مانااا اؤؤؤلت من زمان .. اللي واخد عئلك يتهنى بوووو ..
منى انحرجت : اسفه ابله حقج علي .. بنسخ المعادله عشر مرات .. اذا يرضيج ..
الابله : اترزعي اترزعي جاتك نيله ..

( منى .. بنت جميله بكل ما تعنيه الكلمه .. جمالها يتبلور .. بلون عيونها العسلي .. طولها زين .. بيضاء .. شعرها طويل .. يجذب .. كلها انوووثه .. عمرها 18 اخر سنه ثنويه .. علمي .. اتمووت بالنت .. طبعا مو حبا فيه الا لشي واحد ماخذ كل عقلها اللي هو فهـد .. بس حست فيه الانسان المثالي الصادق .. اللي بقلبه بالسانه .. ساعدها بظروفها .. كانت اتقوله عن امنا الغوله .. وعن ابوها .. وعن امها اللي ما تشوفها الا من سنه لـسنه .. وكان هو الوحيد .. اللي واقف معاها ويواسيها .. واللي يفرح لها لي نجحت وكانو مثال للحب .. الصادق ..)
منى بظرف يوم وليله .. اتهمتها امنا الغوله بإنها ضيعت طقم الالماس اللي شاريته من سويسرا .. جايها هديه ..
اذبحت .. منى من الطق .. انتي سارقته ومن هالكلالالام .. اللي كل يوم تسمعه .. ومنى ماتت من الصياااح عند ابوووها .. بس مافيه فايده .. لازم اتكون فاطمه بنظر زوجها .. الصادقه .. الزوجه المثاليه اللي ما تعرف الكذب ..
فاطمه: أي انتييييي اللي سرقتي اجل من نظف غرفتي امس وانا طالعه ؟؟
منى بصياح: خالتي اناااا اناااا ما جيت غرفتج امس كلشششش .. والله الشاهد على كلامي ..
فاطمه : تكذبين بعـــــــد ..؟ بس مافي مجال .. انا وراج والزمن طوووويل ..
منى: خالتييييي والله ما سرقت .. تراني قاعده احلف لج بسم الله ..
فاطمه : هئ هئ قالو للحرامي احلف .. قال جاك الفرج .. عليناا هالسوالف .. ودموع التماسيح ..؟؟اذا بتمشي على ابوج علي انا لالالالا حبيبتي ..؟؟ حطيني على بالج عدل .. زين واللي ابيه بسوويه .. غصب عن خشمج .. فاهمتني ؟؟؟؟
منى ..وهي خلاص مو قادره تستحمل : طيب اللحين شتبين مني .. انا بعرف؟؟
فاطمه .. وعلامات المكر ارتسمت على وجهها .. حست ان الخطه هالمره انجحت .. وان منى هالمره اخضعت لها ..
فاطمه : ايييي ابي اجل على بالج بطوف هالسالفه جذي مرور الكراااام ؟؟ لا حبيبتي .. اللي ابيه ان النت هذا ينقطع .. ليش النت الجهاز بكبره ينقط بالشارع مالنا حاجه .. فيه .. انتي اربع وعشرين ساعه مقابلته .. وناسيه البيت باللي فيه ..
منى هني ادركت ليش هالخطه كلها .. اهاا تبيني اصير عبداً مملوكا بين ايدينج ؟ اممم بس النت لالالالا كل شي الا النت حراااااام بمووووووت ..
منى تصيييييييح : لالالالالالالا الله يخليج خالتي أي شي بس النت لالا ماقدر محتاجته حيل .. انا الحين اخر سنه .. ولا تنسين الجامعه جايه .. مقدر بدون جهاز ..
فاطمه بنذاله واضحه : لالالا ما يمشي عندي هالكلالالالالالالام .. حطيني على بالج .. الجهاز بينقط .. ومافيه كلام ثاني فاهمه .. انتهى النقاش يلا فارقي عن وجهي .. الله يقطعج من بنت ..
منى .. راحت غرفتهاااا منهاااااره من الصياح .. من يومها ما طلعت من الغرفه الا للمدرسه .. قعدت يومين .. على هالحال ..
بس اللي ماتعرفونه .. ان فاطمه تبي تاخذ الجهاز وتعطيه بنت اختها .. وسالفه الطقم ملفقه .. عشان تصير منى خاتم بيدينها .. والخدام الخصوصي لها .. تبي منى متفرغه تفرغ ذاتي لها .. ما يلهيها شي .. تبي تبعدها عن الناس وعن كل شي تحبه .. تتلذذ بتعذيبها .. ومو بعيده .. هي السبب الاول والرئيسي .. بطلاق ام منى .. آمال .. من بو عبدالله ... هي كانت ورى السالفه ..

هالكلام كله يدور بمخيله منى .. واهي بالفرصه .. الطالبات .. بما ان هي ما عندها رفيجات .. قامت اتخاف من الناس .. لان فاطمه كرهتها بالعالم .. قامت تنفر من الابلات على بالها انهم مثل خالتها .. ( امنا الغوله ) ..
وتتذكره .. وتتحسر .. على فهـد .. اللي ما تدري شلون بتعيش .. بدون ما تشوفه .. ابد .. كان قلبها يتعصررر من الالم .. فهد هو اللي بيساندها بهالوحده .. هو اللي يعرف لها اكثر من اخوانها .. بس عاد الظروف .. !!

آه يا فـهد وينك ... بس ؟
انتبهت على الجرس .. قامت وراحت صفها ..

حمد : اووووف .. تعبت .. عاد .. يلا قووم فهد .. بنرجع البيت .. هالدوام ما دري متى بيخلص ..
فهد : انت وبعدين معاك لا تصيرلي حرمه .. تعبت .. اشتغل بضميرررر ياخي .. وتو الناس لاحق عالطلعه ..
حمد: افف ملل .. روتين .. ياخي شغلة الحكومه اتززهق الوااااحد .. تخليه يكره عمره .. مووت ..
فهد : على الاقل معاشك مضمون ومافيه ذاك الشغل .. بس تصنم على المكتب ..
حمد: أي مو هذا الموت .. افف .. انت متى بتطلع زين ..
فهد : يوووووه .. ذكرتنيي .. سلمى بمرها.. اليوم .. عشان نتغدى مع بعض .. امي شيخه .. بتاكل دواها تتغدى وبتنام .. احنا مانخلص الا ع الثنتين .. شرايك .. نروح ناخذ سلمى وانت اخذ اختك الملقوفه .. عنود .؟
حمد .. كان سرحاااان .. فز قلبه .. يوم قاله فهد بمرّ سلمى .. كان يحب هالمخلوووووقه بشكل ..
وينقهرررررر لي زفها فهد .. وكل ينصحه ياخي هالله هالله باختك .. لاتزعلها .. ايحبها من كانو صغار بالمتوسط .. كانت ام حمد .. اتعرف شيخه .. عمت فهد.. فا كانو يزورون بعض .. وعنود تلعب مع سلمى .. وفهد وحمد ثنائي .. مرح .. ماكان يرضى بأي احد .. يزفها .. او يطنز عليها .. يحبهااا مووت.. بس كل شي كان كاتمه بقلبه .. ما طلعه حتى لفهد ..
حمد .. توه يستوعب فهد يكلمه : هاه هلالا قلت شي ؟.؟
فهد .. كان عارف ان اسم سلمى .. هز كيان حمد .. فهد ماكان يخفى عليه شي .. وعاف بنظرات العيون .. بس كان عارف منو حمد .. وتربيته .. ويدري انه كاتم بقلبه .. بس مع هذا ماقال شي فهد .. ايحب حمد .. موت خلاه يتقاضى عن أي شي .. ونرجع لواقع .. ماسوى شي حمد .. الحب بالقلب .. والحب يجي ماله اسباب ..
فهد بنظرات المكر : لاوالله .. اكلم الطوفه .. اللي ماخذ عقلك يتهنى به ..
حمد ارتبك : هااه .. شتقول انت .. يلا بتمر .. الجامعه .. بس لحظه بشوف عنود جان بتطول بخليها .. واذا تبي تجي حياها الله ..
فهد: اوكي دق عليها ..
دق عليها .. وقالت له انها مع سلمى بالاستراحه .. ناطرينهم ..
حمد: اوكي مسافه الطريق .. احنا جايين .. بس لا تنطرونا .. ترى كف يسنعج ..
عنود : ههههههههه لالا اخوي الحنون ما يسوي شي يلا ناطرينك ..
حمد : يلا وخلي سلمى تجهز .. اخوها بيمرها ..
عنود : اوكي باي..
وصكت بوجهه ..
هني انقهرررررر حمد .. شنو اصغر اعيالها .. تصكه .. بوجهه .. طيب انا اوريج .. ياعنووود
حمد منقهر ..: يلا قوم انت بعد ..
فهد ميت من الضحك : سوتهااااا فيك هههههههههههههههه اشهد انها رقله ..
حمد بغيظ : بتقوم والا اروح عنك ..
فهد: لا يبوك قمنا قمنا .. اعوذ بالله منك يا اببليس ..

خالد : اووووووف ما بغى هاليوم ايعدي على خيييييير ..
عبود : هههههههه ليش داخل مصارعه والا معركه ليكون متهاوش مع وجهك ؟؟
خالد : شنووووو .. ليش قالولك .. عبود على اخر عمري..! لالا بس هاليوم غثيث .. علينا حصتين عربي وحده نحو والثانيه انشاء وتعبير ..
عبود : ههههههههههههه على بالي متهاوش والا عندك سالفه طييييير منااااك ..
خالد : انزين عبود عفيه شلون اقول لابوي .. اني بروح السينما ..مع ربعي ؟؟
عبود: روح خم ربعك واركبوا مع المواصلات وروحو السينما تعشوا وارجعوا ليش صعبه ؟؟
خالد : شنو لازم استئذن .. بالله سأل عني .. اكيد .. هذي فطوووم بتفتن علينا ..
عبوود: لالا يالخبل امي .. اليوم طالعه من الظهر رايحه الصالون اليوم عرس .. بنت خالتها ..
خالد: والله الله يبشرك بالخير .. افففف هم وانزاح .. اجل بروح وبعطي رقم نايف لجاندرا .. عشان لي تأخرت او ابوي وصل تتصل فيني .. تبلغني ..
عبود: ههههههههههههههههه شنو شقالو لك جاندرا العمليات خخخخخخخخخخخ .. والا اخبار كونا .. تبلغك بالمستجدات .. المحليه .. ببيتنا ..؟
خالد : واللي يعافيك ..انت بس .. مو فاضي لك .. وين منى ؟ من جت صكت عليها الدار ليكون زعلانه عشان الكمبيوتر ؟؟
عبود : أي امي ليش جذي نحيسه .. تخيل خذت الكمبيوتر .. وعطته بنت خالتي .. توها داشه الجامعه ..
والله منى ما تستاهل .. كل هذا .. بس حكم القوي على الضعيف ..
"خالد .. سرحان .. ويفكر بصوت ينسمع : لو امي موجوده ما كان هذا حالها .. ولا هذا حالي .. جان استئذنت منها وبالعكس بترضى وتعطيني فلوس زياده .. وماكان صارت حالت منى جذي .. الزاد يومين ما طب حلجها .. افف من هالظالمه متى بتفارقنا .. وبنعيش بسلام ..؟"
عبود .. طبعا سامع كل شي ..: خالد ..حبيبي .. ادري امي مسوده عيشتكم .. بس حتى انا ياخالد والله قاهرتني .. كل شي ما حبه تسويه.. وتعاندني .. تخيل ..؟ تحرشني عليك وعلى منى اختي .. وتبي اتسمم افكاري عشان ابتعد عنكم .. بس تتوقع بسمع كلام هالنسره .. لا ياخالد انت اخوي ومنى اختي .. لا تتوقع بيوم من الايام بفكر اتخلى عنكم بظرف من الظروف .. الا بموتي طبعا .. واذا على منى انا وياك خلنا نطلعا من هالجو لو نمشيها لونطلعها .. ترى محد بيقول شي منى اختنا .. واذا على امك .. اوعدك لي شريت لي سياره والله لوديك لها انت ومنى كل ويك اند .. شتبي بعد ..؟
خالد مو متصور ان كلامه اسمع عبود : يابعددددددد عمررررري والله اشهد انك رجال .. وجعل ربي ما يفرق بينا .. وشل طاري الموووت عنك ..
عبود .. بفرحه : امييييييين يارب .. يلا امش خلنا انشوف منى .. شفيها ..؟
خالد .. والله ماني طالع الا اعرف سالفتها .. هذي اختي ماتهون علي فيها من ريحه الوالده .. آه يمه وينج فيه ..؟
عبود: خل عنك هالكلام وتعال معاي ..
خالد .. : مشينااا ..
وهم مااااشين .. صوب غرفة منى .. الا جاندرا جايه ..
جاندرا : خلووووووّد عبووووود .. يلا تعالوا غدى.. مجبوس دجاج .. وداقوووووس .. يلا عشان ما في يبرد اكل ..
عبود: أي هيييييه انتي قصري حسج .. زين زين جايين بس بنروح لمنى بناديها تتغدى معانا ..
جاندرا: انت شنووووو قول .. منى .. مافي ياكل ثنين يوم ..
خالد ..: هاااااه ؟؟ شلون جذي .. مايصير وينها خلاص انتي روحي انا بناديها ..
عبود : صج ما نستحي.. يومين اختي ما تذوق الزاد .. واحنا طااف ماندري وين الله قاطنا .. ولا حتى سألنا ؟
خالد مو مهتم لكلام عبود : امش .. امش ..


لـــــنــ عودة ــــا

[طـلـوع الـشـمـس]

بسمـ الله الرحمن الرحيمـ ,,

غاليتــــي : حــــروفـ ,,


.. أسعــــدتنـــي كثيـــــراً في تلبيـــــة الطلـــبـ ,,,

.. حتـــى لو كــانتـ الأجــــــــــزاء أكثـــر أهمـ شيء المتعـــة والفــائدة ,,,


.. أحببـــــتـ أن أشــــــكركـِ غاليتــــــي على المجهـــود الرائـع ,,,


لي عـــــــــــودة للقــــــــــــراءة والمتــــــابعـــة ,,,


تحيتـــــي لكـِ ,,

طــلــوع الـشــمــس

[حـ & ـر & و & ف]

السلامـ عليكمـ ورحمة الله وبركاتة

! ؛¤ّ,ّ طلـ-ـ-ــ الشمـسـ ــوع ,ّ¤؛ !

كـل الشكـر لتواجدكـِـ والحمد الله اني اسعدتكـِـ

اتمنى أن تنال اعجابكـِ .. وان اكون عند حسن ظنكـِـ

دمـ بكل خير ـتِ

تحياتي ..

[عزيزي الزائر يتوجب عليك التسجيل بالمنتدى لمشاهدة الرابط]

[حـ & ـر & و & ف]

الجزء الثاني
------------------


خالد.. مو مهتم لعبود شيقول .. لان باله مع اخته معقوله عشان الجهاز ماتاكل .. والا عشان هالنسره اللي مسوده عيشتنا .. وعيشتها ؟؟ " هالكلام كان يدور بمخيله خالد .."
خالد وعبود وصلوا غرفة منى .. خالد يطق الباب بهدوء ..
خالد : منى منى افتحي الباب ..
عبود: منى يلا الغدى بّرد .. ترى بناكل ونخليج ..
خالد بدى يعصب : منى فجي الباب خلصينيييييي..
سمعوا خطوات ثقيله من ورى الباب متجهه لهم ..
منى حزن العالم بوجها : هلا بغيتوا شي ؟
خالد.. ما ارتاح لمعالم وجها الشاحب ..: علامج انتي قافله عليج الباب ولا تبين غدى يعورج شي ؟
منى بيأس : لا ما يعورني شي انتو ليش جايين ؟
عبود يطنز : جايين انسلم عليج .. اخلصي تبين غدى تراني ميت من الجوع ..
خالد: منى الغدى محطوط وبتتغدين معانا .. ترى حالج ما يسر لا عدو ولا رفيج..
منى وعلامات الرفض بوجها تعلن انتهاء الحوار : بالعافيه على قلوبكم .. انا مابي غدى اذا تبون خل جاندرا اتخش لي لـقمت المغرب تغديت .. وعن اذنكم .. "واتجهت للسرير انسدحت عليه .."
عبود: يبا خالد تعال نتغدى سمعتها شقالت .. امش امش .. والله شكل الغدى برّد..
خالد يفكر بحال اخته : هلا هلا يلا مشينا ..
"تغدوا وخلصوا .. واتجه كل واحد لغرفته .. الا جايتهم جاندرا من بعيد .. "
جاندرا وهي مستعده لمعركه كلاميه : عبووووووود عبووووووووود تعال
عبود التفت مستغرب : خير في شي .؟ وبعدين لا تصارخين لا يسمعج ابوي تراه نايم
جاندرا: عبووووود انت شنو يسوي امس بالمدرسه ؟؟؟
عبود منصدم : شنو شنو شكوو انتي ؟
جاندرا معصبه: أي انتاااا بابا يجي دوام يسوي جنجال كبير حق ماما فاطمه في التلفون .. مدرسه مال انتا يقول حق بابا انت سوي مشكل كبير .. قول قول عبود انت شنو يسوي انا مافي علم بابا ..
عبوود ادرك ان سالفه مدرس الرياضيات اوصلت ابوه: اوووووه لحوووووول اللحين شيفكنا منه ..
خالد يضحك : هههههههههه أي أي اكلهااااا الحين .. مالي دخل انا اوكي ..
عبوووود : معصب أي هين خويلد تضحك علي .. نشوف من بيعلم ابوي عن سالفه السينما ..
خالد تذكر وخاف: لالا عفيه عبوود .. والله اذا قال ابوي شي بقول انت مالك دخل ربعك وهقوك ..
عبود يستقوي : أي لا تضحك .. انزين .. المهم فكر معاي بالمصيبه اللي طبت على راسي ..
عبود: جاندراااااااا انتي ليش ماقلت لي اول ما جيت من المدرسه عشان اجهز نفسي للنحشه ..؟
جاندراا: لالا انا يبي انتا ياكل غدا عشان بعدين بابا يطق انتا مافي عور واجد .. هاهاهاي ..
عبود معصب حده: تطنزين مع الوجه .. يعني اتخافين علي هين يا جاندرا بخلي ابوي يقطع التلفون عشان ما تكلمين سونيا الخياطه ..
جاندرا : لالا عبوود .. حبيبي لا يسوي مشكل ثاني .. خلاص انا في يسكت ..
خالد يتحلطم : يعني مافي روحه اليوم ؟؟ لحووول فشله ربعي مواعديني ..
عبود: بتطلع بتطلع مالك دخل ياخي خلها علي .. واذا عل الطق انا بنطق انت شكو .. لا تحاتي احنا الرجال للطق ..نحن لها .. ويضحك ..
خالد : عفيه وانا اخوك .. للطق وان جاء ابوي مادري من يقول خويلد عفيه قوله اني نايم من زمان هااا ..؟ وينخش ورى الثلاجه ..؟؟ نسينا ما كلينا .. ها عبوود ؟؟
عبود يضحك : روح روح ارقد .. ع المغرب يحلها ربك .. النسره هذي لالحين ماردت .. عندها عرس اليوم ياعيني .. عليها والله محد عايش حياته غيرها ..
خالد : هي هذي امك .. ترى حدي دايخ بروح ارقد ..
عبود : يلالالالالالا سرينا ..

فـهد : الووو كانتي حطي الغدى انا وسلمى عند الباب ..
كانتي : ان شاء الله بابا .. اوكي انا يفتح بااب اللحين ..
" صك فهد التلفون .. وطفى السياره وهو يتنهـد وطلع السويج معلن خروجه من السياره .."
الا صوت سلمى يناديه ..
سلمى: فهد فهد ..
فهـد مستغرب : هلا سلمى منتي ناويه تنزلين ؟ والا بتتغدين بالسياره ههههههه
سلمى : تضحك .. لا شدعوه .. ماعندي بيت اسمع ابيك بسالفه ..
فـهد وعلامات الانتباه بوجهه : هلا امريني .. بغيتي شي ..
سلمى : بس اول شي بنتغدى وبجيك غرفتك .. واكلمك .. اوكي ..
فهـد : مالت عليج مالقيتي الا بالسياره اتقولين لي انزين جان صبرتي لين ننزل ..
سلمى : انزين انزين يابوك لا تاكلنا .. ها نزلناا .. " وتنزل من السياره ..راحت صوب البيت "
"فهـد درى انها بتقوله عن سالفه امس لان شافته متضايق .. تنهد من خاطره .. وقال والله مالي غيرها بشكيلها على الاقل تواسيني وادري ان مابيدها شي .. آه وينج يا منى ؟؟ .. "
صعد غرفته بدّل ونزل يتغدى .. صادف سلمى نازله معاه عالدرج ..
سلمى : ياخي لصقه هالولد وراي وراي اففففف ماكو غيرك بهالعالم .. يعني .. ما يصير استأجر لي اخو .. جم يوم نقاهه يعني ..
فـهد يضحك : لا والله ما يصير اصلا وين بتلقين واحد وسيم طويل جميل مثلي هالايام .. واخوووج هذا اللي تقولين عنه جذي تراه ينحط عالجرح يبرى .. " بنظره تفاخر يأشر على نفسه .."
سلمى : ايوا يالغرور ضرب العداد .. الله يعين اللي بتاخذك بس ..
" بس لو اعرف اخبارها شإلي خلاااهاا تقطع جذي ؟؟؟؟ آآآآه بس والله ياناس احبها .. شنو محد يحس .. ؟"
هالكلام بقلبه .. طبعا ..
فـهد : الا داعيتلها امها جانها خذتني .. تحمد ربها ..
..
كانتي تناديهم .. : هيه انتووووو كلا قرقر كتير .. غدى بالطاوله .. يلا اكل بس بدون صوت ماما كبير نايم ..
سلمى تضحك بصوت واطي : عشتوووا .. عشنا وشفنا .. اتهدد مع الوجه .. ولا تتأمر ههههههه
فـهد : أي وانا اخوج .. لا تغلطين عليها تراها الكل بالكل بالبيت .. يعني انا وياج زياده عدد .. ويضحكوون ..

--

بهالوقت .. عنود وحمد .. بالبيت .. وعلى السفره .. يتغدون .. مع وجود امهم ساره .. سنينة شيخه عمة فهد وسلمى .. وابو حمد .. ناصر .. رجل اعمال ناجح .. عنده شركات .. و حرصه للعمل كبير .. ويحب اعياله واهو متكفل بعيال اخوه .. يتامى .. ومرت اخوه .. منيره .. وكل اسبوع يمر عليهم يشوف شناقصهم .. ومن هالاسئله ..ورجال يخاف ربه فيهم"
عنود: اووووف اتصدقون اليوم .. ارجف وانا اقدم الفقره اللي علي .. يمى الله يهداج كل من عرس عذاري هذي ..
الام: عذاري ؟ اللحين عذاري السبب .. والا انتي اللي متعيجزه .. اتفجين اغراضج ودراستج ..؟ ها
عنود تضحك : ههههههه لالا يمى .. بس يعني هالعرس عطلني شوي خلاني اتبلعم جدام الاتحاد .. فشله بس ماشالله عليها سلمى .. تقديمها عجيب .. اصلا اسلوبها بالكلام يجذّب الواحد .. غصباً عنه ..
"حمد ساكت .. يستنى الفرصه اللي تجي بس عشان تتكلم عنود عن حبيبه القلب سلمى .. شنو يحب هالانسانه بشكل .. غريب .. مالومه هالحب تربى معاه من صغره .. واستانس من الخاطر يوم درى ان تقديمها كان ممتاز ..وهذا اللي يتمناه .. الله يوفقها ان شالله .."
هالكلام كان يدور مخيله حمد .. طبعا .. وكان سرحان .. عالاخر ومخلي القفشـه ( الملعقه) عالصحن .. ويطالع .. السلطه اللي قباله صوب عنود .. بس طبعا باله مو معاه ..
عنود ..: حمد حمد .. تبي السلطه .. أي قول تراك من اليوم اتخزها هاهاههاي جكيتك مووو " بنظره لعينه " يعني انها صايده شي ..
حمد يضحك على خبال اخته : هيه انتي لا مابي بس سرحان شوي حرام يعني ..؟
عنود: لالالا مو حرام الا فديتها ياناس اللي اتفكر فيهاااااا .. تحب ايديها وجه وظهر .. دامك سرحت فيها ..
حمد معصب لانه داري ان عنود تطري سلمى ..: انتي هييييه شنو هالتفكير .. يعني اللي يفكر يحب بس هذا اللي درسوج اياه بالمدرسه .. ماكو شغل شي التهي فيه هاا ؟
" طبعا قال هالكلام يبي امه وابوه يطردون كلام عنود من بالهم .. "
عنود تضحك على تفسير اخوها : ههههههههه أي أي قلت شغل هاا ه .. أي الا شخبار الشغل ؟ معاك يا مدير ادراه العلاقات العاممه بالكويت ؟ وتضحك .. " طبعا تتطنز "
حمد .. بطريقه حاده : انتي ان ماسكتي بتشوفين شي ما جاج .. تراني محترم امي وابوي.. طيب ؟
عنود خافت : انزين يابوك نتغشمر .. شنو ما تتغشمر .. انزين بروح اشوف نايف ليش ماتغدى ؟
الام : تعالي تعالي نايف قال للخدامه اتخش له غدا .. وشنو هالسناعه مره وحده تحاتين اخوج اشوف ؟
عنود : لا يمى بس فقدته .. شوي .. قلت اسئل يمكن مات اندعم شي السؤال مو حرام .. وتضحك ..
" مستعده لمعركه كلاميه مع امها .."
الام: فااااااال الله ولا فالج .. فالج ما قبلناه .. شقاعد اتقولين انتي .. اسم الله على وليدي .. بعدوينه ان شالله .. وتعالي انتي لا تطولين الكلام .. اخلصي جهزي نفسج اليوم بنمر بيت مرت عمج منيره .. صارلنا اسبوع ما جيناها ..
" كأن احد صب عليها مااااااي بااااارد .. يوم قالت لها امها بنروح بيت عمج .. يعني بتشوفه اليوم ؟؟ ياااااه والله اشتقت له فديييته انا .. "
عنود مستانسه : ان شااااالله يمى .. سمعاااااااا وطاااااعه فديتج انا ..
الام: أي استخفيتي علي .. بسم الله لا تستخفين اللحين انطري خلني ازوجج بعدين استخفي بييت رجلج .. مالي خلق احط عوانس في بيتي وتضحك ..
عنود : اللحين انا صرت مستخفه .. فديتني انا الزين كله عقل ورزانه وجمال وادب واخلاق وثقل لاحظي ثقل .. يابخته بس اللي بياخذني .. امه داعيتله ..بليله القدر ..
الام: اووووهووو بدينا بالغرور .. مادري بروك شيلز عندي مادري .. اقصاها عنود بنت عبدالله ..
عنود : تسوااااااااهاااااا وتسوى طوايفها عنود بنت عبدالله صح يبى .؟
"الابو ينتظر المعركه الكلاميه اللي بين ساره وبنتها .. متى تنهتي ..؟"
الابو : خلصتوا اللحين ؟ انا بعرف وتاليتها معاكم يعني ؟؟ ماتوبون من النجره ..
الام: هههههه مادري عنها بنتك المستخفه .. المهم وانا امج .. جهزي عمرج على اذان المغرب ابوج بيقطنا عليهم اوكي ؟؟ يلا عفيه بنيتي ..
عنود بنشاط: ان شالله ولا يهمج من يأذن تلقيني بالسياره ناطرتج .. فديت بنات عمي انا مشتاقتلهم ..

---

سلمى .. تطق الباب على فهـد .. لانه خلص الغدى وراح فوق غرفته .. يريح شوي من بعد الدوام والتعب ..
سلمى : فـهد .. افتح الباب
فـهد : .... " مايردّ عليها لانه بالحمام ماطلع .."
سلمى : فهد فهد .. فج الباب عااد .. لاتصير جذي .. تبيني اكسره يعني .. اسويها .. بس نعومتي ما تسمح لي ..

"فهد طلع من الحمام .. لانه سمع صوت الباب يطق .. ودرى انها سلمى .. ومسبقا عارف الموضوع اللي بتقوله .. تنهــد .. وفج الباب "
فـهد بنظره حنونه : هلاا والله ..
سلمى معصبه : سننننننه اطق الباب .. شنو هذا ما تسمع والا تتصيمخ ..
فـهد وابتسامه على وجهه: لا كنت بالحمام .. بغيتي شي ..؟
" يستعبط عليها شوي "
سلمى : لا والله بغيت سلامتك .. وخر بس
" دزته ودشت الغرفه .. وقعدت على كرسي الكمبيوتر .."
"ضحك فهد على طريقتها .. ماعطته مجال يعني اللي تبيه بـتسويه .. نوي .. "
فـهد : لا والله وعلى كرسيي بعد .. طالت وتشمخت والله يا آنسه سلمى ..
سلمى تستعبط : لو سمحت الجامعيه سلمى .. لاتنسى انا اول سنه بالجامعه .. يعني لي مكانتي بالمجتمع ..
فـهد : اوووه نسينا .. أي صح صارت جامعيه يعني ما يقص راسها سيفين .. اخلصي علي دايخ شبغيتي ؟
سلمى باصرار على وجهها : فهـد ..
فـهد بهدوء: هلا
سلمى : انت متضايق مني ؟
فـهد : لا
سلمى: متضايق من حمد متهاوش معاه ؟
فهـد: لا
سلمى: اووه اجل شفيك متضايق من منو.؟
فـهد : ولا شي مو متضايق من احد ..
سلمى بنفاذ صبر : فهوود ترى مو اصغر اعيالك اتقص علي .. متضايق من النت ليش متهاوش مع احد فيه ..؟
كلها امل انه ايقول أي ويفضفض .."
فـهد : سلمى .. اللحين هذا اللي خابتنا فيه ابيك وابيك .. وعندي سالفه .. ممكن تطلعين راسي يعورني وبرقد .. مواعد حمد بطلع معاه عند الشباب اليوم .. يلا تصبحين على خير ..
سلمى باحباط : اوووف منك .. بس انا وراك والزمن طويل وين بتروح مني .. وانت من اهله ..
" اطلعت سلمى وصكت الباب و راحت صوب غرفه عمتها طلت عليها لقتها نايمه .. صكت عليها الباب بطريقه خفيفه .. وراحت غرفتها تنام .."

[حـ & ـر & و & ف]

المغرب الساعه 6.30 .. في بيت بو عبدالله ..
جاندرا : عبووود قوووم يلا اذن مغرب من ربع ساعه قوم صل ..
عبود وهو نايم : اوووه جاندرا بنام تعبان خليني و روحي قومي خويلد ..
جاندرا : اووه عبود انت مافي يقول حق انا قوم انا الساعه 6 عشان تنحاش عشان مافي يشوف بابا انتا ..؟
عبود كأنه تذكر شي : اووووووووووووووه أي صج .. تعالي وين ابوي طلع
" كان يترجى جاندرا اتقوله أي بس للاسف .. خاب ظنه .."
جاندرا : بابا يصلي المغرب بالمسجد .. ونزل دوانيه .. قال اذا قام عبود خليه ينزل تهت يبي انتااا..
عبود حاس بشويه مغص : يارببببي شهالورطه ؟ خلاص جاندرا بقوم بس شغلي الماي ابيه دافي بتسبح ..
وقام عبوووووود من مكانه وراح غرفه خالد يقومه .. لانه حاس بمصيبه بتطيح على راسه وقال خلني اقوم خالد يشاركني فيها .. مالي غيره اخو يشاركني بالسراء والضراء ..
" عبود وهو قبال غرفه خالد .. بيفج الباب الا مقفول .. ويتأفف .. لحووووول هذا وقته خويلد ؟؟؟"
ويطق عليه الباب ..
عبود: خووووووووووووويلد قووووووووم خلصني والله مو وقته النوووم ..
خالد بسابع نومه .. من النوع اللي نومهم ثقيل ..
عبود : اوهووو اللحين سنه على ما يقوم .. شسوي فيه انا جم مره محذره ما يقفل الباب .. افففففففففففففف
" عبود يأس مالقى حل الا مسجل جاندرا جابه وشغل على الرادو صدفه كان اغنيه حكيم .. السلام عليكم ..
ويطوووووووول عليها لان هالاغنيه كلها صريخ وحط المسجل عند باب خالد ودش عبود الحمام يتسبح ..

منى غرفتها كانت عند غرفه خالد .. وانزعجت لانها كانت نايمه .. وقامت بطلت الباب الا المسجل عند باب خالد .. ضحكت .. قالت هذي حركات عبوود .. لي يأس من خويلد .. بس وين ابوي وامنا الغوله ؟
كانت خطاها ممهده لسير لحمام الصاله .. واهي ماشيه الا تشوفها جاندرا .. (وكاله كونا بالبيت .. تعرف الصادر والواراد .. نصيحه أي احد يبي شي بالببيت يسألها ..)
جاندرا : منى زين قمتي انا كنت يبي يرووه غرفه انتي .. يلا روحي تسبحي وصلي اذن المغرب ..
منى : ان شاء الله .. بس تعالي وين خالتي فاطمه وابوي ؟
جاندرا وتبي اتبث الخبر السعيد عليها : ماما فاطمه راهت عرس وبابا تحت ينطر عبوود واجد عصب ..
منى وخايفه : شنو ليش عصب ؟ عبود شمسوي بعد ؟
جاندرا : اووه انتي مافي يعرف ..؟ عبود سوي مشكله في مدرسه.. ومدرسه قول حق بابا اللحين بابا يبي عبود عشان طقي ..
منى وقلبها يعورها : اوو الله يعينه ياربي هالولد ما يتووب ابد؟ مادري تاليتها معاه ..
جاندرا: انتي تبين شي اكل .؟
منى ومنسده نفسها .. لا بس بقّوم خالد ..
طلع عبود من الحمام .. ولقى خالد فاج الباب .. ولقى المسجل مسكر .. ارتاح .. قال جذي اوكي .. في احد بيأزرني شدتي ههههههه .. الله يعين .. بس
وراح غرفته وصلى المغرب لانه ما لحق على الصلاه بالمسجد .. واستغفر .. ودعى ربه ان ابوه يتقاضا عنه هالمره .. بس .. وبعدين يحلها ربي ..
شوي الا خالد مقتحم الغرفه ..: انت هيه ما تسمع ابوي تحت يناديك والا تتصيمخ .. خلص روح له مالي خلق نجرة ..
عبود والرعب على وجهه : انزين يابوك بروح له .. يلا كلها كفختين وطراقين تحليه .. وماشي الحال .. بس صرخته تدب الرعب فيني .. الله يعين الله يعين ..

منى دشت عليهم .. وهي خايفه من اللي بيصير تحت .. ايدها على قلبها .. بروحها دايخه .. مو ماكله شي ..
منى بخوف : هاااااه عبود .. شمسوي اليوم .. انت ..؟ امبي والله قلبي يرقع .. ليكون سالفه كبيره .. ترى المدرسه معلمين ابوي .. ابوي يبيك تحت .. عبود انا اختك واحبك .. شمسوي ؟؟
عبود مستسلم : والله يا منى مو مسوي شي جايد .. بس كنت متهاوش مع استاذ الرياضيات نقصني بالامتحان .. وزاد حق ولد رفيجه .. وانقهرت قلت له استاذ ظلم ترى جان يقولي وقف ورى ولا تناقشني ويقعد يسب .. انا هني دوبي ودوب اللي يزف .. فما بالج .. هالمدرس اللي اكرهه ولا غلطان علي وانا اللي عندي الحق .. لانه ظلمني .. قلت له ماني موقف ورى واعلى ما في خيلك اركبه .. جان يوديني الاخصائي وكتب لي تعهد .. انا هني ماقدرت استحمل .. غلطان علي ويوقفني ورى ويسبني .. وتعـــهد ..؟ شنو ماكل حلال ابوه انا ..
والله اتفقت مع الربع .. انطب له بالهده .. والله ما سويت له شي بس حذفت حصى على جامة سيارته .. وتمشخت شوي .. بين عليها الاثر .. هني جن جنون الاستاذ وعلم الاداره وقالوا لابوي .. بس .. ترى والله ظلم ..
بس منو اللي بيوقف معاي دام ابوي هو اللي ضدي من بدّ هالعالم .. اوامي لو بقولها بتقولي قلعتك .. تستاهل خل اخوانك وربعك ينفعونك .. مادري ذابح لها ابوها انااااااا ؟؟ والله ولا همها كشخت ولبست وكاهي اللحين بعرس بنت اختها ترقص ولا همها شي ؟؟ ولا كأني ولدها ضناااااااهاااااا اللي اتعبت فيه تسع شهوووووووووووور ..
بالعكس ترى هي اللي اتحرش ابوي علي .. وهي اللي كرهتني عنده .. منو فاضي لي ولمشاكلي يلا وان قلت لابوي .. بيصارخ ويكفخ .. وبس هذا اللي عنده الطق .. جني حيوان عنده .. بس معليه علمتني الحياه اصبر كلها طقه .. الضربه اللي ماتقتل تقوي .. وكاني اللحين ماني فاتح حلجي بكلمه بنطق وبصعد .. لان الكلام مع ابوج اكبر غلط .."
خويلد اسمعني ..
عبود : خويلد لاتنزل نط من دريشه المطبخ .. وروح لربعك .. بس لا تنسى تعطي رقم نايف جاندرا عشان اذا تأخرت تتصل فيك .. وانا ان شاء الله بنطق وبطلع .. المهم تطلع .. اوكي..؟
خالد : اوكي .. الله يعينك بس .. انزل بس لا يسوي لنا سالفه ..

"هم يتكلموووون .. ومنى بعالم اخر .. كانت تسمع كلام اخوها .. وحست ان الظلم يطبق بهالبيت عليهم اهم الثلاثه .. مو بس هي .. وكانت تسأل ياربي ليش ؟؟ انا قلت عشاني بنت بيستقوون علي .. اثاري حتى اخواني .. بعد متعرضين لأذى النسره .. الغوله هذي واذى ابوي اللي ينقااااد .. وراهاا بدون شور احد .. آه لي متى احنا على هالحـــــال ؟؟ ياربي ساعدني .. وحست بدووخه .. لانها مو ماكله شي من زمان .. اللهمم ماي وتمشي حالها .."
طلعوا من الغرفه واصرت منى انها تنزل مع اخوها وتأزره محنته .. اللي كل يومين تقريبا يتعرض لها هالولد .. ولا يتوب .. خالد سوى اللي قاله عليه عبود .. ونط وراح ..
نزلووا .. الا ابوهم .. يقلب مسباحه .. بيده .. ويفركها بغيظ .. الجوو هادي .. أي مو قالوها من زمان .. " الهدوء قبل العاصفه " .. كانت جاندرا نازله معاهم بس منخشه بحمام الدوانيه .. دشت منى الدوانيه بما ان مافيها احد الا ابوها .. واصلا الدوانيه دايما فاضيه مايجونهم رجاجيل .. بكثره ..
منى اتحس بدوخه ومتمالكه نفسها ..لازم اتساند اخوها : عبود .. ماعليك اذكر ربك ..قول معاي هالدعاء ..
*اللهم اجعل من خلفهم سدا ومن امامهم سدا واغشيناهم وهم لا يبصرون ..*
عبود حس بالامان مع اخته : اوكي ..
طبعا كل هذا واهم قبال ابوهم .. وبصوت واطي اقرب الى الهمس ..
اعلن بوعبدالله .. هجومه بالكلام ..
بو عبدالله : عبود .. مسود الوجه شمسوي اليوم هاااااه ؟ " قال هالكلام واهو قايم ..
عبود بخوف : هلا يبى لا بخصوص السالفه انا افهمك تراك فاهم غلط ..
بوعبدالله : جبب ولا كلمه .. فاهم غلط على بالك مادري بخمايلك يالكلب ..
عبود : يبا ..
" كان الطراق اقرب من وجه عبود .. من كلامه .. وما انصدم لانه متوقع هالشي ..
وبدى بوعبدالله بالضرب المعتاد .. وبعنف هالمره لان عبود ردّ عليه ..
منى وهي تبكي : يبى الله يخليك هدّ عبوود .. تراه مظلووم ...يبى الله يخليك ..
طبعا الابوو متجااااااهل .. منى ومتجاهل هالكلام اللي اتقوله .. وهمه الاول والاخير .. ان الضرب يكون مبرح ..
ويبي يتفنن بالطق .. يحس انها قوووة .. مادري انه جذي يصغر كل يوم قدام عياله .. ومادرى ان هالاسلوب اكبر اسلوب يضيع الابناء ويساعدهم عالانحراااااااااف .. بس تقولون لمن؟
منى وهي تشوف الطق يزيد : يبااااااااااااا يبااااااااااااااااا بس بس بس بس
منى: يباااا ترى عبود مظلوم يباااا ترى ..
شوي الا هي طااااايحه من طولهاااااااا .. كان شكلها يكسر الخااااااااااطر منظر الدموع على وجهها اشبه بالشلال.. الغزير السيلان .. منى الشابه اليانعه .. تذبل يوم عن يوم .. والسبب الظلم .. طاحت على الرخام .. والضربه هي اللي صحت .. بوعبدالله .. والتفت لها وهدّ عبود اللي كان ينتظر الطقه مافوق الالف ..
عبود وهو يركض لاخته : منى منى حبيبتي قووومي منى ..
بوعبدالله : ياجاندرا ياجاندرا ..
جتهم جاندارا ترررركض لانها كانت منخشه بحمام الدوانيه ..
جاندرا بهلع : هااااااه بابا شنو في .. وتشهق .. منىىىىى
بوعبدالله : لاتسويلي فلم هندي اركضي جيبي الماي .. بسرعه ..
جاندرا طاااااارت طيران المطبخ ..
عبوود يطق منى بخفه : منى منى حبيبتي قومي .. منى الله يخليج قومي شنو يعورج ..؟
منى طبعـا ماكانت بعالم الوعي .. كانت ماتدري بنفسها .. لاهي بالحياه ولاهي بالموت شي يسمونه لا وعي اغماء ..
بوعبدالله يوم شاف انه مافي مجال .. ماقدر ينطر جاندرا .. جان يخم بنته ويركبها السياره .. وقال لعبود يجيب عباتها ويلحقه ..
نفذ هالاوامر عبود بدون وعي .. هو الثاني مو قادر يتصور منى بهالحاله .. ليش ؟ شفيها ؟؟
وكانت علامات وجهه بوعبدالله تشير على الربكه .. والخوف .. على بنته اللي ما يدري شسالفتها هي الثانيه بعد ؟
حرك السياره .. والا جاندرا طالعتلهم : بااااااااباااااااااا ماي .. وين رووووح انتوو ؟؟
طبعا هالكلام كانت اتقوله للهواء .. لانهم حركوووا بسرعه البرق

لــــنــــ عودة ــــا

[حـ & ـر & و & ف]

الجزء الثالث
-------------------
بسرعه البرق كانت سياره بوعبدالله تمشي .. بشكل اقرب للطيران..
" .. مايدري شنو اللي يدفعه لي هالشي هل هو خوفه صج على بنته او .. لمعرفته بذنبه وتقصيره لهم .. او كل هذا دلع بنات عشان شافت ابوها يطق ولده .. والا يمكن يكون نوع من التمثيليات المدبّره عشان اترك عبود .. ولا اطقه .. بس البنت لا لحين ما صحت الله يستتر .. ؟"
هذا كله يدور في بال بوعبدالله .. وكانت هالافكار اتمر بشكل عشوائي .. مزعج .. !
بوعبدالله بتذمر : هذا وووقته الاشاره بعد .. ؟
عبود بخوف : يباااا طوفها ترى منى لا لحين طايحه .. عفيه يباااا بعدين ادفع المخالفه ..
كان بوعبدالله يطوفها قبل لا يسمع كلام ولده .. كان في باله البنت ... وبس
وكان بوعبدالله متجه لمستشفى خاص .. لانه ما يؤمن بالحكومه .. يحس انهم بس بيمشون الناس أي كلام ويمشونهم باسبرين وخلصنا .. هذا مبدأ عنده .. وان دكاترت الحكومه أي كلام .. !!

وصلوا المسشتفى .. بوعبدالله دخل باب الطوارئ .. ولف راسه يكلم عبود.. عبود كان ورى و قاعد بطريقه مسند اخته عليه ..
بوعبدالله : عبود روح ناد السسترات يشلون اختك وانا بروح اكلم لي الدكتور ..
عبود: ان شالله .. يباااا
وصلوا السسترات يشلون منى اللي لالحين كانت فاقده الوعي الخارجي .. بس بالسياره وعت وكانت اتحس باللي حولها بس ماقدرت تتكلم .. ولا تتحرك حست ان جسمها مو قادر يساعدها من الخمول حتى الكلام مو قادر يطلع من لسانها تحس بتعب فضيع ..!
عبدالله .. كان يتبع السسترات ونظره على اخته .. كان صج خايف على منى .. بس اللي يهمه بالموضوع انها تقوم بخير .. واترد معاهم البيت .. حتى هو اتمر بباله افكار ويطردها ويتعوذ من الشيطان .. ببساطه خايف يفقدها .. !
بغرفه الملاحظه الدكتور بعد ما فحص منى وعرف حالتها نادى ابوها وقاله انه يبيه برى شوي ..
الدكتور: اهلين انت ابو المريضه صح ؟
بوعبدالله : أي دكتور شلونها اللحين انشالله احسن ؟
الدكتور: اهي اللحين بخير ..
بوعبدالله : طيب دكتور عسى ماشر شاللي فيها ؟؟
الدكتور: ياخوي بنتك تعاني من هبوط حاد .. وفقر دم .. شكلها كلش ما تاكل شي ..؟
بوعبدالله منصدم : ها شلون جذي ماتاكل ؟
الدكتور : طيب انتو تاكلون معاها .. ما لاحظتوا هالشي ..؟
بوعبدالله مفتشل : لادكتور انا ارد من دوامي متأخر فا اتغدى مع زوجتي ..
الدكتور: اممم .. بس ياخوي لازم اتدقق على هالنقطه.. على ما اعتقد هذي بنتك .. وانت ابوها .. وحالتها ما يخفى عليك بتسووؤ اذا اهملتوها .. يعني هبوط بالضغط .. وفقر دم .. مره وحده في عمر بنتك .. صعبه شوي .. !
بوعبدالله بإنصات تام : أي أي صح معاك حق .. متى بتطلع هي ؟
الدكتور : اهي اليوم بتنام هني .. على ما نحط لها المغذي أهي محتاجه لكميه .. ونرفع لها نسبه الضغط .. بشكل طبيعي .. خلال يوم واحد .. اهي طالعه بإذن لله .. تقدر اتحط معاها مرافق حق ليله وحده اذا بغيت .. مثلا الوالده ..
بوعبدالله وتذكر فاطمه بالعرس ويعض على شفاه: اممم لالا بخلي اخوها عبود يقعد عندها والدتها مسافره ..
الدكتور: اوكي على راحتك .. تقدر اتروح الاداره تتفاهم هناك بخصوص هالامر عن اذنك ..
راح الدكتور ورجع بوعبدالله الغرفه اللي كانت فيها منى ممده على السرير بشكل تضعف لها القلوب .. وجه ملائكي طغت عليه المعاناه وقسوه الظروف .. والمغذي كان بيدها اليسار .. وكانت واعيه وتكلم اخوها عبود ..
منى: عبود ليش جبتوني الطبيب ..؟
عبود: واخيرااااااا قمتي .. منوووووه شلونج اللحين ؟؟ ان شالله احسن
منى: أي بس هالابره اتعوورني .. ضاغطه على ايدي ..
عبود: أي هذا الدّرِب تحملي شوي .. عشان تقومين وتصيرين احسن ..
منى: اها ..
ابو عبدالله كان يسمع كلامهم لانه كان داخل الغرفه .. وبدى بالحديث ..
بوعبدالله : هلاا والله بمنى .. شلونج حبيبتي اللحين؟
" الكل متفاجئ من هالاسلوب الذرب اللي يتكلم ابوهم فيه .. من متى منى حبيبتك .. منى اللي ماتدري عنها ؟؟ والله تطورات ..!!"
منى باحراج : هلا يبا ..بخير ربي يعافيك ..
بوعبدالله : منى يابنتي ما يصير جذي صج انتي ماتاكلين ؟؟ ليش يابوج ؟
منى استوعبت سبب تواجدها هني : اه لا يبا بس ما اشتهي ..
عبود: شنو ما تشتهين يومين ماتاكلين مايصير ترى .. لانفسكم عليكم حق ..
بوعبدالله مستغرب : يومين ؟؟ ليش يامنى ؟
منى بيأس: ها بس منسده نفسي والله غصباااااا عني وبدت اتصيح بهدوء ..
عبود: يبى انا اقولك ليش .. ترى امي شلت الجهاز وعطته بنت اختها وحرمت منى منه اللي كانت متعلقه فيه .. والمشكله ترى مافي سبب مباشر .. بس اتحب تقهرها ..
بوعبدالله انصدم من جرأه عبود: صج ؟ يعني منى هذا عقل ماتاكلين عشان جهاز .. ؟
عبود قاطع ابوه : لالا يبااا مو عشان جذي ترى يبااا امي متهمتها انها بايقه طقمها .. وخليتها خدامتها الثانيه يبااا ترى منى بنتك .. يرضيك جذي؟ شوف حالها..!
منى سكتت ..
بوعبدالله يفكر ..: يصير خير .. منى ترى باجر بيطلعونج .. اليوم عبود بيقعد عندج وباجر بمرج ان شالله واي شي تبينه اخوج معاج .. تامرون علي شي ..
" قالها واهو على الباب .. معلن خروجه من الغرفه .."
عبود: سلامت راسك ..
منى ما ردت .. التزمت بالصمت ..
" طلع منهم بوعبدالله وكلام عبوود في باله مو قادر يشله من مخه .. فطوم جذي تسوي ؟؟ انزين امنا بالله ليش ما تشوف البنت كلت والا لا ان ماتت من المسؤؤل ؟؟ لحووول .. اعوذ بالله منك يا ابليس .. "
وركب سيارته وراح ..


يمىىىىى يمىىىىىىىىىى يلالالالالالا تأخرناااااااا .. كل هذي صلالاه يمى ابطينا على العرب ..
"هذا الكلام كانت اتقوله عنود .. واهي تصارخ .. تنادي امها من فوق .. لانها اخرتها على بيت عمها .. "
ساره وهي نازله من الدرج : عوذ بالله منج من بنت ما تستحين صوتج غطى الفريج .. ؟
عنود : هذي اللي اخلصي علينا ولا تأخرينا وعلى اذان المغرب وانتي بالسياره .. اشوف انتي اللي اخرتينا ؟؟
ساره : اقول اقصري الحكي .. وامشي قدامي .. اتصلتي بحمد يودينا ..؟
عنود : يمى ترااااااه برى ينطر .. انتي معطله العالم ..
ساره تدز بنتها : امشي اهووووو قدامي قالت عطلتكم أي الا انتي اللي مستعجله مادري بيت عمج بيطير .. وتضحك ..
" عنود بقلبها .. فديتهم ياناااااااااااس مشتااااااقه .."
"ركبووو السياره وكان حمد يتحلطم .. على امه انها اخرتهم .. ومن هالكلام .. اللي ما يخلص ..وشغلوا الاف ام ووصلوووا بيت عمهم.."
عنود ..: يمى شلون شكلي كاشخه ؟
ساره : شنو بيخطبونج هم .. مافي الا بنات عمج ..
عنود: يمى ابي اقهر دانه .. وريم ههههههههه
ساره وتضحك على خبال بنتها : اقول تنزلين والا اخلي حمد يردج البيت .. ؟
عنود: شنووووو ما نضحك يعني خلاص صكينا الحلج همممم ..
واهم داخلين .. الا واحد طويل اسمراني .. متكشخ .. وريحه عطره واصلتهم ..
فيصل : اقربوووا .. حي الله من جانا ..
حمد: قريب .. الله يحيك ويبقيك ..
فيصل : قوه خالتي شلونج شلون عمي ناصر.؟
ام حمد: هلا والله بالغالي .. بخير وصحه ينشد عنكم ..
فيصل ..: فديته عمي انا.. حياكم خالتي ادخلوا .. " ويأشر بيده على الصاله .."

" فيصل اعتمد يسوي هالحركه عشان يقهر .. عنود .. لانه ما سلم عليها .. بس يموت لي شافها متنرفزه .. ويحب يطفرها .. طبع فيه .. بس عنود ما يفوت عليها شي عارفت له عدل .. واقفتله بالمرصاد .. بس ما ينكر انه اشتاااااااق لهاا.. وحس براحه يوم شافها جايتهم .. "
دشوا الحريم .. اخذ سلامات وسؤال عن الحال ومن هالكلام ..

دانه : اوه اوه شعندج كاشخه اليوم .. يعني تبين اتصكين علينا .. اصلا انتي جمالج رباني ما يحتاج ..
ريم : هييييه انتي تبين ترفعين خشمها علينا .. ترى مو ناقصين .. وتضحك ..
عنوود : يابعد عمري يا دون ون .. محد فاهمني غيرج ..
" دانه بعمر عنود .. وعليها جمال هادي .. ومعاها بالكليه بس تخصص ثاني يعني ان لقووا وقت تجمعوا بالفراغ .. وكانت اتعرف سلمى .. لانها رفيقه عنود من سنين .. وهالبنت .. نفس طبع عنود .. وكاتمت اسراراها .."
" ريم اصغر من دانه عمرها 18 .. هذي اخر سنه لها بالثانويه .. تخصصها ادبي .. وشاطره .. وتحب الغياض والمناجر .."
قعدوا البنات يسولفوون .. صارلهم اسبوع ماشافو بعض .. واخذ عاد حش بالناس وسوالف ونكت وولعب ..
بعد نص ساعه يوم خلصوا من السوالف .. .. ملووو البنات .. وزهقوا ..
عنود: بنااااات بلي ستيشن لا لحين موجوده تحت ؟؟
دانه : انتي ما توبين .. لالا الظاهر بالصاله اللي برى ..
عنود : وشريط كراش لالحين عندكم .. والا قطه رشوود؟ عفيه لا تقولون ؟؟
ريم : لالا موجود بس بغرفه فيصل خاشه لانه معاقب رشود .. مايلعب عشان ينتبه لدروسه ..
عنود: حلوو .. ريم جيبي الشريط ودانه طرشي راجو الجمعيه يجيب كاكاوات وبطاط وبيبسي ..
وانا بركب البلي ستيشن .. اوكي اتفقنا ..؟
داااانه : يوووووه اللحين وين ااجيب مفتاح غرفته هذا ؟
ريم : قولي لسيتي تجيبه منه بالدوانيه ..
عنود : خلصونا يلا مابي الوقت يضيع ..
اتجهت كل وحده منهم على مهمتها .. بسماع وطاعه ..
نزلت ريم تحت : يمى ابي مفتاح غرفه فيصل ..
امها : شتبين فيه ؟
ريم: نبي شريط كراش بغرفته ..
امها : اووكي قولي لسيتي تجيبه من الدوانيه ..
ريم بتذمر : اجل ليش تسألين .. جان قلتي لي اقول لسيتي وخلصنا .. وتضحك وتروح ..
امها : اعوذ بالله من بنات هالوقت .. يراددون امهاتهم ؟؟ ربي لا تغضب علينا ..

سيتي .. راحت الدوانيه .. ونادت فيصل .. وطلع لها ..
فيصل : ها شتبين ؟
سيتي : بابا بنات يبون مفتاح انتا غرفه
فيصل: شيبون ان شالله ؟
سيتي : مادري بس هو يقول هذا كلام ..
فيصل ادرك ان السالفه وراها عنود : اممم اوكي انا جاي اللحين ..

صعد لهم فوق .. ماكان في احد غير عنود .. لان دانه نزلت تحت توصي راجو يجيب اللي يبونه من الجميعه .. وريم مسكتها مرت عمها بالسوالف .. ولاهمها قعدت وسولفت ونست سالفه الشريط ..

" عنود تعابل بوايرات بلي ستيشن ..ومتلعوزه .. عالاخر .. شوي الا اشتغل .. وتنط من الفرحه سوت انجاز .. بالنسبه لها .."
عنود: هيّــاااا .. ما بغى ..
"وتتربع على الارض .. وحاطه المسند على ظهرها .. بشكل يساعدها على اللعب .. بانطلاق "

فيصل واقف وراها وميت من الضحك على شكلها .. يدري انها عمرها ماراح تتسنع .. راح غرفته بصوت واطي وطلع الشريط .. يدري انهم منادينه على الشريط لان كراش الشريط المفضل لعنود .. وطلع الشريط اتجه للصاله اللي فيها عنوده ..

عنود وصلها الشريط .. بشكل طائر .. زين ما انكسر .. التفتت بغضب ..
عنود: ووووووووجع .. بغيتي تكسرينه ..
" انصدمت من اللي شافته .. واسكتت "
عنود وهي منحرجه : اووه سوري ..
فيصل ابتسم بلعانه هذا اللي يبيه : لا والله وجع ها ...؟؟ وين اصرف سوري هذي ؟؟
عنود: والله ياخوي اعتذرنا لك .. ماتبي ضف وجهك .. بعد غلطان ويتكلم .. خوش ..!!
فيصل طق عنده العناد: لاوالله ... ضف وجهك بعد ؟؟ اممممممممممممممممم
يمسك فيصل الشريط .. ويتراجع ..
فيصل : لي تأسفتي بأدب ذيج الساعه تعرفين شلون تاخذين الشريط .. تشاااو ..
" وينزل تحت "

[حـ & ـر & و & ف]

صعدت دانه .. وهي تشوفه نازل .. ومعاه الشريط .. وانقهرت ..
دانه : عنود هذا شقاعد يسوي .. ليش خذاه لالا ليكون تهاوشتو .؟
عنود مو قادره تستحمل : يااااااااااااربي منه يقهررررر شلون اللحين بلعب انا بلعب يعني شلوووووووووووون ؟؟ شوفي صرفه مع اخوج هذا .. ولي تأسفتي بأدب ذيج الساعه تاخذين الشريط .." تقلد صوته ..
دانه ماتت من الضحك : انتي هييييه شمسويه بعد .. ليكون عاندتيه ؟؟ تراه مو هين ..
عنود تكابر : شنو يعني ليش هو بس اللي يعاند .. يقط الشريط واعتذري خووش والله ؟؟
دانه : أي اجل اكليها مو تقولين ابي الشريط بعدين .. انزين حبيبتي ..
عنود : هييييييييين يا فصووووووول انا وراك والزمن طويل ..

" نزلت تحت وخلاص تشوف شرار على عيوونهااااااا .. اللي قدامها بتكسره .. ولقتهم كلهم تحت ريم ومرت عمها ..وحمد وفيصل ورشود .. "
عنود قعدت صوب ريم .. وتحرك رجلها بتوتر ..
ريم : هدي هدي ها لعبتي .. جابو لج الشريط ..
عنود شوي وتصيح : لا مالعبت .. كلا من اخوج ..
ريم : والله ليكون ماعطاكم الشريط .. ؟
عنود : لا ماعطانا
ريم: ليش عاد ؟
عنود بصوت عالي: تقدرين اتقولين نذاااااااله ..
ريم : اممممممم
ريم بصوت واطي : انزين كلميه حايليه دزينا السايق جاب اكلنا .. عفيه اعتذري له .. خلينا نفتك ..تعرفينه يعاند ..
عنود تعمدت تطول صوتها : لاوالله ؟ تبيني انا اعتذر له هذا الناقص .. ويكون بعلمج ماراح اطب بيتكم دام هالنسر موجود ..

" فيصل .. يسولف مع حمد بالصاله .. بس فكره وسمعه مع عنود .. يسمعها شتقول لريم .. يضحك على خبالها وتضايق لانها زعلت .. شكلها هالمره صج هالخبله اتصدق كل شي .. بس انا لازم اعلمها .. فيصل منووو؟"

" عنوووووووود من داااااخل منقهررره على فيصل .. يعني اللحظه اللي بتستانس مع بنات عمها يجي يخرب عليهم .. وكانو معدلين القعده سوالف واكل ووناسه .. شلون يجي يخربها ولا اعتذري لي وياخذ الشريط اللي انا ابيه .. شسميه هذاا ؟؟؟ وكاهو مستانس ولا كنه سوى شي يضحك مع حمد .. وانا صفر على الشمال .. ولا همه شششي .. هذا من شنو قلبه ليش ما يحس ؟؟ "
ريم: انتي هيه اكلمج ليش ماتردين ..
عنود لالحين مو معاها ..
ريم تصارخ بدفاشه التفتوا لها : عنود عاد خلاص كل هذا عشان شريط .. ماعليج خله يولي ..
" كان بصوت عالي "
هني انحررررررجت عنود : ريم ...؟ شفيج
ريم : عاد خلاص هدي اعصابج .. ترى مادرى عنج .. شوفيه يضحك .. وانتي اللي منقهره؟
عنود ماقدرت تستحمل : عن اذنكم .. وراحت فوق ..
دشت غرفه داااااااااااااااانه وعلى السريرررر .. حطت راسها وتبجي بصوت مخنوق ..
دانه : شفييييييج عنوووووووود لا تبجين ماعليج منه هالحقير ..
عنود : ........ " تصيح "
دانه : عنووووووود وراس الغاليه بس خلاص اذا على الشريط اللحين اجيبه لج ..
عنود: لالالا الشريط يحترق بستين لعنه .. بس ليش يتلذذ بحرق اعصابي ؟
دانه : لانه معقد نفسيا ماعليج منه ..
عنود: اه بس متى بيحس ..؟ متى .؟
دانه : انتي اللحين هدي شوي .. وروحي غسلي وجهج .. وانزلي ترى ان شافج اتصيحين خلاص بيستقوي وهذا اللي هو يبيه ..
عنود : اموت واعرف ليش يسوي جذي .. دانه انا قبل كنت استحمل اللحين لا كل ما جيكم يجي يحط دوبه دوبي .. شنو هذا .. المشكله انا احبه .. يعني شعوري غير ..
دانه عورها قلبها : ياااعمري ياعنود .. ادري والله .. وعشانه ايحبج هو ما يعبر عن حبه الا بهالطريقه الدفشه ترا هم جذي كل واحد له طريقه .. انتي على بالج .. ايام قبل افلام الحب لالا .. انتي اللحين سوي اللي قلت لج .. وماراح يصير الا االخير ..
سمعت عنود كلام دانه .. وراحت الحمام .. وغسلت وجها وانزلت مع دانه تحت يوم حست انها هدت ..
" عنود قررت انها تعطيه طاااااااااف كبير.. ولا ترد عليه .. لانه مايسوى دمعتها .. وحرقه قلبها .. لانه بكل بساطه ما يحس ..!!"
ريم : ادعولي اخر سنننه وافتك ..
دانه : ويه الجاهل انتي لالحين ههههههه
ريم : على الاقل ياحبيبتي شاطره مو مثل بعض الناس .. " تطالع فيصل اللي مافلح بالدراسه كلش "
دانه: أي اذا على فيصل هذا شي ثاني..
" ويضحكون الا عنود اللي عورها قلبها يوم اسمعت اسمه .. وفيصل اللي مايدري شكانو يقولون كان فكره وقلبه عند عنود لانه عارف انها فضت اللي بقلبها فوق عند كاتمه اسرارها دانه .. وعوره قلبه باللي سواه اليوم فيها ..وقرر انه يستسمح منها بس مو الحين بعدين ..!"




على ثاني يوم الصبح الساعه 9.20.. في المستشفى .. منى توها قايمه .. وعبود نايم .. منى قامت على صوت السستر حاطه الريوق .. لها .. وعطتها الدواء قبل الاكل .. وطلعت ..
منى" ياربي شلون باكل .. مالي نفس شي .. كلش .. اف بس .. وخلت الاكل على صوب .. لين قام عبود اللي كان غايب عشانها .."
عبود توه قايم : انتي قمتي ؟
" سؤال غبي "
منى: أي .. صباح الخير ..
عبود: صباح النور .. ها شلونج اللحين ..؟
منى: بخير وصحه .. قوم غسل عشان تتريق ..
عبود : هذا ريوقج تعالي ليكون ما كليتي .....؟
منى: لا مو مشتهيه ويالله عبود انت اكل ..
عبود بغضب : انتي وبعدين معاج يعني لازم أأكلج بيدي يعني .. يامنى يا حبيبتي ما يصير جذي مو زين لصحتج .
منى بيأس : ادري بس غصباً عني ..
عبود : واللي يقولج انج بتاكلين ومعاي بعد .. بتردينه ..؟
منى : أي بس ما ..
عبود مقاطعها : لا بس ولا شي .. بغسل وبجي .. مو تاكلين وتخلييني .. شكلي بدش وبطلع الا انتي ماكله كل شي .. الله يستر ويضحك رايح الحمام..
منى " يحليله عبود .. والله طيب وقلبه نظيف .. بس انا ابي احد جنبي ابي ام اخت رفيجه .. مافي مافي .. اه بس وينك يافهد .. انت كنت لي الانيس والام والاخت والاخو وكل شي .. كنت كل شي ووتذكر موقف صارلها من جم اسبوع معاه ع المسنجر .."


Fahad :
هلالالالالالا والله وينج انتي ها شلون الدراسه معاج انشالله اووكي ..؟
MoNa :
هلاا فيك تمام والله ماشي حالي انت شلونك ؟
Fahad :
بخير والله بشوفتج امس ليش شبكتي دقيقه وفصلتي ترى رفعتي ضغطي ههههه
MoNa :
هههههههه يالخبل انا قلت لك بروح المكتبه يعني لاتنطر افهمها يالذكي ..
Fahad :
ههههههههه تطنزين بسيطه .. شدراني نطرتج مو على نياتي انا
MoNa :
هههههههههههه
MoNa :
لحظه فهد خالتي تنادي ..
Fahad :
امنا الغوله لا لحين عايشه هههههههههه الله يعينج عليها ..


"بعد خمس دقايق "

MoNa :
اوه باي فهد ابوي يصارخ يطق خلّود اخوي .. شكله جايني الدوور الله يستر باي باي:
Fahad :
منىىىىىىىىىىى شفيييييييييييييييييج؟؟؟؟؟؟
Fahad :
ردي علي الله يخليج لا تحرقين اعصابي شنو يطقج شذنبج انتي ؟؟؟؟
Fahad :
منىىىىىىىىىى


--
ونفس اليوم دز لها ايميل مخترع ويحاتيها خايف ان ابوها طقها .. بس فهمته ان ابوها كان يطق خلّوود عشانه كان يبي تلفون وابوه معارض يقول توه صغير .. كان فهـد يشاركها احزانها وافراحها .. وهو الوحيد اللي تشكيله منى .. لانه حااس فيها ويخاف عليها من كل شي .. بس الظروف آآه بس .."
منى كانت تتذكر كل هذا وهي تطالع الريوق ودمعت عينها .. بس ماكانت تدري ان عبود يراقبها من اليوم .. ويشوف علامات الحزن بوجه اخته .. واعلنت الدمعه سقوطها بعد الاستسلام .. مستغرب اختي تعاني اكيد؟ بس انا ماحاولت يوم من الايام اني اتقرب منها واعرف شفيها ؟ ومن شنو هالحزن كله على وجها .. انا وخلّود نعاني نفسها بس هي غيّر .. هي بنت واكيد مشاعرها غير عنا ..

عبود: ليش تبجين ؟
منى : عبوود
عبود: هلا ؟
منى : ابي امي الله يخليك ..
عبود: ان شالله من عيوني انا اصلا وعدت خالد اوديكم لها .. بس استلم الليسن وكل اسبوع انتو عندها ..
منى بفرحه : تسلم والله ماتقصر بس متى عاد الليسن انا محتاجتها حيل ..
عبود : ان شالله قريب بس اللحين اكلي ..
منى : اوكي بسم الله ..

--

(فهد .. عمره 23 توه متخرج علوم اداريه ويشتغل بالحكومه .. فيه من جمال اخته .. بس بملامح رجاليه .. كلهم طالعين على امهم الله يرحمها .. يحب شغله .. وهو اللحين متكفل باخته .. وحاس بالمسؤليه .. ورفيق دربه حمد معاه من عمر .. )

بالمكتب .. وحمد قاعد قباله .. يشوفه سرحان عالاخر ..
حمد: هييييه انت وين وصلت ..
فهد: لحوول شتبي انت بعد..
حمد: اللحين انا اسئل عنك شبي ؟؟ الشرهه مو عليك على اللي يسأل عليك .. طير منااااااااك
فهد يضحك: لالا والله بس سرحاان ..
حمد: بشنوو يعني فهمني ..
فهد: افهمني هذا اليوم الثالث ماشبكت .. شسوي انا اقطع عمري ..
حمد: ياخي يمكن خالتها هذي الغوله على قولتك .. ماتدري انت بالظروف ..
فهد بخوف: شنواتوقع سوت لها بعد ..؟ غير الطق
حمد: يمكن اقطعت النت عنها ..وويمكن..
فهد مقاطعه .: لالالا شنو شتقول انت فال الله ولا فاااااااالك .. تدري شنو يعني هذا يعني اموووووووووووت والله .. مو قادر اتصور حياااااااااااتي خلاص تراني متعذب حدي اللحين .. احس فيها شي وشي جايد بعد ..
حمد: يافهد صل على النبي .. ترى هالاسلوب ماراح يفيد بشي .. انت بعد لازم اتقدر الظروف واهي ان قدرت بتشبك لا تحاتي وهدي اعصابك ..
فهـد : اه الله يستررررررر يارب انها اتكون بخير يارب ..
حمد: ماعليك ان شالله بخير وبصحه .. اللحين كمل شغلك ويلا انا اليوم بوديك البيت وبتغدى معاكم بعد قول لا؟
فهد بابتسامه باهته: افا عليك مانردك يابو ناصر .. بخلي سلمى تجهز لنا الغدى
حمد بابتسامه عريضه: يكون احسن


لــ نــ عــودة ــا

[محمد الجرايحى]

الأخت الرائعة
حروف
شكراً لك على المجهود الرائع

تحياتى وتقديرى

أخوك
محمد

[حـ & ـر & و & ف]

[عزيزي الزائر يتوجب عليك التسجيل بالمنتدى لمشاهدة الرابط]


الـسـلامـ عليكـمـ ورحمـة اللـه وبـركاتـة

أخــي :: ! ؛¤ّ,ّ مـ-ـ-ـحمد الجـرايحى ,ّ¤؛ !

... نــور تواجدكـ الكريمـ متصفحي بطلتكـ فـ شكـرا ً لكـ

دمــ بكلـ خيـر ـتَ

تحياتــي.....


[عزيزي الزائر يتوجب عليك التسجيل بالمنتدى لمشاهدة الرابط]

[حـ & ـر & و & ف]

الجزء الرابع ..
----------------------


خالد .. طبعـا رد بالليل من السينما وكان مستانس .. لان الفلم كان كله اكشن طق مطاقق .. هو يحب هالنوع من الافلام .. لان فيها قوه وعنف وهو قدام ابوه ينقصه هالشي .. وكان وده يكون قوي لدرجه انه يكون مسؤل عن اخته .. ويحس تجاها بالمسؤليه .. بنظره المسؤليه قوه .. هذا اللي تعلمه المسكين من ابوه .. راد من البيت مستانس .. ومتعشي برى .. ودش من باب المطبخ الوراني .. طبعا باتفاق بينه وبين مدبره منزلهم ..المنقذه .. جاندرا .. بطريقه تسلليه .. ولقى البيت كله نايم .. وحط راسه هو الثاني ونام .. على باله نايمين عشان المدارس .. طبعا ماكان يدري باللي حصل .. ولا علمته جاندرا لانها درت ان هالروحه ما جاته الا بعد الشين وقوات العين .. ففضلت تسكت .. هو كان وده يمّر غرفه عبوود ويعرف منه باللي صار .. بس قال اكيد هو اللحين نايم او متعور من الطق خلاص مصيري اشوفه واعرف منه التفاصيل .. جم طراق او جم رفسه شاته ابوي .. وشنو قال .. ومن هالكلام اللي يسم البدن ..!
هذا كل اللي صار لخالد يوم رد من السينما .. بس ما اكتشف الا ثاني يوم الصبح .. باللي صار طبعا من كونا البيت .. واللي بتلقى عندها الصادر والوارد .. جاندرا .. خالد تنرفز .. من هالخبر .. وكان بيغيب ويروح لهم الطبيب .. بس طبعا بوعبدالله محرص على انيس ( السايق) انه يودي خالد المدرسه ولا يوديه لا مني ولا مناك .. وهذي الاوامر صدرت عن لسان بوعبدالله بس بتدبير مخطط من المدام فاطمه .. عفواً الغوله فاطمه ..!


"خالد طول اليوم باله مو معاه .. بس همه يروح يتطمن على اخته .. حالها اكيد ما يسر من الكلام اللي سمعه من جاندرا .. طيحتها قويه .. انا من دريت انها ماكلت يومين وانا داري ان حالها مترديه .. مايصير لي متى بظل ساكت لين تروح من يديني ؟؟ هذي الامانه ياخالد .. اللي امك وصتك عليها ..!؟ "
كان سرحان ويطالع سور المدرسه .. وده ينط هالسور .. ويسوي أي شي المهم عنده ان هالافكار اللي براسه لازم اينفذها .. وباسرع وقت ممكن ..!


خالد بحصه العربي ..
خالد : محمد .. محمد تعال ابيك شوي ..
محمد: هلا خير خالد عسى ماشر .؟
خالد: محمد من بياخذك بالهده ؟
محمد: سايقنا .. ليش بغيت شي ؟
خالد : أي ولا عليك امر ابيك اتقطني عند بيت واحد من الربع ..
محمد: صار ولا يهمك بس انطرني بالباركنات اذا طق الجرس اوكي ؟
خالد : اوكي ناطرك .. ومشكور ماقصرت ..
محمد يبتسم : ماسوينا شي ..


طلع خالد بالهده .. وركب مع محمد رفيجه ووصله للبيت اللي بغاه خالد .. بيت في منطقه سكنيه راقيه .. بنيانها حديث نزل خالد .. وطق الجرس .. ردت عليه الخدامه .. قالها بابا طلال موجود؟ قالت له موجود بالدوانيه وفجت له الباب ودخل ..
بعد مرور ساعه .. يعني الساعه اللحين 1.5 دقايق .. في المستشفى .. بالتحديد غرفه منى اللي كانت تطل على حديقه المستشفى وكانت منى تتأمل الحديقه .. وبفكر سرحان وبنظره مخيفه للمستقبل المجهول المنتظرها ..!
عبود قاعد ويقلب بالقنوات .. كان ملان وزهقان .. اليوم ماطلع مكان منحكر بين اربع طوف مع مريضه .. نايمه معظم الوقت .. وسرحانه بثلاثة ارباع الوقت اللي تكون فيه صاحيه .. احتار بأمرها وقرر يتركها ويقلب هالقنوات اللي بنظره سخيفه بس تقزيره الحال على قولتهم .. شوي الا سمعو باب الغرفه يطق .. فج عبود الباب ..
وابتسم لخالد بابتسامه عريضه .. كان هذا اللي مفتقده اليوم كله كان كئيب لانه ماشاف اخوه خالد .. اللي بكل بساطه ترتسم ابتسامه عريضه على وجه بوقت اللي يشوفه .. عبود وده يمسك خالد ويقوله كل شي عن اللي صار له وصارلها وكان وده يسأله عن السينما وشسوى فيها اللي بغى يذبحنا عليها .. هالاسئله كلها توقفت .. يوم شاف عبود الشخص اللي مع خالد ..شخص من مده بعيده ما شافه .. وارتسمت علامات الاندهاش عليه ..


خالد : بنظل واقفين يعني ؟.. منى داخل ؟
عبود: هلاا والله أي حياكم ..
خالد: امانه لا تقولها..بس دش قولها خالد جاي معاه مفاجأه ..
عبود: اوكي اوكي ..
" عبود مستعد يسوي أي شي يسعد اخته .. يبي يطلعها من حالة الحزن الفظيعه اللي عايشتها ولقاها الفرصه المناسبه .."
دخل عبود الغرفه : منى خلّوود جاي ومعاه مفاجئه حلوه ..
منى باستغراب: اوكي خله يدخل ..
راح عبود يناديهم .. ودخلواااا هنييييي منى فجت حلجها ع الاخرررررر منصدمه .. معقوله شافته بعد هالمده شهرين او ثلاث شهور .. ماكانت تدري كم الفتره بس اللي تعرفه ان غيابه اثر عليها وااااااااجد خلا حالتها اتسوووء اكثر واكثرر .. الشخص اللي كان الراحه النفسيه لها الشخص اللي يعوضها عن نقص هالدنيا .. هذا هو نكتي البيت كله .. هو اللي يخلي الحياه بنظري تحلوو اكثر واكثر بس من شوفته .. هذا خالها طلال .. اللي ماكان يمر اسبوع الا هو عندهم .. بس طبعا بعد المشاكل اللي صارت وتصير من راس امنا الغوله .. بوعبدالله ماكان يطيق ايشوف طلال ولا يسمع اسمه .. لانه باختصار من صوب .. آمال زوجته الاوليه .. اللي صار من المحرم على اهل البيت ذكرها .. في وجود امنا الغوله وبوعبدالله .. طلال شاب عمره 24 سنه .. متخرج من كليه التجاره .. ماسك حلاله وحلال اخته .. طبعا شركات ابوه .. بعد ما مات .. وكان يحب عيال اخته ومتعلق فيهم .. بس الفتره الاخيره .. ماكان يقدر حتى يسمع صوتهم .. لان ابوهم هذا كان سبب منعه من دخول البيت .. طلال انسان نكتي .. يحب السوالف والطلعات .. والمطاعم .. يعني باختصار الوالد شبابي كوول .. عايش حياته ..


منى كانت مو مصدقه عمرها .. حاسه انها لا لحين تحت تأثير البنج ..
منى: لالا خااااااااااااااااالي طلال هني .. ماصدق ..!!
طلال : هلالالالالالالالالا والله وغلالالالالالالا باحلى بنت اخت بالكووون هذا يارربي مشتااااااااااقلج والله
منى : لأ خالي لالالا مووو معقوله .. ليش؟ لييش ...........
" وقعدت منى اتصييييييييييييح .. بحراااااااااااره مو مصدقه .. او منقهره من كل هالوقت اللي راح ولا شافته فيه .."
طلال : لالا تصيحين منووه حبيبتي .. شفيج ..؟
منى: لييييش قطعتنااااااااااا ليش خالي انت ما تحبنا ..؟
طلال : افااااا يا منى انا ما حبكم ؟.. انتي شفتي هالعروق ترى انتو الدم اللي فيها .. بس انتي عارفه ابوج وحركاته الفرعونيه ..
منى : ياربييي مو مصدقه عمري .. خالي شلون امي عسااها بخير ..؟ ما سألت عني .. ؟ والله اشتقت لها ليش ما جات معاك .. ؟ فيها شي ؟؟
طلال يضحك : يابوج كليتيني بقشووري .. حبه حبه .. شوي شوي علي .. تحقيق صحفي هو ؟؟
طلال: امج بخير وصحه .. ماعليها قصور بس تنطر الفرصه اللي تشوفكم فيها .. وفي ام ما تشتاق لعيالها ؟ الا تطريكم ليل ونهار وتدعي بصلاتها ان ربي يجازي اللي كان السبب في فرقتكم ..
منى : ربي يخليهاااااااااااا ان شالله ويجمعنا فيها ويفكنا من جبرووووووت امنا الغوله وسي سيد حقها ..


"قعدووا يضحكون على طريقه كلام منى واهي تبجي وتتقول عن ابوها وامنا الغوله .. والله من زود اللي فيها .. وقعدت مع خالها وتغير الجو لضحك وسوالف .. ونكت .. اللي خلا منى تمسك بطنها .. من الضحك .. على خالها وسوالفه .. كانت بمجرد اتشوفه تضحك .. ماتدري ليش؟ كان بالنسبه لها الامل .. والتفاؤل .. لانه ما يحب احد يبجي ولا يحب الحزن .. وهالسوالف .. كانت حكمته بالحياه طنش تعش تنتعش .. والدانيا ما تسوى الزعل .. مع انه عانا في طلاق اخته والمشاكل اللي صارت .. وعانا في موت ابوه .. بس هذا كله ما كان عقبه في طريقه بالعكس .. كانت دافع له للحياه وللاستمرار ..
كان عبود .. مستانس على جية خال اخوانه .. لان شاف التغير الواضح .. اللي بدل حال اخته .. كان التغير 180 درجه .. يعني شي رهيب .. وويبي يكمل هالفرحه .. قال ..
عبود: عندي لكم مفاااااجأه ..
خلّــود : تكفى نخاف من مفاجأتك .. لايكون فيها طق .. وهالخرابيط ..
طلال : ها بشرر ..
عبود : الاسبوع الجاي بتم 18 وبيطلع لي ابوي ليسن عشان يفتك من حشرررررتي .. هيـــّاااا شرايكم..؟
خلوّد : اماااااااااااااااانه أيا الهيس ولا تقوووووووووول ..
عبود: ههههههههههههههااي .. لا حبيبي قلنالك مفاجأه ..
طلال : أي زييييين على البركه مقدما .. بس ها مو تقحص وهالسوالف .. يسحب منك ابوك السياره .؟
عبوود : لالا افا عليكم بخليها بعيوني .. واانا وعدت خلّود ومنى .. اني اوديهم لامهم كل ويك اند .. وانا عند وعدي ..
منى بغى يوقف قلبها .. : صج والله عبود .. الله يفرح قلبك مثل ما فرحت قلبي ..
عبود: أي صج ونص بعد .. انا عبود مو حي الله ..
" ويأشر على نفسه بتفاخر .."
منى : بس .. بس ابوي لو ..
عبود قاطعها : ابوي ماله دخل .. بقوله بودي اختي بمشيها بطلعها بنكون كلنا انا وياج وخالد .. بيقدر يعترض ؟؟ اتحدااااااااه
منى بخوف : خلاص اوكي .. على خير ان شالله ..

------

حمد وفهـد .. طلعوو .. من الدوام .. قبل الساعه 2 لانهم خلصوا شغلهم واستأذنوا من المدير واذنلهم .. فـهد كانت سلمى متصله فيهم وقالت له اخذني بسرعه حدي دايخه مو قادره اكمل .. كانت خايفه ايصير فيها شي ..
فهـد كان خااااايف عليها حييييييل وكان بيجيبها بروحه وبيوديها البيت بس حلف عليه حمد ما يطلع وهو بهالحاله .. قاله انا اللي بسوق فيك .. وسلمى مافيها الا الخير .. بس دوخه بسيطه .. فهد ما اعترض على كلام حمد .. لانهم كلهم متربين مع بعض .. وقاله امش يلا ..كان خاايف حيل عليها اول مره جذي يصير فيها ولا تحضر محاضراتها ؟ اكيد فيها شي .. توكلوا على الله وبالسياره قبال باب الجامعه ..
حمد: يا فهد تعوذ من ابليس ويلا اتصل فيها خلها تطلع .. قولها انك جاي بسيارتي اخاف تدور على سيارتك ..
فهـد اتصل فيها قالها انها هو اللي بينزل يجيبها كان خايف انها تدوخ مره ثانيه .. بس اصرت عليه انه ما ينزل ..
اركبت سلمى وسلمت عليهم بطريقه مقتضبه .. وسكتت .. فهد جننها كل شوي يقولها اوديج الطبيب اسمعي شوري ومن هالكلام .. وكانت مصره انه يوديها البيت مالها خلق صدعه مستشفيات .. اهي مافيها شي بس دوخه ..
سمعوا كلامها .. وراحو البيت ..
"حمد طول الطريق قلبه يعوره .. عليها وحاس من صوتها انها اليوم مو طبيعه .. بس مع هذا كان مستانس انه شافها وكانت قريبه منه .. ولو انها مريضه .. بس العوض ولا القطيعه .. وكان متلوم على عنود اخته ليش خلتها اليوم وهي تعبانه .. وتذكر انه اليوم مر على عنود بغرفتها كانت نايمه .. يعني ماداومت .. وقطع تفكيره صوت سلمى .. وهي تكلمه "
سلمى: حمد شفيك ماترد ..؟
حمد: اووه لا والله شوي سرحان امريني ..
سلمى : طيب انا حطيت لكم الغدى بالصاله اذا طلع فهد من الحمام .. قوله اوكي .. عن اذنك ..
حمد : ليش وانتي ماراح تتغدين ؟
سلمى : لا هني وعافيه على قلوبكم .. انا مالي نفس بس ابي انام ..
حمد عوره قلبه : اها اوكي على راحتج


" سلمى ماكانت اتكن لحمد أي مشاعر .. مع انها ملاحظه اهتمامه فيها .. بس مااعطت هالمووضوع أي اهميه .. تعتقتد انها نزوة وبتروح .. او شي من ذلك .. اتركت هالموضوع .. لان في بالها اشياء اهم .. دراستها عمتها واخوها .. "
صعدت سلمى غرفتها وانسدحت على سريرها .. تبي اتنام بس جافاها النوم .. وانقهرت تبي تنام بس طار النوم من اوصلت غرفتها .. فقررت تنسدح .. بس على الاقل اتريح عضلاتها .. شوي من ارهاق الدراسه .. بعد ربع ساعه اسمعت الباب يطق .. وقالت هالحزه اكيد فهد ..
سلمى : تفضل فهد ..
فهـد : لالحين مانمتي ؟ هذي اللي مزعجتنا ابي البيت بنام بنام .. اشوفج صاحيه ليكون دلع بنات .. ؟
سلمى : حرام عليك لا تظلمني .. والله يوم حطيت راسي ماجاني النوم مادري قلت انسدح ارتاح اشوي .. حمد راح؟
فهـد : أي راح .. تعالي ليش ما تغديتي ؟
سلمى : قلت لحمد مو مشتهيه شي ..
فـهد : حاسه بعوار اللحين دوخه شي ؟
سلمى: لا الحمدلله مافيني شي الحين انا اقولك اللي فيني كان ارهااق بس ..
فهد ارتاح: زين اذا على جذي ..
سلمى : فهد حبيبي بقولك شي بس امنتك ماتردني وتجاوبني بصراحه عفيه اذا كانك تعتبرني اختك ..
فهد كأنه عارف شبتقول : امريني انتي اختي وتاج راسي بعد من لي غيرج ؟
سلمى: ابي اعرف انت شفيك متغير هالايام ؟ والله مو قاعده اشوف فهد اللي اعرفه .. صج تضحك وتتغشمر بس بقلبك شي انا لا لحين ما اعرفه .. وجهك فيه حزن تراني اختك واعرفك اكثر من نفسك ..


" ااااااه ياسلمى .. قسم بالله محد فاهمني بهالكون غيرج.. ادري انج تحسين فيني وتدرين باللي فيني .. اقولج ؟ اخاف ازيد على همج هم .. اخاف..... لالا مو معقوله اصلا مافي غير سلمى اللي بتساعدني .. انا لازم اقولها اريح شوي من ثقل همومي .. سلمى مافي غيرها هي اللي بتفهمني .. "
هالكلام في باله وسرحان بعيون سلمى ..
سلمى بهجوم : لا تفكر .. مافي غيري بيساعدك .. وثق ثقه عمياء ان سرك بيكون في بير .. فهد تكلم .. بس عاد ترجيتك .. شتبي اكثر ...
فهد اعلن استسلامه وخضوعه لاخته : ابشري من عيوني الثنتين .. بس عندي شرط طبعا ..
سلمى بفرحه : اطلب واشرط ..
فهـد : بقولج بس تقبلين عزيمتي بمطعم..لانج ما تغديتي اليوم .. ولي تعشينا بقولج كل اللي بقلبي .. واوعدج المطعم بيكون على ذوقج .. وكلاسيك وهاادي .. بعيد عن الناس ولجتهم .. ها شقلتي ؟
سلمى بفرحه غامره : احلف ياربي انا وين بلقى احلى من هالاخو .. موووووووووافقه .. بدون ماتقول .. بس المهم اعرف كل شي ..
" وغمزت له انها اهي المنتصره اخر شي "
فهد بارتياح : اوكي اللحين اخليج نامي بقومج على السبع تجهزي عشان اوديج .. يلا تشاو ..
سلمى : اوكي تصبح على خير ..


-------

[حـ & ـر & و & ف]

على الساعه خمس المغرب .. بشارع الخليج .. مشغل شريط قديم ويسمعه .. شعر ..
" لو امكنك ترضى تراني حبيبك .. مالزعل يامنيت الروح داعي ..
حبي بدى بك يالغلا وينتهي بك .. انا حبيبك وانت عارف طباااعي .."
هالبيتين عجبوه ويرددهم ..

" خلاص ماقدر بروح اراضيها على الاقل .. ماعجبني شكلها امس يوم اطلعت لا والنظره اللي عطتنياها فووق تحت .. مادري احتقااار والا شنو ؟ يعني ماتعرف طبعي انا ؟ ليش تتنرفز ..؟ بس انا الصراحه زودتها كل ماسوت شي نكدت عليها مالومها .. خلاص بروح بيت عمي وبسلم على عمي وحمد يمكن اشوفها .. يارب اشوفها .. على الاقل ارتااح .."


في بيت بوحمد .. كان حمد نايم .. وبوحمد بغرفته .. ونايف بالبراحه يلعب مع ربعه كره قدم وكل شوي يجي البيت ويشرب ماي ويرجع لربعه يكمل لعبه .. عنود اليوم ماداومت .. وطقتها نومه لي 3 العصر .. ووحست عظامها لا لحين خامله ماتدري من النوم او الكسل .. تسبحت وانزلت تحت .. كان عندهم طباخ في بيتهم فا عنود ماتقط شيلتها اذا انزلت تحت .. وعلى الساعه 5.30 هي بالصاله تحت وكانت بتتصل على سلمى .. الا سمعت جرس كانت بتنادي الطباخ يفج الباب بس تذكرت ابوها قال لا حد يتأمر عليه هو شغله بالمطبخ وبس .. فراحت فجت الباب بنفسها ..
مع الجرس كان الباب يطق بقوه .. ورى بعض .. انقهرت عنود ..
عنود: اوووووه زين ياخي ماراح انطير .. شوي شوي .. وفجت الباب
فيصل استانس يوم شاف عنود : هلا والله بنت عمي شلونج ..؟
عنود قلبها شوي بيوقف بس تذكرت عملته فيها : اهلين اخ فيصل شتبي ؟
فيصل : افا جذي يردون بنات القبايل ؟ ماتعرفين الاصوول انتي ؟
عنود بقهر : والله اذا تبي ادخل البيت بيتك .. ماله داعي هالرسميات .. وراحت عنه داخل ..
فيصل انقهر على حركتها : هيه انتي وين رايحه قولي شلونك شخبارك .. شتشرب ولد عمي ؟ جذي مني والطريق رايحه فوق .؟
عنود بلا مبالاه : والله من شفت لسانك شطوله وانا داريه انك ماعليك شر .. واذا تبي شي روح قول للطباخ يحط لك القهوه ..
فيصل وده يذبحها : عنود
عنود خافت من نبره صوته ..: نعم؟
فيصل : تعالي هني خلصيني
عنود بخوف : خير شتبي كاني جيت ..
فيصل واقف قبالها : انتي شفيج ؟
عنود والعبره خانقتها : شفينيييييييي؟ مافيني شي .. انت جاي عشان حمد تراه نايم روح قومه يلا عن اذنك .. وتوها بتروح عنه .. جان يمسكها من ايدينها بقووووووه .. حست باايدينه بتفرم يدينها ..
عنود بألم : آآآي وخر عني ..
فيصل وخر عنها : اسمعيني تقعدين اللحين تقولين لي شفيج .. انا موجاي عشان حمد ترى جاي عشانج انتي .؟ بعرف شسالفتج ؟
عنود خلاص صاحت : لا والله يعني ماتدري شفيني ؟ شوف نفسك ومعاملتك الزفت اللي تعاملني فيها ياخي اعتبرني خدامه .. عاملني بادب .. ليش تستفزني ؟؟ انت تتلذ اذا شفتني متضايقه صح ؟
فيصل متضايق من كلامها : انا ياعنود انا اتلذذ اذا ضايقتج ؟ ان بعض الظن اثم .. وجان يقعد .. ويتنهــد من خاطره ..
فيصل : عنود يعني ماتدرين اني اموووووووووت فيج .. واني استانس لي طفرتج .. ماتعرفين طبعي .. وكله بضحك .. انتي اللي ماقمتي تستحمليني كلش ..
عنود .. سكتت .. وشافها ساكته وتكلم ..
فيصل: عنود بسألج جاوبيني بصراحه ..
عنود: اسئل
فيصل : عنود انتي اتحبيني ؟
عنود خلاص موقادره تتكلم من الصياح : اانا انا .. يعني منت عارف ؟ وراحت فووووق .. تركض ..


فيصل حس بفرحه ممزوجه بشويه ضيقه لان شكلها يكسر الخاطر من فجت له الباب وهو شايف وجها شاحب .. شكلها تعبانه .. بس الموقف اللي صارله معاها اللحين يأكد له انها فعلا اتحبه اجل ليش صاحت ؟ ليش تضايقت من معاملته لها .. لو انها ماتحبني مااهتمت .. ياسلالالالالام مو مصدق عنود اتحبني تحبني اناا .. ؟؟


قعد فيصل وتقهوى .. بس حمد لالحين نايم .. عمه ما نزل .. واذن المغرب قال خلاص بروح اصلي بعدين امر عليهم ..


-

بعد ما اتصل بوعبدالله .. الساعه 6.15 على عبوود .. قاله انه بعد شوي بيمر ياخذهم .. ترخص طلال من العيال .. وقاله اوعدكم باقرب وقت نتجمع قريب .. ونطلع طلعه محترمه بس عبود خله يطلع الليسن .. وبعدها بتنحل كثير اموور .. وبتشووفون امكم متى ما بغيتوا .. ويوم بغى يطلع .. تعلقت فيه منى بقووووووووووه .. ولا رضت اتهده وتبكي واتقول تكفى خذني معاك .. مابي ارجع البيت ابي اشوف امي .. الله يخليك .. وقعد يهديها ويوعدها قريب بتشوفها و ويضحكها لين هدت وبعدين ترخص ..
مرهم بوعبدالله وسوى الاجراءات .. وخذا دواء منى وتوكل على الله مع عياله رادين البيت .. بالبيت عبود يسولف بغرفته مع خالد .. وخلوا منى بغرفتها ترتاح ..
عبود: تعال انت قولي شسويت بالسينما .. ها وناسه مع الربع ؟
خالد : أي والله وناسه والفلم كان اكشن حق فاندام .. اتصدق نايف طول اليوم يسولف اقوله اسكت بتابع .. بعدين شرينا نفيش وقعد ياكله .. شوي فكني من لجته والله وطلعنا تعشينا .. ومشينا على الواجهه البحريه مالت شرق والجووو يجنن .. صج صج تمنيتك معاي .. صج بتستانس ..
عبود ارتاح : اشوى انك استانست .. وانت خبل خايف من ابوي يدري لو درى بيطلع هالروحه من عينك .. وكل مابغيت تطلع بيقولك توك طالع ذاك اليوم ويقعد عاد يمسكها عليك .. ترى الرسول قال " داروا اموركم بالكتمان .."
خالد : أي بس ولو لازم استأذن افرض صارلي شي لازم ابوي عنده علم ..
عبود: وانت ليش تتفاول .. خلاص المهم طلعت واستانست .. وهذا اللي تبيه ..
خالد : انزين عبود عفيه بسرعه قول لابوي يطلع لك سياره .. انت شفت شلون منى تعلقت بخالي طلال .. ياربي شنو قطعت قلبي .. عبود احنا نطلع ونستانس .. بس هي وين تطلع ؟ لا رفيقه ولا اخت ولا عمات ولا خالات ؟ امانه حط نفسك مكانها شراح تسوي ؟
عبود : خالد انت متصور اني بليد ولا ادري عن اختي؟ تدري اني اليوم طلعت من الحمام وكنت بتريق معاها تخيل شفت دموعها مغرقه ملابسها .. سألتها قالت ابي امي .. البنت وبهالظروف تبي احد يساعدها تشكي له .. مافي احد يحس فيها .. ترى كتمان هالبنت بيأثر عليها بعدين .. اما تستخف والا يصير فيها شي .. شوف بعمرها البنت بتهتم بنفسها بتطلع وبتكشخ .. ومن هالسوالف .. بس هالبنت ماعاشت حياتها مثل الناس .. حرموها من ابسط حق .. امها ..


وسكت عبود وتنهــد من خاطره .. وقال الله يعين .. شوي الا منى داخله عليهم الغرفه ..
منى: شباب شتبون عشى .. يلا بسويه بدري عشان باجر دوام .. بروح اذاكر وانام .. وبشوف اللي ناقصني كفايه اليوم غبت ..
خالد: لحظه وين جاندرا ليش ماتسوي العشى .. شكو انتي ؟
منى: جاندرا جايتها سخونه .. فوق بغرفتها .. يعني طول هالايام تشتغل وتساعدنا يجي على اليوم اللي هي تتعب ما تبينا نساعدها ؟؟ والله حرام تراها مره كبيره ..
خالد ابتسم : انزين لا حد يكفخني ماقلت شي بس ترى حتى انتي تعبانه .. وتتوقعين بنخليج اتدشين المطبخ انسي ياماما ..
عبود: وين هذي اللي مربيه كرشها ولا تدري وين الله قاطها .. امنا الغوله ليش ماتسوي العشى ان شالله ؟ ان شالله خايفه على اظافرها ؟ والا ماتستحمل ريحه المطبخ ؟
منى : لا خالتي اتصلت فيني قالت سوي العشى الخدامه تعبانه هي بعد شوي بترجع وقالت لي لا تقولين لابوج .. اني طالعه ..
عبود: أي طبعا .. ماتبيه ايزفها .. المهم خالد امش خلنا نسوي العشى .. عاد انا بتفنن بالطبخ ..
منى : يلا عاد اخلصوا شتبون ..؟
عبود غمز لخالد وخالد فهم .. جان يمسكونها ويقفلون الباب .. وتوهم بيطلعوا المطبخ يسون عشى .. الا منى تطق الباب من داخل ..
منى: افتحوووو لا تدشون المطبخ اخاف تحرقونا ترى مو ناقصين مصايب ..
خالد يضحك : ماعليج احنا سبااااااع صح عبود ..؟
عبود يضحك: اييي افا عليج لي ذقتي طبخنا .. بتقولين شنو شيف رمزي ولا شي عند اخواني .. ويضحكون وراحو المطبخ ..


طبعا خبصووا بالمطبخ .. كل شي بصوب .. يفكرون شبيسون ..؟ اقترح خالد ..
خالد: دامنا ميح بالطبخ بنسوي نواشف وشاي حليب ..
عبود: لالا يالخبل احنا نبي نتفنن شوي .. شنو نواشف هذي قديمه .. وبعدين لاحظ لازم انسوي شاي وحليب لابوي .. ولاحظ انا ماعرف اسوي الحليب ولا انت .. فا انا اقول خلنا نسوي بطاط مقلي .. وبيبسي .. جذي اريح عرفت والبطاط مقصص بالثلاجه .. كاهو امريكانا .. يعني خلاص بس علينا نسخن الزيت .. وكان الله غفورا رحيما .. اسمع سخن الزيت انا بنزل البقاله بشتري بيبسي ..



على الساعه 7.15 .. فهـد .. ينادي .. سلمى من فوق .. وهي تقوله طيب استناني بالسياره ..
وبعد ما استئذنوا من عمتهم .. ركبوا السياره وحركووا .. وبالسياره .. فهد مشغل شريط حاتم العراقي .. ومطول عليه .. على اغنيه والله وحشتوا العيون .. ويسمعهااااا متأثر حده .. ويردد كلماتها ..


" ليه بالمره قطعتوووووا ..؟.... قلتوا نرجع ما رجعتوا ..؟ قلتوا نرجع ما رجعتوا ؟ وانشغل بالي عليكم صار مدة ما تجووون .. من سماااااانا القمر غااااااايب والله يا اغلى الحباااايب .. والله وحشتووووووا العيون ..
بعدكم طول علينا بالسبب لا مااادرينااااااا .. مادريناااااااا .. وانتظاري طال صبره والهجر ساعات امره ..
عيننا ع الدرب ظلت .. تتنظركم ترجعوووون .. والله وحشتووووا العيووون .. ليه بالمره قطعتوا ؟؟ ..
بالعهد احنا وفينا من هواكم ما انتهينــا .. ناس ياما ناس شفنا غير حبكم ما عرفنــا .. بس كلام الناس والله يعذب القلب الحنون .. والله وحشتوووا العيوون .. ليه بالمره قطعتوووا .. قلتوا نرجع ما رجعتوا ؟ وانشغل فكري عليكم صار مده ماتجوون .. من سماناا القمر غايب والله يا اغلى الحبايب .. والله وحشتووووا العيووون .."

وهو يردد هالاغنيه .. نزلت دمعه حاااااااره على خد فهد ومسحها بشكل سريع .. وطفى الاغنيه وحط الافم ام .. يبي يغير الجوو .. طبعا هذا كله صار قدام عين سلمى اللي شافت دمعه اخوها .. والف الف علامة تعجب مرتسمه على وجها .. ليش فهد يبجي ؟ فيه شي والله قلبي قابضني .. معليه انا ماراح اسئله الحين بغير الجو .. لاني ماراح اطلع من المطعم الا الخبر اليقين عندي .. ياخبر اليوم بفلوس باجر ببلاش .. كلها دقايق ليش هالفضول ياكلني ..
وصلوووا المطعم .. كان هالمطعم يطل على البحر .. وكان رااقي كلاسيك حيل .. والوانه هاديه .. بكل بساطه هالمطعم يريح الاعصاب .. فهد فضل ان احنا نطلع برى لان الجو كان خيالي .. فا طلعنا على البحر .. بطاولات خارجيه .. والمطعم كان فيه شويه اجانب .. لان الساعه توها ماجات ثمان .. هني ارتحنا عشان ناخذ راحتنا بالكلام .. لان قدامنا مشورا حديث طويل ..
فهـد شنوتشربين ؟
سلمى : اممم عصير برتقال ..
فهد: اوكي انا بطلب كابتشينو ..
طلبوا .. وقعدوا يسولفون .. فقرروا يسولفون ويتقهوون بعدين العشى .. لانه تو الناس ..
سلمى : فهد انا ادري ان فيك شي تبي اتقوله بس متردد .. وانا اللحين اقولك اللي بقلبك قوله .. وانا اول وحده بساعدك ..
فهد ابتسم ..بابتسامه عجيبه : ادري والله مالي غيرج يابعد كل من لي ..
سلمى : ها لحد يمدح ترى اقط نفسي بالبحر تراه قريب ..
.. ضحكووا .. وقرر فهد انه يطلع من دوامه التفكير والتعب .. ووبيشاطر اخته احزانه .. ماعنده غيرها .. منى من زمان ماشفتها احس من سنين .. بببقوووول خلاص ..
فهد وعلامات الحزن بوجهه : منى شوفي بقولج بس عاد اسمعيني من الاول .. اوكي ولا تقاطعيني .. اوكي ؟
فهد ما انتبه انه نطق باسمها .. واهو مايدري .. هني فجت حلجها سلمى .. وبابتسامه ماكره .. تقمزت لخوها ..
سلمى : أي عدل منى قلت ها؟ .. اللي ماخذ عقلك يتهنى بوو وانا اقوووووول شسالفه اثاري منى لاعبه بحسبتك ..
فهد توه ينتبه : اوووه .. سوري .. سلمى .. خلاص اسمعيني ..وادري انج بتفهميني عدل ...
سلمى بانصات .. تسمع ..
فهد: سلمى انا انسان احب وحده من اربع سنين ..انا تعرفت عليها من النت .. بس هالانسانه غير عن هالبشر .. اتحسين انها شفافه حيل .. اللي بقلبها على لسانها .. ظروفها صعبه امها متطلقه وانفصلت عنهم ابوها متزوج وحده غووله على قولت منى .. تكرههم ومسودة عيشتها .. ومخليتها خدامتها الثانيه .. وطبعا ابو منى خاتم باصبعها .. البنت عندها اخو من امهما وابوها هو خالد .. اصغر منها بسنتين .. واخو من ابوها اسمع عبدالله عمره 17 اصغر منها بسنه .. هي اللحين باخر سنه ثانوي علمي .. بس شلون بتنجح وبتتوفق دام هالنسره مسوده عيشتها .. سلمى انا عشت مع هالانسانه من اربع سنين يوم يوم عشت حزنها وهمها وفرحها .. وصارت جزء مني وصرت اخاف عليها من كل شي وصرت انصحها تبعد عن مرت ابوها الغوله .. وتتجنب الكلام معاها .. وكنت اقولها قولي لابوج .. يوديج لامج اتعيشين عندها .. تخيلي ياسلمى مانعينها من شوفة امها .. هالبنت مالها لا رفيقه ولا اهل ولا احد.. ماكان لها غير خالها ومن مدة طويله ماشافته كانت كلا تشكي لي لاني الوحيد اللي فاهمها وحاس فيها .. كنت انا بالنسبه لها كل شي امها وابوها واهلها .. وهي نظر عيني اللي اشوف فيها .. احبهااااااااااا اموووووووت فيها .. موقادر اعيش حياتي بدونهااا .. خلاص انا لها وهي لي .. محد بيقدر يوقف بوجهي .. انا بتزوجها اول ماتتخرج .. وبتعيش معانا .. بطلعها من عيشتها الزفت .. بنعيش بعالمنا الحالنا .. محد بيأذيها او يمنعها مني .. خلاص انا تعبت تخيلي ثلاث ايام ماشفتها اول مره تصير انا ماعدت اتحمل هي الهواء اللي اتنفسه .. لي دريت انها بخير ارتاح .. خلاص .. هي اللحين فيها شي وجايد بعد .. وانا هذا اللي حاسه .. هي ماتتركني الا بظرف اكبر مني ومنها .. اكيد سوت لها ساالفه هالغوله .. سلمى انا مالي غيرج .. تقدرين اتساعديني ؟ ادري مابيدج شي .. بس انا اللحين ارتحت على الاقل في احد بيفهمني .. احبهااااااا ياناااااااااس ..
وصد صوب البحر .. وانزلت دمعتين من عينه حس انها احرقته .. من القهر يبي بس يتطمن عليها .. مو عارف .. سلمى هدته ووعدته انها بتساااعده وخففت عليه .. وحس بالرااااااااااااااحه من قرب سلمى منه ..
سلمى: ياه كل هذا كنت اتعانيه ولا قلت لي .. قلبك من شنو مصنوع ؟
فهد : شسوي بعد ماكنت بضايقج .. بمشاكلي ..
سلمى : اماااااااااانه اللحين ارتحت يوم فضفضت ؟
فهد براحه: أي والله حسيت الثقل راح .. بس والله مشتتتتتتتتتتتاق لها شالحل؟
سلمى : صل على النبي .. وان شالله بتشوفها قريب .. خلاص ماعليك انا بساعدك ان شالله ..
فهد : اه بس تسلمين والله ياسلمى .. احس براحه والله .. تعالي ماطلبنا عشى .. يلا شتبين تاكلين ؟
طلبو.. وتعشوا ..وتمشوو على الواجهه البحريه .. وكلوو ايس كريم .. ورجعوا البيت وكل واحد منهم حاس براحه.. وبسعاده من هالطلعه.. سبحان الله طلعه وحده غيرت النفووس .. وقربتهم من بعض اكثر واكثرر ..


لـــــ نــ عودة ــا

[حـ & ـر & و & ف]

الجزء الخامس ..
------------------


يوم السبت .. الساعه 6.40 في بيت بو حمد .. كان حمد وابوه واومه .. بالصاله .. يتقهوون ويسولفون .. ومتصل فيهم فيصل يبي يمر يسلم عليهم .. وبالصاله ..
حمد: يمى والله طقت جبدي من هالداوم .. يعني سمته وحده لي الثنتين .. افف زهقه ..
ساره(ام حمد): ياولدي بعد شتبي اريح من جذي .. بس قعده على المكتب والشغل الله بالخير .. قاصين علينا بجم ورقه توقعونها هاا .. اقول احمد ربك ..ناس يكرفون صبح ليل وماجوو نص معاشك .. لا ترفس النعمه برجلك وانا امك ..
حمد: الحمدلله والشكر بس يما ملل حده والله محد مصبرني على هالدوام الا فهد .. هو اللي يقولي بلا دلع حريم واشتغل مثل الاوادم ..
ساره: شفت تربية نوره الله يرحمها .. من خلف مامات .. شوف العقل .. مو انت طقت جبدي من الدوام " وهي تقلد صوته "
حمد: هههههههه يمى اتطنزين بعد .. اخر زمن قاموا يتطنزون على حمد بن ناصر ..
" ..كان يأشر على نفسه بأسف .." على دخلت فيصل .. وقاموا الكل يسلم عليه ..
فيصل : السلام عليكم ..
الكل: هلاا والله وعليكم السلام الرحمه ..
فيصل : شلونكم عمي عمتي عساكم بخير ؟
بوحمد: بخير الله يسلمك شلون الاهل مناك ..
فيصل : بخير الحمد الله يسلمون عليكم ..
ساره: الله يسلمهم من الشر ..
حمد يطالع فيصل فوق تحت .. منقهر .. ليش اسفهه وسلم على امه وابوه .. وخلاه ولا كنه موجود ..
حمد: لا والله .. تراني هنيه معاكم بالصاله والله لا لحين مارحت ..
التفت فيصل عليه .. وضحك ..
فيصل : هلا والله بولد العم .. السموحه ماانتبهت .. كيف حالك عساك بخير .. ؟
حمد يعني زعلان : شقولك يا فيصل .. الحال مش على بعضه .. " ويصفق كف على كف بأسف .."
فيصل : افا عسى ماشر ..
ساره: ماعليك منه هاللوتي .. ماله خلق الدوام .. وقاعد يتشكى لنا .. كأنه حرمه ..
فيصل يضحك : مالت عليك على بالي عندك سالفه ..
حمد: يا فيصل انا خلاص طقت جبدي .. زهقت ..
فيصل : انا اقولك بحكم التجربه .. انا كنت اشتغل داوم وزارات ولوعه جبد .. مع هذا جاتني حالتك.. وقلت لعمي يشغلني عنده .. تذكر عمي ..؟
بوحمد: أي صادق .. وحولت اوراقك .. وخليتك تشتغل بالماليه ..
فيصل : شوف ياحمد انت الحين لازم تأخذ اجازه .. تريح فيها .. بعدين تقرر .. وانا جايكم .. اقولكم ترى المزرعه خلصت .. وشاليه اكتمل من اثاث واجهزه وخلصنا كل شي .. مع المهندس .. ها اللحين متى ناوين تطلعون ؟
بوحمد استانس : عفيييييه على ولدي .. اشهد انك رجال والله يافيصل .. ينشـّد الظهر فيك ..
فيصل باحراج : شدعوه عمي ماسوينا شي .. ماقلتوا لي متى ناوين تطلعون ؟ انا شاورت الوالده قالت لي على عطله الاسبوع الجاي .. على الاربعاء مناسبهم ..
ساره: أي وقت مناسب .. وحتى عنود عورت راسي من الحنه متى اتخلص المزرعه ومتى نروح .. زين دام ع الاسبوع الجاي .. يمدينا نجهز اغراضنا .. من زمان ما اجتمعنا هالجمعه الحلوه ..
حمد: أي والله على الاقل نريح من جو الدوام الزفت .. بس فيصل جهز البقيات .. على الاقل ثلاث ترى البنات بيحتشرون علينا ..
فيصل .. ماطلبتوا شي .. ان شالله برتب هالامور .. انا استئذن .. وراي شغل .. تامروني بشي .. ؟
بوحمد : سلامتك ياوليدي .. وسلم ع الاهل ..
ساره : سلم على امك .. ودربالك على روحك ..
فيصل : الله يسلمكم .. فمان الله ..


بالباص .. الاحد .. الساعه 12.20 .. كان الباص متجه لبيوت الطالبات .. وكان يمشي قطعه قطعه حسب مخطط المنطقه الجغرافي .. ويقط البنات ..
كان بالباص مجموعه بنات لا بأس بها يعني 20 طالبه .. وكانت من ضمنهم .. منى .. منى كانت تروح المدرسه مع سايقهم .. وترد مع الباص لان محد فاضي لها يرجعها .. السايق محتكرته امنا الغوله .. لانها بالحزه هذي تكون بنادي صحي .. اتعرفون يعني اتذوّب الشحووم اشوي ..!
كانت منى قاعده بالمقعد اللي بالنص .. وكان وجها على دريشه الباص تطالع الرايح والراد بنظره واحده .. بمعنى اصح .. بسرحان .. شوي الا جتها بنت .. شكلها طيبه .. ومؤدبه .. واضح من نظرات عينها.. وطريقه لبسها .. وقعدت وراها وكسرت حاجز الصمت .. اللي حاطته منى عليها من دخلت هالباص .. او بالاحرى اول مادخلت هالمدرسه ..!
البنت : السلام عليكم ..
منى باستغراب: وعليكم السلام ..
البنت : ادري ماتعرفيني .. بس انا من فتره حابه اتعرف عليج .. مادري ليش انتي كله قاعده لحالج ..؟
منى: حياج الله .. لا والله مو عن بس انا ماعندي رفيجات .. واتعرفين العلمي بس همهم الدراسه .. عرفتي يعني ما يعطون وجه وتبتسم ..
البنت تضحك : هههههههه الله يقطع بليسج .. زين .. أي كلهم معقدات .. بس ماعليج احنا ادبي .. وشلتنا كوول .. وناسه .. الا شسمج ؟
منى : اسمي منى .. وانتي ؟
البنت : ماشالله حلوو اسمج .. انا اسمي اماني ..
منى: عاشت الاسامي.. ياسلام منى واماني .. شكلنا بنسويها فلم مصري ..
اماني : هههههههههه أي الظاهر جذي .. انتي عليج سوالف ..
منى: تعالي هذول رفيجاتج ؟
اماني : أي تعالي بعرفج عليهم ..
" وراحو صوب البنات .. والبنات شكلهم مستانسين على منى لان شكلها مؤدبه .. وخلوقه .."
اماني: بنات اعرفكم هذي منى .. سنه رابعه علمي ..
اماني : منى اعرفج عليهم .. هذي هنوف .. وهذي ضحى .. وهذي نوره .. هذول رفيجاتي من المتوسط .. واللحين دشوا معاي ادبي اتعرفين المخ لج عليه .. ههههههه
منى .. وسلمت عليهم .. وتعرفت عليهم اكثر .. وهم تعرفوا عليها وهي ارتاحت لهم ..
اماني : يوووه منى نسينا انقولج .. ترى كلنا في مجلس الطالبات .. تبينا نضمج معانا ..؟
منى: والله يعني شنو مجلس الطالبات ما سمعت عنه ؟
اماني : احلفي ليش وين قاعده ؟ انتي ماحضرتي انتخابات هالسنه ؟
منى : أي انتخابات سمعت عنها .. وبنت ترجتني اعطيها صوتي وعطيتها بس مادري حق شنو ..
اماني : عاذرتج بما انج من بنات العلمي .. اللي ماهمهم بالحياه الا كتابهم وبس .. وتضحك ..
منى تضحك: انتي هيه لا تتطنزين علي .. خلصيني شنو يعني .. ؟
اماني: الله يسلمج .. هذا يعني انكون حلقه وصل بين الطالبات وادارة المدرسه .. نوصل مشاكل الطالبات وتحلها الاداره .. ونسق رحلات للطالبات .. ونسق الندوات .. ويعني .. جذي ونطلع المخالفات .. بس والله وناسه اتحسين ان لج هيبه بالمدرسه عرفتي .. بس يبيلها وحده شخصيتها قويه وام لسانين ..
منى : ماشالله وانتو بالمجلس ..؟ بس انا ماعندي هالشخصيه .. ومااعتقد اني بصير نفسكم ..
اماني : أي ادري هذا الواضح .. بس شفتي هذول اللي قدامج " تأشر على رفيجاتها وحده وحده .. " هذول كانت شخصيتهم ضعيفه والابله تزفهم وتشرشحهم عادي عندهم .. بس يوم اقهروني شركتهم معاي وخليت شخصيتهم جذي " وتأشر بأبهام ايديها .. اوكي "
منى وتشجعت لهالفكره .. حست انها تبي تكون قويه شخصيه .. عشان توقف في وجه مرت ابوها الغوله .. وماينوكل حقها بارده مبرده .. وتشجعت للفكره .. وافقت تنضم معاهم .. وطبعا بتكون تحت اشراف اماني ..
منى : انا ماعندي مانع .. بس خايفه من هالخطوه.. يلا وصلنا البيت .. يلا بنات اشوفكم على خير .. فرصه سعيده .. اللي شفتكم فيها ..
البنات: واحنا اسعد عاد خلينا نشوفج بالفرصه اوكي تلقينا عند الاخصائيه ..
منى وهي نازله من الباص : اوكي ..


بالكليه الساعه 1.00 ووبالضبط بالكافتيريا .. سلمى تتصل على عنود ولا ترد .. وجان اتدز لها مسج .. لانها ازهقت من القعده بروحها بالكفتيريا رفيجاتها كل وحده على محاضرتها ..
سلمى دزت مسج" عنووووووود وينج يالهبله ناطرتج ساعه ولا تردين تعالي انا بالكافتيريا انطرج .."
ردت عليها عنود بسرعه " شفتج"
تلتفت سلمى الا تشوفها قبالها .. ورى الزرع اتأشر لها .. ويوم اوصلت عندها ..
سلمى : انتي ليش ماتردين على تلفونج .. ؟
عنود: اول شي شفيج معصبه .؟ تلفوني حاطته سايلنت توني طالعه من المحاضره .. كليتيني ..
سلمى: وساعه ادق عليج .. جان دزيتي لي مسج قلتي لي المحاضره ..
عنود: اشوف التلفون يهتز .. بالجنطه بس ماقدر اطلعه انا اليوم قاعده قدام .. والاستاذ عينه علي .. لا والله تبيني اطلع التلفون وادز مسج اشكره قدامه .. عشان تلقيني باجر على باب الجامعه مشنوقه ههههههههههه
سلمى تضحك: ههههههههه الله يقطع بليسج انزين شخبارج ترى اليوم كله ما شفتج ..
عنود: فديتج صرتي تشتاقيلي ..
سلمى بغياض : أي انا اموووووت ان ماشفتج ساعه .. اتعرفين انتحرر ..
عنود : تتطنزين ؟ واللي يقولج يوم الاربعاء ماراح يدااوم .. هااااا؟
سلمى : من صجج ؟ ليش تملجتي ولا قلتي لي " وتغمز لها .."
عنود: هييييه انتي شنو تملجت طالع وين راح تفكيرها .. لا حبيبتي خلصت المزرعه وبنروح لها الاربعاء .. هههههاااي ..
سلمى : ايوا ايوا تطورات .. لحظه مع منو مع بيت عمج ؟
عنود وجهها صار احمر : أي طبعا ..
سلمى : اهاااااااااا أي عددددل قولي جذي من زمان الاخت بتسنع وتتكشخ حق الطلعه .. عشان سي سيد .. هاااااا ؟
عنود باحراج : ماااااااااالت عليج زين .. أي سي محروس معانا شسويله يعني .. اطق له اصبع ..
سلمى: ههههههههههههههاااي الله عاد بتصير خوش طلعه .. بتنامون بالمزرعه ثلاث ايام ..
عنود : أي وبنسهررررر ونلعب وناااااااااااااسه عالاخر .. اصلا المزرعه كلها كانت باشراف فيصل هو مضبط كل شي ..
سلمى : فيصل اممممم .. شكلها بتطلع تلوع الجبد .. ذوقه فاشل ..
عنود : حـــدج حبيبتي .. مارضى على ولد عمي .. اصلا اهو الذووق كله .. ليش قالولج حمد والا فهد ..
سلمى وتذكرت فهد .. : أي تعاااااااااالي ماقلت لج عن فهد ..
عنود: ها عرفتي شفيه؟
سلمى : ااااااااااااااه ياعنود اخوي يعاااااااااااني من اربع سنين وماندري عنه ..
" وقالت لها السالفه كلها "
عنود: حلفيييي .. ياحرام والله كسر خاطري .. طيب انتي شناويه اتسوين ؟
سلمى : بعد عنود لازم اوقف معاه .. وابيه يقولي كل اللي بقلبه .. على الاقل اخفف عنه .. واحسسه اني بقربه على طول وما راح اتخلى عنه مهما يكون ..
عنود: بس هي لالحين ما بينت ...؟
سلمى : وهو شاللي ذابحه .. لالحين مايعرف اخبارها كلش انقطعت .. والله ان قلبي يتقطع عليه ..
عنود: ياعمري والله حالته حاله .. معليج ربي بيفرجها .. قريب ان شالله ..
سلمى : أي والله جان زين .. الله المستعان .. تعالي خذتنا السوالف انتي شتشربين .. ؟
عنود: مع هالجو الاوربي ابي شاي اتعرفين ثلج يتساقط علينا ..
سلمى : لا تتطنزين مالي خلقج .. شتبين ؟
عنود: مادري عنج شايفه الجو يعني اكيد ابي شي بارد .. يبرد على جبدي شوي .. جيبي بيبسي .. وبس
سلمى : زين هاج تلفوني وشوفي المسجات اللي حفظتها امس ..
عنود : اوكي انزين طسي بسرعه ..
سلمى وهي رايحه تضحك : أي هين هين .. اوريج بعدين


وقعدت عنود تحفظ المسجات الحلوه اللي لقتها بتلفون سلمى وتكتبها بجهازها .. ويوم خلصت .. قعدت تفكر بيوم الاربعاء .. كانت حاسه بشعور وناسه انهم بيتجمعون مره ثانيه .. وبتسهر مع بنات عمها مع بعض محد بيقولهم شي .. وتذكرت ان فيصل قالهم حطوو حمام سباحه .. واستانست .. يعني بتصير الطلعه وناسه بوناسه ..
انا مع بنات عمي وحمد مع فيصل ورشود مع نايف .. وامي مع مرت عمي .. ياه متى بيجي الاربعاااء ؟؟


في بيت بوعبدالله .. منى ردت وبدلت وصلت وتوها نازله تبي تتغدا مع اهلها .. الا صوت فاطمه يدوي دوي بالبيت .. اتقولون صفارات انذار .. يالله اخاف من هالمخلوقه .. احسها مو بشر .. حبها للشر غريزي فيها .. لا لامو مثلنا.. نوع اخر من المخلوقات الكونيه .. بس مادري شلون جات بيتنا .. وعاشت فيه .. احنا مو مثلها .. ! .... وهي نازله الا فاطمه تصرخ على جاندراا ومسويتلها عرس كلاب .. وخلاص انا واقفه على الدرج واشوف المسرحيه اليوميه اللي تسويها فاطمه .. بس هالمره شكو جاندرا .. ؟ لحووول الله يعين ونشوف اخرتنا مع هالنسره ..
فاطمه : انتي وبعدين معاج انا قلت لج اليوم غداي خضره مسلوقه ..
جاندرا: ماما انا مافي يدري انا فكر ان غدى سيم سيم امس .. ماكو عرف ماما والله ..
فاطمه : انا مااشيه على نظام غذائي .. ما انتظر من وحده مثلج تجي اتخرب لي اياه .. في معلوم ؟
جاندرا: ماما خلاص انا اللحين يسوي حق انتي اكل اللي يبي .. بس مافي يسوي جنجان واجد ..
فاطمه: لا حبيبتي ترا طقت جبدي منج ومن شيفتج هني بالبيت ..
"وراحت فوق وهي تنافخ معصبه .. شكلها ناويه نيه على جاندرا بس الله يستر أي بلوه بتقط عليها هالمره ؟؟ كملت طريجها منى لي لجاندرا .."
منى: جاندرا ماعليج منها هذي انسانه مو صاحيه يعني مافي عقل ..
جاندرا: انا مافي عرف هي شنو يبي غدا هي ليش مايقول حق انا ..
منى: ياجاندرا ماعليج منها يعني انتي ماتعرفين مصايبها ولسانها الطويل ..
جاندرا: منى انا حطي حق انتي غدا في حافظه ..
منى باستغراب : ليش وين عبود وخلّود؟
جاندرا : مادري عبود دقي يقول خشي غدا ..
منى : بعد وين رايحين هذوول .. ؟
جاندرا : شوفي انا يحط غدى اوكي ..
منى : اوكي اوكي ..


منى يوم خلصت غدا .. ماكثرت اكل لان محد من خوانها تغدى معاها .. وخلصت بسرعه .. وقعدت اتفكر بأماني .. معقوله بتغير شخصيتي وبتخليني قويه ولا اخاف من احد .. وبتشجعني .؟. فعلا مجلس الطالبات يبيله بنت مثل اماني .. شلون بصير مثلها .. ماشالله عليها .. بس انا لازم انضم معاهم .. على الاقل اتغلب على صفه الخوف اللي عندي واكسر هالحواجز اللي حاطتها بيني وبين الناس .. مادري كل ماشوف لي بني ادم على بالي انه بيطقني .. لازم اتغلب على هالصفات البايخه اللي فيني .. وبعدين ليش اروح بعيد .. كان فهد دايم يقولي لا تخافين خلج قويه هالزمن مايفيد الخوف والخضوع .. كلن بيشيخ عليج .. بس انا ماحطيت كلامه بمحمل الجدّ .. بس اللحين لازم انفذ وباسرع وقت ممكن ..!

[حـ & ـر & و & ف]

نجي لفهـد .. اللي من قال لاخته وهو حاس بالراحه .. وحس انها قريبه منه فعلا وانها تفهمت لوضعه .. الحالي .. على الساعه 4 العصر .. فهد بغرفته وفاج الجهاز ومبحلق عيونه على الشاشه ..

فهد .. يااااااربي يامنى ليش جذي .. ؟؟ اتركي ايميل سوي شي عشان اعرف انتي وين دنياج .. عني .. يارب ياكريم انها تكون بخير .. ومافيها شي وتشبك اليوم ان شالله لا لا ان شالله خير .. اصلا انا ليش متشاؤم جذي ؟

" اااااااه يامنى .. تدرين اني قلت لسمى اختي عنج وعن حياتي بدونج شلون صايره .. منى .. ترى سلمى اوعدتني اتساعدني .. وبتسوي اللي عليها .. اصلا كفايه انها وقفت معاي بوقت اللي كنت محتاج فيه لمخلوق يسمعني .. منى انا قلت لج من زمان عن سلمى واتعرفين عنها كل شي .. دايم اسولف لج عنها .. هذي سلمى اللي تقولين ودي اسولف معاها شكلها طيبه .. هذي هي اثبتت لي انها طيبه الكون فيها يوم ..سمعتني .. منى مابي شي انا خلاص بس ابيج اتكونين بخير .. طيب طمنيني ..!"


هذا الكلام صار بصفه يوميه يخطر ببال فهد قبل لا ينام العصر .. كان وده منى تكون موجوده عشان ايقولها ..
بس قال لازم ادز لها ايميل .. ولو انه للمره المليون .. بس بقول اللي بخاطري .. بقولها اني قلت لسلمى .. مع انها اتحب سلمى لله .. عشان جذي انا ارتحت وقلت لسلمى .. كانت منى دايما تقولي هاالله الله بأختك مالك غيرها بهالكون .. وتقرب منها .. تراها تحبك واتخاف على مصلحتك ومن هالكلام وانا.. اخذه على انه نصيحه وامشي الحال .. بس ماكنت ادري بوقع هالكلام على حياتي الا اللحين بعد ما فقدت منى .. بديت اتقرب من اختي اللي سمعتني ووجزمت كلام منى .. بشكل صحيح ..!
دز لها ايميل وقال هالايميل الاخير .. ان ردت علي انها لالحين متمسكه فيني وتبيني .. واذا ما ردت ..! مادري يمكن ظروووف لا اكيد ظرووف .. اصلا الرسول قال ( التمس لاخيك ان غاب 70 عذراً ) هذا معني الحديث طبعا مو ذاكره بالنص .. وكتب بالايميل ..

" السلام عليكم ..
قوه منى شلونج ؟؟ اتمنى انج بخير وصحه ..
منى ليش قطعتي كل هالفتره ؟؟ فيج شي صح ؟ شفيج قولي لي لو بايميل .. الله يخيلج ترى اعصابي محترقه ..
وعلى فكره ترى قلت لسلمى .. كل شي .. واوعدتني انها اتساعدني .. منى مشتااااق لج والله .. واتمنى انج تشبكين بااسرررررررررع وقت..
فهد .."

دز لها هالايميل وهو خلاص اليأس بدا يدب في شرايينه .. وكان خايف ان خلاص ماراح يشوفها بعد ..!
وعلى هالحال استمر كذا يوم .. وهو يتأمل بشاشه المسنجر بس لا حياه لمن تنادي .. وبدا الولد يذبل قدام اخته وعمته .. وصار يعاف الاكل والزاد .. وكان حمد يزوره بالبيت يحاول يطلعه من هالمعمعه اللي حاط نفسه فيها .. يوم الثلاثاء ومع الحاح حمد انه يطلع معاه اليوم الا ان فهد قاله بالتلفون انه اليوم بالذات ماوده يطلع من البيت يبي يرتاح واقترح على حمد يجيه العصر .... عشان يطلعه من هالهم اللي عايشه من اختفاء منى ..!
.. العصر الساعه 4.30 كانت منى .. في بيت امهااااا .. طبعا بعد الخطه المفبركه اللي سواها خالد وعبود على ابوهم انهم بيودون اختهم المكتبه العامه .. وبيطولون وبيمرون الجميعه بيشترون اشياء ناقصتهم .. بس طبعا قطهم عبود والسايق بالجمعيه .. وخذاهم خالهم طلال من هناك ووداهم عند امهم .. اللي صارلهم شهرين او ثلاث ماشافوها .. طبعا كانت منى متشققه عالاخر .. ومو مصدقه روحها انها بتشوف غناة الروح .. وبلسم الجروح .. كانت نظره وحده من آمال ام منى وخالد .. كفيله انها تنسي منى كل همومها والالامها وجروحها .. وظلم الغوله وفراق الام فقدان الحنان كله ..على دخله منى وخالد وطلال البيت كانت آمال منتظرتهم بفارغ الصبررررر ..
طلال وراه خالد واخر شي منى لانها كانت خايفه من هاللقاء .. : السلام عليكم
آمـال والبسمه اللي شاقه الوجه : ياهلالالالالالالا والله وغلالالالالالالالالالالالالالالالالالا يابعد عمري انتوووووو وقسم بالله مشتااااااقتلكم ..
" وتسلم على خالد تلوووووووووووووي عليه بالقوه .. مو مصدقه روحها اتحس انها بحلم .. خالد كبررر صج ان المده كانت شهرين ماشفته بس حست انها دهر ..
آمـال بلهفه : منىىىىىىى اقربي يابعد عمري .. " وتلوي عليها وتصييييييييح بصوت واطي .. "

منى وتحس ان في صخره في بلعومها : يمى .. لا تبكين اانا عندج ولا اقدر استغني عنج .. يمى بعد قلبي شلونج شخبارج ؟
آمـال وتتراجع على ورى بتشوف بنتها : بخيررررررر بشوفتكم ربي يعافيج .. شلونكم انتوووو بشروني عنكم ؟
خالد وهو حاط نفسه زعلان: بخير .. اشوف الحنان كله لمنى هااا ؟ يعني عشانها بنت ..؟
آمــال: يابعد عمري تتغلى مع الوجه .. وربي ان غلاكم واحد .. تعالو اقعدوا قولولي شلونكم شلون المدرسه وشلون امنا الغوله معاكم ؟


" وقعدووووا يسولفوون لين الساعه 6.24 واذن المغرب وراحوا فوق يصلون ويريحون .. طبعا كان عبود داق عليهم وموصيهم على الساعه 7.30 يطلعون لان مايبي ابوه يكشف الكذبه .. ويسأل عنهم .. كان عبود مرتب لهم كل شي وكان فرحان لهم على شوفه امهم .. وكان هذا اللي يبيه .."

اصعدت منى فوق غرفة طلال .. لقته يتسبح .. وشافت الكمبيوتر مبطل .. واول ما شافته فز قلبّها .. تذكرت فهد .. وكانت اتلوم نفسها انه لااللحين ما يدري عنها واكيد يحاتي وجاتها الغصه من فاطمه ليش خذت الكمبيوتر لهدرجه لعانه ؟ والا شقصدها ؟؟ وتقربت اكثر من الجهاز كانت تطالعه تتتأمل .. شوي ال نقز لها صندوق صغير من المسجر .. شافت رساله وارده؟ استغربت قالت يعني اللحين خالي شابك عالنت ..؟ فرصه خلني اصك ايميله وادش بايميلي .. يارب يارب القااااااااااااااااه ..

وصكت عالسريع ايميل خالها وفجت ايميلها .. وكان كلها امل انها اتلاقيه عالمسنجر .. وكان قلبها يدق بشكل يخوف .. اكيد بتلقاه وبتشوفه اون لاين هذي حزته .. هالكلام كله كانت اتقوله والمسنجر جاري تسجيل الدخول .. يوم انفتح .. اختفت البسمه .. ماكان فهد اون لاين ... انقهرت وعضت على شفايفها .. اللحين هالوقت اللي قدرت اشبك فيه ما القااااااااك ياربي على هالحظ الزفت اللي يلاحقني .. وفجت صندوق الوارد .. الا فوق 20 رساله كانت خايفه خالها يطلع من الحمام .. فا بطلت اخر رساله .. وشافتها انها قبل كم يوم .. وقرت اللي فيها .. واستانست انه لا لحين ما نساها .. واكيد لا لحين يحااااااااتي .. اه لو تدري شكثر اشتاق لك بس ؟
ووقررت انها اترد عليه برساله سريعه .. بما انه مو موجود .. وحست ان خالها وقف الماي وانه يلبس ويوشك على الخروج من الحمام فا قررت اترد بكل اختصار المهم انها اترد ..!
وهذا نص الرساله ..
" قوه فهد شلونك ؟ والله والله العظيم جاتني ظرووووووووووووف اقوي مني اناااااااا مشاكل مشاكل مادري متى بفتك اذبح عمري؟ كلا من راس الغوله ؟ حسافه ما شفتك اون لاين انقهرت مشتاااااااااااااااااااقتلك حيل .. فهد فهد .. الغوله خذت الجهاز مني غصب واحرمتني منه واتهمتني ووخلتني خدامتها فهد الله يخليك لا تتخلى عني .. محتاجتك.. اشوى قلت لسلمى ريحتني .. انا شبكت من جهاز خالي طلال .. وهو اللحين يتسبح شكله خلص بااي لاتنساني .. احبك .."


وكتبته وعلى طول بدون ما تشيك اذا في حرف ناقص زايد على طول سند .. ارسلته .. ويوم تأكدت من وصول الرساله .. صكت مسنجرها .. وتوها بتطلع من الغرفه الا طلال طالع من الحمام ..
طلال : تعالي منوووه وين رايحه صليتي ؟
منى : احلف شوف ساعتك بتصك السبع .. اي صليت الحمد لله
طلال: انزين تعالي عبود قال 7.30لازم تكونون بالبيت .. قبل لا يجي الفرعون..
منى تضحك : حشى ماصارت زياره .. تهريب مخدرات هههههههههههه
طلال : تتطنزين مع وجهج أي عند ابوج اكبر من التهريب .. ليته مخدرات على الاقل اشتريكم منه بفلوس ما قول بس الا ربي يهديه .. ويفكّم من الوجه النحس هالغوله .. ويخليلكم اخوكم عبدالله ..
منى بتمني : اميــــن يارب ما قالك عبود متى بيمرنا ؟
طلال : يالخبله البسي عباتج .. وقولي لخوج مسوي لي فيها الحنون ما فارق امج من دخلنا .. خله يركب السياره انا بقطكم الجمعيه وهناك عبود .. يلا لا تتأخرون ..
منى: يارب متى بتخلصنا من هالمعمعه .. ونجي عند امي متى ما بغينا .. ؟
طلال : امين بس ماعليج الصبر مفتاح الفرج .. ولاتيأسين من رحمه ربج ..
منى : والنعم بالله ..
طلال: اشوف بنقلبها ندوه دينيه .. اخلصي علي شوفي اخوج .. " ويدزها بيده تطلع من غرفته وهي ميته من الضحك "


على الساعه 7.00 كان حمد في غرفه فهـد .. وطبعا كان فهد العصر نايم وماقام الا يوم صب عليه حمد قلاس ماي بارد .. وماقام الا على اذان المغرب.. قام وتسبح وصلى هو وحمد .. وقعدوا يسولفون وشاي وسوالف كان حمد هو اللي يسولف يبي يطلع فهد من هالحاله .. شوي الا توجه فهد طبعا لا اراديا للجهاز وفجه وشبك ..
وهو شابك توه ما فتح ايميله .. الا يقوله حمد ..
حمد: وانت وبعدين معاك وهذي حالتك يعني ؟ حاكر عمرك بين اربع طوف .. وعيونك على هالصندوق اللي قدامك..
فهد : ياخي لا تكلمني والله غصبٍ عني ..
حمد : لا والله تقدر تصك لي هالجهاز وتطلع وتستانس .. بدال هاللي انت فيه ..
فهد : آه ياحمد اسكت بس ..
فهد شاف كذا رساله جايته على الايميل طبعا شي طبيعي .. لانه مشترك بقروب ومنتدى وهالسوالف .. بما انه انسان يحب النت ..
وهو يجيك على الصنودق الوارد .. وكان يسولف مع حمد .. الا شاف رساله من منى هني .. تصنم مكانه ..
حس ان الدنيا كلها تجمدت مافيها هواء ولا فيها نفس .. كانت الشهقه اللي اطلقها فهد .. تأكد لحمد ان فهد شاف رساله من منى ..
حمد: اسم الله عليك فهد شفيك؟
فهد .. لا لحين مو حاس فج الرساله واخذ نفس وبلع ريجه وقراها .. ويتمنى بكل قلبه انها بخير مافيها شي ..
قرى الرساله بالنص ..
" قوه فهد شلونك ؟ والله والله العظيم جاتني ظرووووووووووووف اقوي مني اناااااااا مشاكل مشاكل مادري متى بتفك اذبح عمري؟ كلا من راس الغوله ؟ حسافه ما شفتك اون لاين انقهرت مشتاااااااااااااااااااقتلك حيل .. فهد فهد .. الغوله خذت الجهاز مني غصب واحرمتني منه واتهمتني ووخلتني خدامتها فهد الله يخليك لا تتخلى عني .. محتاجتك.. اشوى قلت لسلمى ريحتني .. انا شبكت من جهاز خالي طلال .. وهو اللحين يتسبح شكله خلص بااي لاتنساني .. احبك .."
"خلاص وقف قلبه .. يعني ظني كان بمحله كان عندها ظرف اقوى منها .. والغوله هي السبب ..أأأأأخ لو يجبونها عندي عشان ارتكب فيها جريمه هالغووله ..النذله .. ليييييييييييييش حساااااااافه قبل ربع ساعه كانت دازه هاالايميل .؟؟ طول الايام اقعد بالساعات انطرج اللحين يوم شبكتي ما اشوفج .. ليش جذي حظي؟؟ بس على الاقل تطمنت عليها بخير .. وما نستني .. الا انا اللي محتاااااااجج ولله مو انتي .. معقوله باتخلى عنج ؟؟ اتخلى شلون هذي اتخلى عن روحي ؟ يعني اموت ؟ لا مستحيل .. يعني هي ببيت امها .. الحمدلله على الاقل شافت امها اليوم يعني استانست .. "

كان يقول هالكلام بينه وبين نفسه بس مايدري ان من فرحته كان صوته واضح .. بالنسبه لحمد اللي لاصق فيه لانه كان صج خايف عليه يوقف قلبه والا شي .. هذا فهد يسويها ..!
حمد قطع عليه حبل افكاره : أي استانست وراحت لامها وشبكت ودزت لك ايميل من قدك يا اخ فهد ؟
فهد وابتسامه شاقه الحلج : اه والله احبهاااااااا ... صج ردت لي الروح ..
حمد: الله يعطينا من حبها اشوي .. نعنبوك كل يوم اجيك واسولف معاك بطلعك من هالجو ما قدرت ؟؟ اللحين تجي هي بايميل واحد الا ربع ايميل تسوي اللي انا ماقدرت اسويه كل هالايام ؟ الصراحه امرك عجيب ؟
فهد يضحك: ههههههههه لوسمحت لا تحط نفسك بمحل مقارنه وبين منو بين القلب .. انصحك تراك انت الخسران ..
حمد يعني زعلان: خسران ها ؟ والله انت الخسران دامك ماعرفت قدري فديتني انا .. بس معليه مردوده يا بو الشباب ..
فهد: لحوووووووول خلني اعيش فرحتي بحذافيرها .. لا تقعد تسوي لي سوالف حريم .. زعل وخرابيط ..
حمد وهو طالع : عيش عيش فرحتك .. لنا الله .. دام صرنا سوالف حريم ..
فهد .. ما انتبه له وهو طالع بس سمع كلامه .. وردّ يقرى الايميل للمره العاشره .. ويدقق على كلمه كلمه ..
ويقول بقلبه فديت المستعجلين انا ((يقصد منى كان واضح من الايميل سرعتها وعدم تركيب الافكار)).. وقعد فتره وهو يفسر كل كلمه قالتها .. هذي سوالف اللي يحبون ..
ويوم لف وراه ما لقى حمد .. واستغرب .. ليكون هذا صدق وقلب السالفه جد وطلع؟ ياربي شفيه صاير حساس .. يستاهل انا اللحين بقمه وناستي يجي يستخف دمه .. بس هذا حمد مو أي احد .. خلني اراضيه بعد من لنا غيره .. يصبر علينا .. وقرر انه يتصل فيه بس مايرد عليه .. هني حزّ بخاطر فهد .. ادري زعل .. واعرفه لي زعل .. لازم اروح له .. وخذ اغراضه الخاصه سويج سيارته وتلفونه .. وطلع من غرفته الا سلمى بوجهه ..
سلمى: فهد وين طالع ؟
فهد: بروح اراضي الزعول .. حمد ..
سلمى: أي من شكله كان زعلان حتى سلم علي بسرعه حتى ماطالع بوجهي ..
فهد: أي كله عشان منى دزت لي ايميل .. بروح اشوف شسالفته يلا تشاوو ..
سلمى: احلللللللللف دزت لك ؟ ياعيني ؟ انزين ناطرتك تقولي شسالفه بالتفصيل اوكي ..؟
فهد: اوكي .. باي


لــ نــ عودة ــا

[حـ & ـر & و & ف]

الجــــزء السـادس
---------------------

على الساعه 7.20 بالليل فهد كان في دوانيه حمد ..يدق عليه ولا يردّ؟.. وكان فهد نيته من الجيه هذي انه يصالحه هو من له غير حمد؟ اللي يشاركه بحزنه وفرحه ..
"..اللحين يوم جاء فرحي ازعل خوي دربي .. اما انا غريب بشكل ..! لا مو غريب الا ماستحي على وجهي .. شلون عطيته بو لباس وقريت الايميل وهو طلع ؟ اهو وحده من الثنتين اما اني قليل ذوق او ماكنت بوعيي ؟ لالا الثانيه صج ماكنت بوعيي ايميلها خلاص خلاني افقد الحواس الخمس اصلا الدنيا تجمدت ماكانت تتحرك على ماظن ..! هذا وينه تأخر علي يعني عشانه زعلان ينقعني بالدوانيه .. هذي عاشر مره ادق .."

وعاد وقتها دز له مسج .. لانه زهق وهو يدق عليه .. وفهد قاطع وعد بينه وبين نفسه ما يطلع من البيت الا وهو مصالحه ..
المسج " يا الاخو يا الحبيب انزززل انا تحت بالدوانيه ياخوك نقعتني ..l"
حمد طول هالوقت معاه التلفون بس يبي يحسس فهد بمقداره ..
.. " يعني عشان ايميل من بنت يسويلي طااف ؟ ومنو انا رفيق عمره بعد ؟ هين يا فهّود ان ماطلعتها من عينك.."
.. شوي الا قرى المسج .. صج صج كسررر خاطره .. بس قال للخدامه تقول لفهد انه نايم ماكان يبي يشوفه اليوم كفايه اللي سواه .. حمد منقهررر عالاخر ..
".. انا يافهد ماخليك تعيش فرحتك اللي انا اتمناها لك ؟ صارت سوالفي اللحين سوالف حريم طيب ؟؟ انعلمك ياولد نوره من حمد.. "
وحط راسه على السرير وهو حاس انه تعبان .. بس مافيه نوم .. تقلب تقلب مافيه فايده والبيت مافيه احد عنود وامها بالسوق يتشروون للمزرعه باجر .. وقف على الدريشه .. كان يبي يشوف فهد وهو يطلع من البيت عشان ترتسم ابتسامه النصر على وجهه .. بس هالشعور اخذله لان فهد لحظتها كان داخل غرفه حمد بدون احم ولا دستور .. لانه يدري ان طق الباب سنه ماهو فاتح .. اذا التلفون ما ردّ عليه بيفتح الباب ؟ دش عليه طبعا بعد ماقال للخدامه تسويله درب .. حمد يوم شاف فهد صدّ صوب الدريشه ولا التفت له .. فهد حزت بخاطره هالحركه ..
" يااه لهدرجه انا جرحتك اسف والله اسف .. بس شلون بقولها ..!"
راح لحمد وصل للدريشه وكان حمد على يساره.. حمد كان يطالع الشارع ..

فهد : السلام عليكم ..
حمد بصوت خافت : .... وعليكم
فهد: شلونك يالزعوووول ..؟
حمد:.........
فهد: يالله عاد لا تصير مثل الحريم تتزعل على كل كلمه ياخي ما كنت اقصد وانت اتعرف هالايميل من متى وانا انتظره ..
حمد: كررتها بعد ؟
فهد توه استوعب انه عاد سالفه الحريم : لحووول ياخي انا انسان خبل وما حاسب على كلامي بعد شسوي ..؟
حمد من بعد السكوت : بس انك تجرح الناس اعتقد صعبه شوي ..
فهد حس انه من صج زعل : حمد .. انت معتقد اني لو كنت بقواي العقليه بزعلك ؟ بخليك تطلع من البيت وانت متضايق ؟ تتوقعني اسويها ؟
حمد وبأسف: سويتها يافهد ..
فـهد : حمــد انت اكثر واحد تعرفني وتدري صارلي كم يوم حالتي متدهوره .. وانت كنت تجيني تنصحني .. طيب قدرّني ماكنت اقصد اللي قلته وحقك علي دامني غلطان ويلا امش قدامي بنطلع..
ويبتسم له حمد بابتسامه الانتصار انه خلا فهـد يعتذر ولا يطلب منه يطلع بعد ..! استانس حمد داخليـاً على هالتغير .. بس ماحب يوضح قدام فهـد .. عشان يذله اكثـر على هالكلمه اللي قطها ..
حمد: اممم اللحين بغيت تطلع ها؟ ومن اليوم احـنّ عليك ومعطيني طاف شكبره ..
فـهد يضحك : يابوك ارتحنا اللحين قم اخلص علي ياخي توني ادري ان زعلك ثقيل اسمعني ناطرك تحت خمس دقايق ومحرك السياره .. مفهوم
قال هالكلام واهو متجه للباب معلن خروجه من الغرفه وهو مستانس لانه نفذ وعده وصالح حمد اللي صاير هالايام حساس زياده عن اللزوم .. واللي خلا فـهد يحسب الف حساب للكلمه قبل ما تطلع منه .. وخمس دقايق على ما لبس حمد نزل لفـهد اللي كان ناطره بالسياره ومشغل اغنيه" تدري اني موت احبك " لعيضه المنهالي ..
وحركووا بس مايدرون وين يروحون واقترح حمد انهم يروحون البحر .. فهد ما عارضه لان هالطلعه عشان الصلح اللي تم بينهم ..

وعلى الساعه 11.00 في بيت ام فيصل .. كانوا البنات مجهزين اغراضهم وجناطهم .. وخلاص بس باقي الاشياء البسيطه اللي باجر يركبونها بالسياره .. والوناسه مقطعه البنات وكل وحده تقول لثانيه" يعني باجر احنا بالمزرعه ياربي يكون حمام السباحه عميق" واللي تقول" يارب يكون في تلفزيون بغرفتي" .. دانه وريم يتخيلون شكل المزرعه وهم قاعدين بغرفتهم الا فيصل داش عليهم .. معصب لانه سامع سوالفهم من الصاله وانقهر منهم ..
فيصل : هييه انتوو آنسـات ليش ماتنامون وتفكونا من صجتكم ولجتكم ؟
ريم : لحوووول انت شتبي ؟
دانه: والله يافيصل انفكـر بالمزرعه شكلها اتونس ..
ريم: اتونس وبس ايقولج حمام سباحه وحظيره حيوانات وهالسوالف .. يعني شغل عدل ..
دانه : الصراحه اهم شي عنود معانا ثلاث ايام محد يقدر يقول شي ..
فيصل فزّ قلبه من طروها : أي طبعـا بتصيرون عصابات هناك .. بس الله يعين امهاتكم عليكم ..
دانه : شوف فيصل من اللحين مجهزتلكم العاب وسوالف .. يعني حق السهره
فيصل : يلا خرابيط وسهر ماعندنا بنات عشر انتو بغرفكم ماعندي سوالف ماصخه .. " سهر " يقلدهم خوووش؟
ريم : لالا لاوالله احلف بس ليش مودينا المزرعه ان شالله ليش اعيوني لا قول ليش ماتطلع الا تقول ليش؟ عشان تحكروناا ؟
دانه غاصتها العبره : فيصل احلف يعني ماكو سهر ؟ والالعاب والسوالف لالا عفيه فصوول لالاتقول .. وهذا وانا مجهزه مع عنود ومتفقين على السهره يوم عندنا يوم عندهم ..
فيصل بغى يموت من الضحك على وجيهم بس يحب ينرفزهم : انا قلت مافيه ما تفهمون عربي بالانجليزي نووو وي
وطلع من الغرفه وابتسامه اللؤم شاقه الحلج .. بس خلاص طفرهم هذي قمه سعادته .. طبعا ما طلع منهم الا وهم يتحلطمون على اعمارهم .. وعلى الساعه اللي صار فيها فيصل اخوهم ..
------------------

يوم الاربعـاء صباحاً مع زحمه الطالبات امام مقصف المدرسه .. اللي توصي رفيجتها تشتري لها واللي ماسكه رفيجاتها ومسوين شله وسوالف ونكت وضحك على الاخر .. والابلات رايحين جايين بالساحه كانت هالاجواء هي فرصه الطالبات التي يقضونها مره باليوم بين الساعات الدراسيه .. وكانت مدتها 25 دقيقه .. وعلى هالاجواء كانت منى قاعده على كرسي وهي داخل الفصل بس تراقب هالامور من على الدريشه .. ماتقدر تطلع وتشارك الطالبات هذه الفرصه اللي ينتظرونها بفارغ الصبر لان بكل بساطه مالها رفيجات .. وتعودت تقعد بالفصل بروحها تسترجع ذكرياتها وعايشه الماضي وتحاول تربطه باحلام المستقبل المجهول ..وفي قمه سرحانها دخلت عليها اماني وشكلها يوحي بانها وجدت ضالتها من بعد عنـاءٍ طويل .. !

اماني : انتي وينج ؟
منى : موجوده كنتي اتدورين علي ؟
اماني : لا والله وين اللي بتجينا بالفرصه عند الاخصائيه صارلج اربع ايام مطنشتنا .. يلا عاد احنا كلمنالج الاخصائيه قالت هي بنت زينه واذا بتدخلونها المجلس ماعندي مانع .. امشي وقعي على انضمامج ..
منى بفرح : والله .. ان شالله بس ..
اماني مقاطعتها: السالفه فيها بس ؟
وتجرها من مريولها وتروح معاها لي الاخصائيه .. كانت منى ظاهريا خايفه من هالتجربه .. اما باطنياً مرتاحه لها تحس انها بتتقدم خطوة للامام .. خطوة ايجابيه بعد ..!
بعد مادخلوو على الاخصائيه وتفاهموا معاها على كل شي ووقعت منى على انضمامها مع مجلس الطالبات .. واتفقوا على بنود المجلس وشنو المشاريع اللي بيسوونها .. ومنى متحمسه لهالشغله ماتدري ليش؟
الاخصائيه : بنات ان شاء الله هالاسبوع في رحلات لبنات ثاني ثانوي .. والاسبوع الجاي ندوات بتصير بالمدرسه بس عاد اماني انتي قسمي الشغل بينكم .. منو اللي بتهتم بالرحلات ومنو للندوات ومنو اللي بتشرف على حفله المتفوقين .. واذا رتبتوا نفسكم عطوني الكشف عشان ارتب اموري مع الاداره .. اوكي بنات؟
اماني : ان شاء الله ابله لا تشيلين هم .. احنا خلال جم يوم جايبن لج الكشف فيه الاسامي .. وماتقصرين والله ..
الاخصائيه : تسلمين والله اماني مادري من غيرج شكنت بسوي ؟ بس هالله هالله بالبنات ابيج تعلمينهم كل شي .. تراج صرتي خبره من اولى ثانوي وانتي معاي بالمجلس ..
اماني : على هالخشم بس امريني ..
--------------------

على الساعه 12.30 خرج مئات الطلبه من مدرسه ثانويه .. متجهين لبيوتهم .. وكان من بينهم خالد وعبدالله .. على الهده .. كان السايق ينطرهم عند البراحه اللي ورى المدرسه .. وكان خالد عند باب المدرسه يكلم عبدالله ..
خالد: يلا عبود انيس وصل
عبود: انت روح انا بروح مع مبارك مشوار وتغدوا لا تنطروني وان سئل عني ابوي قوله نايم اوكي ؟
خالد مستغرب : مع مبارك ؟ ليش عاد وين بتروح ؟
عبود : لا تطولها روح توكل البيت ولا تسئل حيل .. بعدين بتعرف بعدين ..
ومشى عبود وراح لمبارك اللي كان مدبّر عمره وموصي على السايق يوديهم للمكان اللي يبونه .. من غير محد يدري ..
عبود : ها مبارك دقيت عليه ؟
مبارك: أي دقيت وهو موجود بالشقه ..
عبود : تمااااام .. يلا مشينا ابي انخلص بسرعه مابي ابوي يدري ..
مبارك : الرجال بشقته وشدرا ابوك بعد انت ؟
عبود بخوف : مادري يسبب لي خوف بكل مكان .. المهم امش يلا لا نتأخر ..
ركبـوّا السياره وراحوا .. وكان خالد يراقبهم بنظره لين مشت السياره .. للمكان المجهول ..!
خالد كان مستغرب وماكان بيصـّر على اخوه عشان يعلمه وين بيروح .. وبنفس الوقت خايف على اخوه من مبارك هذا اللي ما يعرف عنه أي شي ..!
" اللي اعرفه مبارك زميل بالفصل لعبود لا اكثر ولا اقل .. وين يرحون بهالحزه؟ .. ومشوار خاص بعد ؟ ولا تعلم ابوي .. اممم قلبي ناقزني بس ان شالله خير .. "
كمل خالد طريقه للبيت .. وطرد من باله هالشكوك اللي تراوده.. وعلى دخلته البيت الى جاندرا مستقبلته بالابتسامه المعتاده وما كان الجو يوحي بمشكله قادمه.. واسألته عن عبود قالها انه بيجي بعد شوي مع رفيجه .. جاندرا بالنسبه لهم الام الروحيه ..اللي تفقدهم لي غابوا .. وتأكلهم لي جاعوا .. تراعي شعورهم لي انفعـلوا .. طلع خالد يغير ملابسه فوق .. لان منى تحت تنطره بيتغدون .. امداه غير لبسه وصلى توه نازل .. وانعادت المأساه اليوميه ولكن هالمره غير ..!
بوعبدالله :اجل شاللي يركبكم مع خالكم امس ؟
منى بارتباك: يبى شفناه صدفه بالجمعيه قال خلاص انا بوصلكم البيت لان عبود طول بالمكتبه العامه وانا مستعجله كنت برّد البيت ..
بوعبدالله : يعني قلـّت جميعات الكويت يجي جمعيتنا ؟ واذا شافكم يعني خلاص ياخذكم البيت عادي والا يوديكم لامكم ها مالكم والي انتو ولا لكم ابو ؟.. انزين امس ليش ماقلتي لي انه هو خذاكم ؟والا ناوين اتمشونها بعد علي ؟
منى خلاص موقادره اترد على هالكم من الاسئله تبي احد معاها على الاقل يصدّ عنها هالكم اللي بـيجيها من الضرب .. هالصراخ يليه ضرب هذه القاعده التي عرفت في البيت منذ تزعم فاطمه ولايه هذه الاسره .. وكانت هالموجه الكلاميه لا تبشر بالخير .. وتنذر عن حدوث شي لا يحمد عقباه .. الجو متوتر مشحون واللي زاد الطين بله ان فاطمه كانت موجوه بالموقف .. وعبود مارجع البيت و خالد فوق .. السالفه كلها حصلت بظرف عشر دقايق تجمعت القاعده ونفذت الخطه والضحايا هم الابناء .. الذي لا حيله لهم ولا قوه ..
بوعبدالله يصارخ : يا خوويلد .. خوووووويلد تعال
خالد جاي وعلى فاله كان يسمع صراخ وهو بالصاله فوق ماكان يدري بأن ابوه درى .. والغوله تحت معاه.. ونزل خالد الا بوعبدالله بوجهه .. من شاف الغوله موجوده .. عرف ان السالفه فيها ضرب وخناق واشياء هم في غنى عنها ..
".. كملت .."
بوعبدالله : خويلد ماتقولي انتو امس شتسوون بسياره خالكم طلال ؟ بعد قول مادري ..؟
هني تجمدت منى من الخوف هي جذبت على ابوها وخافت ان خالد يقول غير كلامها وهني صج بتسقط بشر اعمالها .. !وايدها على قلبها ..
خالد بارتباك : هاه .. خالي طلال ؟ أي امس شفناه بالجميعه .. ليش يبى فيها شي ؟
بوعبدالله بتوتر : لا والله حبيبي انتوا راكبين معاه بالسياره ..؟ لييييييييييش؟
خالد لف على منى وشاف شتى انواع القلق مرتسمه على وجها قلق وحزن خوف.. واشياء ماعرف لها تفسير .. وقرر انه يتهرب بطريقه اخرى ..
" لازم انقذ الموقف "
خالد : يبى انا كنت داخل الجمعيه شفت رفيجي وسلم علي مادري يمكن خالي طلال شاف منى وعبود وسلم عليهم وقرر يردهم بنفسه .. او سيارتنا فيها شي هو واحد من هالاشياء ..
بوعبدالله مايبي يقتنع بكلامه : هاد اختك وتسولف مع رفيجك اشهد انك مريووتي ..
خالد عض شفااااااته بشكل يمتص الغضب .. بس منى قررت انها اتفجر البركان اللي فيها ومهما كانت عواقبه وخيمه ..
منى بغضب ممزوج بالخوف : يبى شفيها يعني لي ركبنا مع خالي .. حرام هو والا عيب؟.. اصلا الواجب ان احنا نزوره ونحب راسه بعد مو تتمنن علينا بزيارتهم مره بالسنه .. وتسويها قضيه يوم ركبنا معاه .. يبي ترى اللي تسويه .....
كان الكف بسرعه الهواء اقرب عليها من تلفظ كلمتها وأحر عليها من الجمر .. وأثقل عليها من الجبل ماكانت تدري ان هالكف بيسبب لها شرخ لجدار الطبله .. من قوته .. هي حست بأن الأرض افترت فيها كذا مره .. ولا قدرت اتميز بين الاشياء .. وطاحت طيحه قويه على الارض اللي خلا خالد يركض لها وقلبه خلاص شوي ويوقف في الف والف سؤال بمخه ..
"ليش ابوي يسوي جذي ليـــش ؟؟ عشان يرضي الغوله ..!!"
وركضت جاندرا جابت الماي لمنى .. ومنى اللي ماكانت داريه عنهم بعالم اخر .. وخالد يضرب بخفه على خد منى ..
خالد : منى منى قووومي مافيج الا العافيه .. منوووه
جاندرا ماسكه الصيحه: منى حبيبتي منى اشرب ماي ..
بهاللحظه كانت فاطمه موجوده متظاهره بالدهشه والاستغراب من تصرف بوعبدالله .. وقاعده اتهدي زوجها .. الا بوعبدالله وجه هالسؤال بكل قوه لجاندرا ..
بوعبدالله: وينه هذا عبوووود ؟
جاندرا تذكرت انه مو في البيت : اه أي بابا عبود يمكن فوق نايم ..
بوعبدالله: انا رايح له
ويصعد فوق اللي خلا جاندرا تتنافض من الخرعه اللحين بيكشفها .. وتنقلب السالفه على راسها هذا الناقص .. جاندرا تكلم خالد بطريقه اقرب الى الهمس ومن الخوف نص كلامها مقطع ..
جاندرا: خالد بابا راح فوق .. شنو يسوي اللحين ؟
خالد كاره عمره : احنا ناقصين ..!عبود مع رفيجه شلون اللحين ؟.. يبى تدرين شلون اذا رد ابوي قولي له يمكن عبود طلع .. هني انتي تطلعين منها ..
جاندرا بقلق واضح : ها اوكي ..
نزل بوعبدالله والشرار يتطاير من عيونه .. كان بيصب غيضه بواحد من الموجودين ماكفاه اللي سواه بمنى لا زم ضحيه ثانيه عشان يرضي غروره وغرور الغوله مرته .. لانها تحدته انه مايقدر عليهم واهو اللحين قاعد يثبت لها شجاعته .. عاش البطل ..!!
بوعبدالله يكلم جاندرا: انتي تقصين علي ؟؟؟؟ جاهل عندج انا ؟؟
جاندرا تتنافض : بابا شنو قول ليش انتا مافي شوفي عبود فوق؟
بوعبدالله : لا ما شفته .. جاندرا قولي الصج وينه ؟
خالد بهالوقت كان شايل منى وحاطها على القنفه .. عشان تنسدح بوضعيه تريحها .. وراح ركض على المطبخ .. ودق على عبود .. والحمدلله عبود كان واصل الفريج .. يعني الوضع .. اهون شووي ..
خالد طلع من المطبخ وراح للصاله او بالاحرى ميدان المعركه .. ولقى المتبارزين بوعبدالله وجاندرا .. وكانت بينهم شبه مشاده كلاميه ..
جاندرا : بابا انا مافي جذاب ..
وتبجي .. بصوت مخنوووق .. واهني تدخلت فاطمه .. وزادت كلام من عندها ان جاندرا مهمله بشغلها ومدلعه العيال