مــن الليلـة ...!!!

[وحيد]

من الليله قدرت أحجز عواطـف قلبـي الجمّه
وأغيّر مبتدا الكلمه بقـوّه وأحـذف التنــــويـن

من الليله غرامي مات من ساعة وهدرو دمّه
وبلساني نطقت وللقصيده قلت وش تسوين

من الليله حجزت التذكـره لولايـــة القـمّــــه
وقررت إني ابدأ من جديد أنظم بنا التكـــوين

من الليله نسيت أسمي وقلت لصاحبي سمّه
ولا أدوّر لعطـف فـلان ولاّ من فـــــلان عــــوين

من الليله رسم فكري خروج الخوف من كمّــــه
ونادى الشعر لحروف اللظى وش قصت التخوين

من الليله عرفت أنهك مع المشـــــوار وآتمّـــــه
واسافر في خيال البسمه اللي تعشق التدوين

من الليله حكيـت وكـل منّـا شايــــــــلٍ همّـــه
وبكيفـك يا نجـوم الليل تتخفيــــــن أو تظـــــوين

من الليله لعنـة المسكنه مهما تكـــــن شمّــه
وقلت لكلمة الحق أسبحي واسعي لمن تهوين

من الليله حلفت إني وفي والسالفــــه ذمّـــه
ما دام اللي هويته مكتفــــي ( بكتابة التنوين )

تحياتي

[ather111]

من الليلة راجع لعمري ألمه...... اللي نثرته بصحف ودواوين
لأن صاحبي ماعرف كمــــه...... ما عرف غير نبرة التنويـــن
أسابق الوكت لي مر يمــه...... اللي حجزته له جملة سنين
.................................................. ..........................
أخي وحيد كل المخلوقات لها نهاية تقف عندها إلا الإنسان الصامد هو من ينتفض بسرعة ويقف مرة أخرى ويعدو في بطحاء الحياة من جديد يحمل بيده منجل ليحصد به ما يريد ...
الله يقويك ويزيد عزومك على هذه الثورة وهذه الصحوة الرافضة لكل هوان..
.............. تقبل تحيات أخوك أثير الجراح ......................

[وحيد]

تسلم اخوي اثير

ومشكور على مرورك الكريم لاعدمنا هذا التواجد الدائم

بارك الله فيك

تحياتي

[محمد الجرايحى]

مشكور أخى وحيد ,,
تسلم قصيدة جميلة .. وفيها المبتدا ... والتنوين
التمكن واضح أيها المبدع الرصين ....wad

[وحيد]

اخي محمد الجرايحي

دائما تغمرني كلماتك بشلالات الود وتنثر في فضاء حروفي أسراب البهجة ...

حضورك هنا هو شرف لهذه المساحات البيضاء التي عطرها وزينها هذا الحضور ...

شكرا على مروركِ الكريم ...

شكرا على الثناء ...

شكرا على الإطراء ...

وتقبل تحياتي

[أصيـــــل]

هلا بالطيب الغالي ((((وحيــــــــــــــــد)))))


راحت وياكثر اللذي قبلها راح0
يالله عسى بفراقها ياوحيد خير0


قلت فابدعت وماهي غريبه منك هاذي ولاذيك0


دائما كلماتك في غاية الروعه 0


بنتضار جديدك /وحيد

تحياتي/ اصيـــــــــــــ ــــــــــــــــل0

njm njm njm njm njm

[وحيد]

الف شكر اخوي اصيل على هذا الردود ...

وجميل هو تواصلك

دمت ودام التواصل

تقبل تحياتي

[الزينه]

بسم الله الرحمن الرحيم



من الليلة حجزت التذكرة لولاية القمة

و قررت اني ابدأ من جديد انظم بنا التكوين




من الليلة نسيت اسمي و قلت لصاحبي سمه

و لا ادور لعطف فلان و لا من فلان معين..



هنيئا لك يا وحيد..



GOOD GIRL

[وحيد]

تهنيني على حظاً يفيض القلب من جمه
تهنيني على طيف العنا والسفك والتعدين

ترا لولا الشماتة ما لبست القاف والعمه
ولا فليت عن نفسي وقلت النون والتنوين

اشيل الهم فوق الغم واسوقه والفكر يمه
واقول الله على حالي زماني مبتكر للحين

مشكورة اختي good girl على مرورك الكريم لا عدمناك

وتقبل تحياتي

[الزينه]

بسم الله الرحمن الرحيم



فداك الهم و الهوجاس و التنوين و الضمة

يا خوي ارحم شبابك بس..وشهو الفايدة ألحين؟؟




تشوف الناس من حولك يدارونك و بالذمة

إذا تطلب عطوك الروح و ما تغلى لجنابك عين!!



و دمت..

GOOD GIRL

[ضايق الصدر]

شــــعر يا وحيد فيه حــكمه وفيه ضمه
تماشى الشـــــــعر في الضــمه وتنوين

وصار القلب متشوق يبي قــربه يبي يمه
يبي يعرف قصة قلب تاه بين الضمه وتنوين

[وحيد]

سلمت ابلا جدال وجاير الونـــات ملتمــــة
واظن اني مسجلها كذافي شركة التامين

وبشكر كل من حولي عسى مايرجسة همة
عسى عنهم اشيل الهم واكنه بلا تقنـيـــن

مشكورة اختي good girl

[وحيد]

تسلم اخوي ضايق الصدر على ردودك الجميل

ولا عدمنا هذا التواجد الدائم

يعطيك العافية

تقولة وانت ياضايق تعرف اللي حرق دمة
يداوي علته ويسجل الكنه على التكوين

يحايدها من الشمات واهل الحقد والنمه
ويوسيها على عب الدهر والنون والتنوين

وتقبل تحياتي

[أمل عمري]

تسلم يالغالي وحيد على القصيده الروعه
الله يوفقك دنيا واخره
الى الامام
(مع انه مافي احدقدامك)
ومافي احد قدامي غيرك
ههههههههههه
.......
تسلم يالغالي
الله يخليك للمنتدى

[وحيد]

مشكوووووووورة اختي امل على مرورك اللي يسعدني دوماً

يعطيك العافية

تحياتي

[نوار]

الله الله شو هالكلمات الرائعه أخوي وحيد
اللهم صلي عالنبي
سلمت يمناك أخوي العزيز وحيد
والله لايحرمنا منك

تحياتي:
نوار

[وحيد]

مشكوووووووووورة اختي نوار على مرورك

بارك الله فيش

تقبلي تحياتي