المصافحه الاولى (العنق الرهيف)

[ذعار بن سحاب العنزي]

السلام عليكم ورحمة الله ويركاته

مساء الخير

اقدم لكم هذه المتواضعه واتمنى ان تنال على اعجابكم

اترككم معها


وربي مارقدت البارحه مـن حـرة الرجفـه=مابين ضلوع ينحتها الزمان وويـن اوديهـا

خفوقي من قبل عامين من اوجاعه لقى حتفه=بنبضاته وكاد انـه يجامـل صاحبـه فيهـا

قبل عامين يوم اني صغير استوحش اللهفـه=وكانت مزنتي دايـم تهـل احلـى غوانيهـا

يوم ان البسمه اللي في شفاتي بسمة الخشفه=يوم انّا من فرحنا فوق, نرقب من عواليهـا

يوم ان مضمر العنق الرهيف يطش من عطفه=وتخضر من قبل يدهل حقوق الوسم اراضيها

ولاهي من بنات الكول / تعرف النوق والرفه=وتقطف ديدحان القاع وتشرب مـن خباريهـا

وفم(ن)خاتمه ألماس تكسر بأوسطـه حرفـه=واراضي لو مشت فيها تربع من خطاويهـا

ونسايم مازحت شعر(ن) طويل يلاعبه ردفـه=شمطري مع خضاب وخلطة اليشموم بيديهـا

وخلاخل لامشت كن القصيد يجض بالصدفـه=ومبسم اختلط سكر عسـل دوعـن بحاليهـا

تسولف مع ابوها وامهـا وبصوتهـا عفـه=وتجمع يابسات (الاقط) تحطه فـي مخابيهـا

تلوم الهجد يوم انـه يزيـد بداخلـي لهفـه=وتلوم الغصه اللي بداخلـي هـذي دواعيهـا

يعين الله هو المولى يزيل الضيـق والرجفـه=واذا جاعت شراييني تعشـت مـن مفاريهـا
وسلامتكم

[صقر الحجاز]

سالم وغانم صح لسانك وبنانك

حياك الله وحي القصيد

جزلة من راس جزل

لا هنت يالقرم

تحياتي يا غالي

[ذعار بن سحاب العنزي]

صقر الحجاز
هلابك والله يالغالي

انت القرم يابن الاجواد

صح بدنك وسلمت على المرور الجميل

تقبل محبتي

[خالد العنزي]

بسم الله الرحمن الرحيم


صح لسانـكـ اخووي

ذعار

والله يعطيك العافيه يالغالي

قصيدة جزله من رأس جزل

كفيت ووفيت

وننتظر جديدك يالغالي

[اصداف البحر]

كلماات رائعـــــــة



بروعـــة حضور شاعرناا المتألق .../ ذعار .../



سلمتـ الأناامل على مانقلت لناا من أبياات ../


بنتظر جديدك .../

[رومانس]

صح لسانـكـ اخووي

ذعار

والله يعطيك العافيه يالغالي

قصيدة جزله من رأس جزل
يعطيك العافية
وناطرين جديدك
رومانس

[روز]

ذعار

صح لسانك ولا هنت

تسلم ايدك اخوى

روز

[النســــــــــر]

يعين الله هو المولى يزيل الضيـق والرجفـه
واذا جاعت شراييني تعشـت مـن مفاريهـا
اخوي ذعار
صح الله لسانك وبيض الله وجهك
ولاهنت على هذه الابيات
استمر