المساعد الشخصي الرقمي

مشاهدة النسخة كاملة : برمج عقلك ((كيف تحدث نفسك)) 1

خـالد
10-23-2007, 04:39 AM
سلسله قراتها باحدي المنتديات واحببت ان تعم الفائده
عذرا لانها بالعاميه المصريه وان كنت لا اظنها صعبه الفهم علينا جميعا

ارجو الفائده للكل

بتكلم نفســك أزاي؟؟؟



هل تعلم.. إننا كلنا نكلم نفسنا؟؟
طبعا لا اقصد نقف امام المراة نكلم نفسنا كما في الرسمةهكذا.. امزح طبعا..
لكن أقصد الحوار اللذي يحصل بينك وبين نفسك وإنت مغلق فمك.. فاهم شيء؟؟

تعالوا ندخل في الموضوع..



لم تأتِ خطيبة "زكي" لزيارته في عمله كالعادة.. وكلمها على الموبايل فوجده مغلقا.. فدارت في ذهنه هذه الأفكار:

لماذا لم تأتِ؟!
أكيد متضايقه مني!
متضايقة ليه؟
أكيد لا تحترمني ولا أمثل لها أي أهمية!
لماذا أغلقت هاتفها؟
لأنها لا تبالي بي ولا تريد أن أكلمها لأنني أسبب لها إزعاجا!
إنها لا تحبني!
أنا لا أمثل لها أية أهمية!
حسنا.. أنا أكرهها ولن أتصل بها!!
وسأتشاجر معها كذلك!!

هل لاحظت تسلسل الأفكار التي جالت بخاطره؟؟
لم يحدث أي حوار فعلي بينه وبين خطيبته لتخبره بسبب تأخرها.. تسلسل أفكاره قاده لافتراضات معينة لا ذنب لها فيها أصلا!!

من الممكن أن تكون قد تأخرت لأنها تحضر له مفاجأة، وهاتفها مغلق لأن بطاريته قد نفدت.. ممكن طبعا!!


ماذا حدث هنا ؟؟؟؟؟
ماحدث شيءاسمه: الحوار الداخلي..

الحوار الداخلي

هو الحوار الذي يدور في ذهن كل منا.. قد نتخيل أننا نكلم شخصا ما ونفترض أنه سيجيب بطريقة معينة قد تؤثر على حكمنا عليه.. أو أننا نجري حوارا بيننا و بين أنفسنا نفترض فيه افتراضات سلبية أو إيجابية.

حكمة:

[عزيزي الزائر يتوجب عليك التسجيل بالمنتدى لمشاهدة الرابط]

احذر الحوار الداخلي السلبي، واحذر تأثيره..

حين نتخيل حوارا مع شخص.. فهذا الحوار الوهمي قد يؤثر في حكمنا عليه فعلا.. لذلك حاول أن تفهم الشخص ذاته ولا تفترض فيه افتراضات مسبقة.. ولا تفترض دائما الأسوأ في أي موقف..

اقرأ معي هذا الخبر الغريب:

رجل يقتل زوجته لأنها رفضت السهر!

خبر مرعب طبعا.. لكن لو دققنا النظر سنجد أن السبب الرئيسي لهذه الجريمة ليس رفض الزوجة السهر.. لكن الحوار الداخلي للزوج (الذي يعاني مشكلة نفسية غالبا) هو السبب الرئيسي لما حدث..

ما الحوار الداخلي السلبي الذي دار في ذهنه مثلا؟

لم لا تسهر معي؟
لأنها لا تحترمني..
ألا تعرف أنني رجل البيت هنا؟؟
ألا تقدر ما أفعله من أجلها؟
تصرفها هذا يعني إهانة لرجولتي..
يجب أن أثأر لكرامتي...

في هذا الحوار السلبي افترض أنها أهانت رجولته فأخرج السكين وطعنها (بما أنه يعاني مشكلة نفسية غالبا).. ربما لم تقصد بهذا إهانة رجولته لكن قصدت بهذا الراحة بعد يوم عمل شاق مثلا!!

احذر الحوار الداخلي السلبي.. تعلم كيف تتوقع الأفضل دائما.. اجعل حوارك الداخلي إيجابيا لا سلبيا كي تعيش سعيدا.. هذا هو مفتاح سعادتك مع الناس..

طيب.. ما الحوار الداخلي الإيجابي بقى؟؟

قل انت.. الدور عليك..

المثالين اللي فاتوا كتبنا مع بعض حوار داخلي سلبي لكل منهما.. اكتب إنت الإيجابي..



لم تأتِ خطيبة "زكي" لزيارته في عمله كالعادة.. وكلمها على الموبايل فوجده مغلقا.. فدارت في ذهنه هذه الأفكار الإيجابية:

حين تأخرت اليوم افتقدتها.. إنني أحبها فعلا..
بالتأكيد تأخرت لأنها تحضر لي خبرا سارا..



أكمل أنت بقية هذا الحوار
لتدرب نفسك على الحوار الداخلي الإيجابي
.....................................
.....................................
.....................................
.....................................
.....................................


رجل عاد للبيت متأخرا فوجد زوجته ترفض السهر..
سيدور في ذهنه هذا الحوار الإيجابي:

لقد أرهقت نفسها اليوم كثيرا من أجلي لأنها تحبني..
لن أجبرها على السهر كي تعرف كم أحبها...


أكمل أنت بقية هذا الحوار
لتدرب نفسك على الحوار الداخلي الإيجابي.............................
.............................
.............................
.............................

مارس هذا التدريب في كل موقف يمر عليك في حياتك.. تعلم كيف تفترض افتراضات إيجابية تفسر أي موقف يمر عليك.. هل تعلم أن (80 %) من أسباب القلق سببها طريقة تفكيرنا السلبية ولا علاقة لها بما يحدث فعلا؟؟

اجعل كلامك مع نفسك إيجابيا ولاحظ الفرق الذي سيصنعه ذلك لحياتك ولنظرتك للأشياء...

وانتظرونا في العدد القادم من برمج عقلك...............
خـالد
10-23-2007, 01:36 PM
عن الحــــــــب وكــــده!


هل متردد في اختيار شريك حياتك ومش عارف هو مناسب ولاّ لأ؟؟؟
هل مشاكلك زادت مع زوجتك وبتحاول تصلح العلاقة؟؟
هل حاسس إن فيه شروخ في علاقتك مع حبيبك؟؟
هل بتحس ساعات إنه مش فاهمك وإنت مش فاهمة؟؟


الحب.. أقوى عاطفة إنسانية على الإطلاق.. مافيش حد يقدر ينكر طبعا..
بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب..!!!!!!!!!!!!!

هل الكلام ده صح؟؟
الإجابة هي: طبعا لأ..
الكلام ده مش صح..


فيه قواعد حطها الباحثين وخبراء العلاقات الإنسانية عشان تنجح أي علاقة.. لكن للأسف احنا ماعندناش أي فكرة عنها.

الدنيا ربيع والجو بديع!!

[عزيزي الزائر يتوجب عليك التسجيل بالمنتدى لمشاهدة الرابط]
فيه حكمة أمريكية شهيرة بتقول:
مافيش أي شيء مؤكد في حياتنا غير: الموت والضرايب!!
وأضاف د." فيل":............. والإحباط!
كتاب: (Relationships Rescue)


الإحباط فعلا شيء مؤكد في حياتنا كلها ولازم نتعامل معاه...
هتحبط في العمل مثلا.. في الدراسة.. في البيت.. في الشارع..
وأكيد أكيد.. هتلاقي إحباط.. في الحب!!

لما بنحب بنلاقي كل حاجة حلوة.. الدنيا ربيع والجو بديع والعصافير بتصوصو حواليك ومافيش أي مشاكل في الحياة.. كله رائع وجميل.. لكن هل الحالة دي بتستمر؟؟

طيب.. عشان نعرف إيه هو الموضوع لازم نتكلم عن مراحل الحب:

المرحلة الأولى: مرحلة الانبهار

في المرحلة دي بتكون العلاقة لسه في أولها.. لسه عارفين بعض والكيوبيد لسه رامي سهمه في قلوبهم.

تتميز المرحلة دي بالتالي:

بتشوف الشخص اللي بتحبه على إنه (كامل) ومافيهوش أي نقص.. ظريف ودمه خفيف وبتبقى سعيد وإنت معاه وكده يعني.. باختصار: بتحس إنه (كامل)..

والمرحلة دي هي اللي أنتجت كل قصائد الحب والأغاني في التاريخ الإنساني.. لأنها -زي ما احنا عارفين كلنا- أروع ما في العلاقات الإنسانية..

شيء مهم جدا: احذر الارتباط في المرحلة دي!

المرحلة التانية: الاكتشاف

هي مرحلة إنكم تعرفوا بعض أكتر..

بمرور الوقت هتكتشف إن الشخص اللي بتحبه مش كامل زي ما كنت فاكر.. هتكتشف فيه عيوب وحاجات ماكنتش تعرفها.. بل وحاجات بتضايقك كمان.

هل ده طبيعي؟؟

الاجابة: طبيعي تماما.. ولما تلاقي ده بيحصل اعرف إنك ماشي صح..
في المرحلة دي بتختفي الصورة المزيفة الي كنت شايفها في مرحلة الانبهار.. هتشوف الشخص ده على طبيعته وفي الوقت ده تقدر تقرر.

كيف نتعامل مع هذه الاختلافات؟؟

فيه جملة مشهورة جدا بيقولها المحبين في المرحلة دي:
احنا عشان بنحب بعض.. هنتغير احنا الاتنين..

هل ده صح؟
الإجابة: الباحثين بيقولوا: غلط طبعا!!

لنجاح أي علاقة، لازم تحترم اختلاف الآخر وماتحاولش تغيره مطلقا..

باكرر: ماتحاولش تغير شريك حياتك.. حاول تتعايش مع الاختلاف وتوضح له اللي بيضايقك.. بس!!

في المرحلة دي تأكد من إنك عرفت الاختلافات اللي في الشخص ده كويس..

واسأل نفسك:
هل لسه باحبه رغم الاختلافات دي؟
هل هاقدر أتعايش مع الاختلافات دي؟؟
هل هيحصل صدام بسبب الاختلافات دي؟؟
هل الصفة دي جزء من هويته وتكوينه؟
طبعا فيه تضحيات في الحب.. لكن ما حدود التضحية؟؟The identity

كل واحد فينا عنده هوية شخصية.. هي اللي بتحسسه بالثقة والإحساس بذاته.. ومن غيرها يفقد تقديره لذاته..
إنت بتنظر لنفسك ازاي؟؟
إنت مين؟
إيه صفاتك؟


كل واحد فينا عنده ثوابته ومبادئه أيا كانت... دينية، اجتماعية، ثقافية..
حاجات ماينفعش تتغير فيه..

واحد ملتزم (هويته): القرب من الله هو طريق السعادة.
واحد متحرر (هويته): لا زم أنبسط قدر الإمكان.. باكره الزعل..
واحد مصلح (هويته): هدفي أصلح البلد..
وكده يعني..

كل واحد له هويته اللي بتحدد نمط حياته..

زي ما قلنا: الاختلاف طبيعي بين أي اتنين بينهم علاقة.. بس أهم حاجة:
الهوية دي ماتكونش متضاربة..


يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر يكمل..

مثال لهويات متضاربة:

واحد متشدد - راقصة باليه!!!
مصري مخلص - إسرائيلية بتكره مصر!!
واحد عايز يصلح المجتمع - واحدة عايزة تعيش حياتها!!
كده يعني..
فهمتم قصدي إيه؟

أي خلافات تانية ممكن تتحل..
يعني مثلا:

واحد بيحب الكورة - هي بتحب الموسيقى..
هو بيحب القراءة قبل النوم - هي بتحب الفرجة على التليفزيون..
هو بيحب المحشي - هي بتحب الريجيم..
كده يعني..

دي حاجات مش في صميم الهوية الشخصية للواحد منهم.. كلها حاجات ممكن يوجد لها حل وسط..
لكن ماتحاولش أبدا تغير الشخص التاني زي ما قلنا.. ماتجبرهاش تحب الكورة مثلا.. ماتجبريهوش يبطل قراءة ويتفرج على التليفزيون..

أي حلول وسط زي:
إنتِ تتفرجي على التليفزيون وهو قاعد جنبك يقرا!! بس كده..
نجاح العلاقة بيعتمد على إن: كل واحد يقبل التاني زي ما هو من غير ما يسعى لتغييره.. وهو ده اللي بيسموه the unconditional love أو الحب غيرالمشروط.

أي خلاف بينك وبين حبيبك لو كان فيه أي حاجة (أيا كانت) ممكن تتعايش معاه.. إلا لو اختلاف في (الهوية)!!
ما أهم قيمة في حياتك؟؟
جميل.. لا تتنازل عنها إذن!!
حافظ على هويتك وماتضحيش بيها واسأل نفسك: لو ماغيرتش هويتي أو هي غيرت هويتها.. هل هتستمر العلاقة؟؟

لو إجابتك هي: نعم..
يبقى ألف مبروك مقدما..
وابقوا اعزمونا على الفرح....


وأنتظروا الحلقة القادمة من (برمج عقلك)
خـالد
10-23-2007, 04:17 PM
حقــــــــــــق هــــــــدفــــــــك (1)!!

هل محدد أهدافك؟
هل تعرف بالضبط ماذا تريد ؟؟؟
هل ماشي في طريقك ولا تحيد عنه يمنه او يسري؟؟؟


مسألة تحقيق الأهداف من المسائل التي كثيرا ماطرحت فيها كلام كتير وتهم كل واحد مننا طبعا..
لهذا احببت ان نتناقش فيها قليلا ..

الموضوع ينقسم لقسمين..
أولا: اكتشاف الأهداف نفسها..
ثانيا: العمل على تحقيقها..

سوف نتحدث عن اكتشاف أهدافك


أولا: اكتشف أهدافك

لا ينفع ان نحقق أهدافنا ونحن لا ندري ما هي أساسا.. لهذا يجب ان نركز في معرفة أهدافنا الأول..


فيه كذا طريقة ممكن بيها نعرف أهدافنا.. سامثل هنا أبسطها..
هذا الموضوع قد ياخذ ااما فلا تتعجل....

في اليوم الأول:

هات ورقة فاضية واكتب فيها كل ماتتمني.. كل أهدافك وأحلامك..
لا تضع أي قيود.. ودع عنك من يقول لك: "احلم على قدك" هذه الجملة يستحقها الناس الفاشلين في حياتهم.. وسوف تحد من قدراتك وتطلعاتك..
ثم انسي الورقة دي النهارده.. كمل يومك عادي وارجع لها يوم تاني..

في اليوم الثاني:

ارجع للورقة واقرا الأهداف اللي كتبتها.. ستجد بهااشياء لاداعي لهااو انك غير مهتم بها تماما.. اشطبها أو عدلها.. اتأمل الورقة شوية ثم اتركها.. ارجع لها فيما بعد!!

في اليوم الثالث:

انظر في ورقة أهدافك.. كلها اشياء لا باس بها اليس كذلك...!!
ابتدي رتب الأهم فالأهم.. رتبها حسب أهميتها ليك ولحياتك.. والغي أياي شيئ لا داعي له ان وجدته..

انظر فيها جيدا.. ثم اتركها وعد اليها فيما بعد!!


في اليوم الرابع:
ارجع لورقتك.. حدد أهم أهداف من التي وضعتها اولا وتحس باهميتها...
خد لك هدفين أو تلاتهابدا بهم... وبعدين اكتب:
1- ما الأسبابالتي جعلت هذا هدفا لك ؟؟؟
2- ما النتائج الرائعة التي ستحصل عليها إذا حققت هذا الهدف؟

اكتب في كل نقطة على الأقل خمسة أسباب.. اكتب عشرة, عشرين لو عايز.. اكتب على قد ما تقدر..

السؤالين دول لما تجاوب فيهم كتير عارف بيعملوا إيه؟

بيزودوا عندك الرغبة في تحقيق الهدف.. لأنهم بيساعدوك على تخيله والتركيز على فوايده في حياتك.. بتبرمج عقلك اللاواعي على أهمية الهدف ده والسعي إليه..
الرغبة الحقيقية دي هي أول خطوة فعلية في تحقيق هدفك..

دي إحدى الطرق البسيطة اللي ممكن تحدد بيها أهدافك.. فيه طرق تانية طبعا هنبقى نقولها (ورانا حاجة؟) لكن خلينا في دي..

في العدد ده عملنا خطوتين مهمين:
تحديد الهدف.
غرس الرغبة في تحقيق الهدف.


العدد الجاي هنتكلم عن خطوات تحقيق الهدف نفسه.. ابقوا قولوا لينا أهدافكم اللي طلعتوها بالتجربة دي عشان ندردش عنها المرة الجاية..

انتظروا العدد القادمـ
massa
10-23-2007, 07:28 PM
خالد

كالعادة تختار المميز

موضوع يتناول الحياة اليومية في تحقيق افضل النتائج بابسط الوسائل

و يتميز بشفافية الطرح

و لكن يصعب علي التخاطب الايجابي مع نفسي عن شخص ابغضه

اما بالنسبة لمراحل الحب عجبتني من البداية للنهاية

تسلم دياتك على النقل الهادف

متابعة

و لي عودة

ماسه
وردة جورى
10-23-2007, 07:31 PM
طرح راقي رائع ومميز

شكراااا لك خالد تسلم يديك
خـالد
10-23-2007, 07:47 PM
خالد

كالعادة تختار المميز

موضوع يتناول الحياة اليومية في تحقيق افضل النتائج بابسط الوسائل

و يتميز بشفافية الطرح

و لكن يصعب علي التخاطب الايجابي مع نفسي عن شخص ابغضه

اما بالنسبة لمراحل الحب عجبتني من البداية للنهاية

تسلم دياتك على النقل الهادف

متابعة

و لي عودة

ماسه


سيدتي الفاضله ماسه
ماطرح بخصوص التفكير الايجابي يخص الشخص الذي نعرفه جيدا ونستريح له
ولكن يحدث مايغيب التواصل سواء البصري او الحياتي ...

لكن من نبغض له علاج اخر واعدك بطرحه!

وجودك هنا اسعدني وقرائتك العميقه اسرت فؤادي

انتظر تواصلك دوما
احتراماتي
خـالد
10-23-2007, 07:49 PM
طرح راقي رائع ومميز

شكراااا لك خالد تسلم يديك

الرقي طبع في تواجدك دوما ورده جوري

شكرا لك حسن تواصلك ومتابعتك الراقيه

احتراماتي
الفــارس
10-23-2007, 08:15 PM
موضوع رائع ومتشابك ومتشعب

اسمح لي بتسجيل حضوري

ولي عودة قريبة بأذن الله

حياك الله خالد
خـالد
10-23-2007, 08:37 PM
موضوع رائع ومتشابك ومتشعب

اسمح لي بتسجيل حضوري

ولي عودة قريبة بأذن الله

حياك الله خالد

الاخ المحترم / الفارس
حياك الله واهلا بك والموضوع لازال فيه مايربو علي 10 فقراات وارجو ان يفيد الكل

هلا والله الفارس بعوداتك
صقــــــــــر
10-23-2007, 08:40 PM
خ ــالد موضوع مميز وراقي بروعة خ ـــالد

ومهم جدا لان له علاقة بالسلوك النفسي للانسان

اسجل حضوري لي عودة باذن الله
روز
10-23-2007, 08:44 PM
الحب.. أقوى عاطفة إنسانية على الإطلاق.. مافيش حد يقدر ينكر طبعا..
بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب..!!!!!!!!!!!!!


الحب اجمل واكبر تضحيه ولكن ليس بمقياس اننا عندما نضحى اكتر يكون الحب اقوى

لان سوف يحين الوقت ويصبح الانسان كاالقنبله الموقوته لانه حمل نفسه اكثر من طاقته

خالد بشكرك جدا على موضوعك الاكثر من رائع

روز
خـالد
10-23-2007, 09:06 PM
الحب.. أقوى عاطفة إنسانية على الإطلاق.. مافيش حد يقدر ينكر طبعا..
بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب..!!!!!!!!!!!!!


الحب اجمل واكبر تضحيه ولكن ليس بمقياس اننا عندما نضحى اكتر يكون الحب اقوى

لان سوف يحين الوقت ويصبح الانسان كاالقنبله الموقوته لانه حمل نفسه اكثر من طاقته

خالد بشكرك جدا على موضوعك الاكثر من رائع

روز



هل الكلام ده صح؟؟
الإجابة هي: طبعا لأ..
الكلام ده مش صح..


فيه قواعد حطها الباحثين وخبراء العلاقات الإنسانية عشان تنجح أي علاقة.. لكن للأسف احنا ماعندناش أي فكرة عنها.


كلامك منطقي جدا جدا روز

والموضوع الذي طرحته يعالج النقطه نفسها تقريبا بتوسع لكن توضيحك شامل ومفيد

كل الشكر غاليتي
دمـ الغربة ــوع
10-24-2007, 02:00 AM
السلام عليكم ورحمة الله وبركاته

اخي خالد

احيك على طرحك

وهذا ليس بجديد بأختيار وتنوع المواضيع

ولي متابعة ورجعة

ومشكووور

تحية طيبة

دمـ الغربة ــوع
خـالد
10-24-2007, 02:48 AM
حقـــــــــــــق هدفــــــــك (2)!!



هل حددت أهدافك في الحلقة الماضيه؟؟ :::00:::
هل عرفت فعلا ماذا تريد ورتبت أهدافك حسب الأهمية؟

تعالَ ندخل في الموضوع::
كيف تحقق هدفك اللي حددته؟؟
في الأول تعالَ نتكلم عن أنواع الأهداف..

أولا: أهداف طويلة المدى:
زي: عايز أكون دكتور – عايز أطلع ضابط – عايز أكون مليونير....
ودي بتاخد وقت كتير عشان تتحقق..

ثانيا: أهداف متوسطة المدى:
عايز آخد الدورة الفلانية – عايز أسافر...
ودي بتاخد وقت أقل شوية عشان تتحقق..

ثالثا: أهداف قصيرة المدى:
زي: عايز أشتري بنطلون - عايز أزور فلان...
وده بيحتاج خطوات بسيطة وممكن يتحقق في فترة قصيرة..


وإليك كيفية تحقيق أهدافك:


1-وضع إطار زمني:

عشان تبتدي تحقق أهدافك لازم تعرف نوعها.. هل هي طويلة أم قصيرة أم متوسطة لوضع إطار زمني لتحقيقها.. ماتسيبيهاش مفتوحة.. حط تاريخ محدد باليوم والشهر لتحقيق الهدف..

2- تقسيم الهدف:


لو كان هدفك طويل المدى قسمه لأهداف قصيرة أو متوسطة.. وحط لكل واحد منها إطار زمني لتحقيقه.. خلّي بالك دي أهم نقطة.. لو ماحددتش وقت معين لتحقيق أهدافك هتطنش عليه خالص وتنساه..


الهدف طويل المدى: أكون دكتور..

يتقسم لأهداف:

متوسطة: أعمل جدول مذاكرة لكل أسبوع - أذاكر وأجيب مجموع لا يقل عن 98 %.
قصيرة: لازم أخلص الفصل الخامس النهارده عشان أراجعه بكره تاني.


3 – أسلوب الخطوة:


ماتسمحش لنفسك تنام بالليل مستريح, لو في اليوم ده مامشتش خطوة (ولو بسيطة) تقربك من هدفك.. كل يوم لازم تكون قربت من هدفك ولو خطوة واحدة..



الهدف: أتعلم فرنساوي..الخطوات:

أسأل عن المراكز اللي بتدرسه (خطوة)
أعرف مكانها (خطوة)
أسأل عن أسعارها (خطوة)
وبكده هتلاقي نفسك بتقرب من هدفك واحدة واحدة لحد ما في النهاية تلاقي إنه اتحقق...
4- التقييم:


بعد ما تمشي في الخطوات السابقة بتاعتك.. بص على النتائج اللي حققتها وقيم نفسك.. هل إنت ماشي لطريقك بمعدل كويس؟ هل ممكن تكون أسرع من كده؟ هل إنت راضي عن أسلوبك؟
هل فيه طريقة أحسن من دي تقربك من الهدف؟

قيم نفسك كل فترة (كل أسبوع مثلا) وشوف إنت عملت إيه وقربت لهدفك قد إيه..
لو راضي عن أدائك: كمل وربنا معاك يا بطل..
لو مش راضي عن أدائك: اعرف الخلل فين بالضبط.. هل عدم التزام منك؟ هل أسلوبك غلط؟ هل فيه طرق أحسن؟ عدل اللي إنت عايزه وارجع تاني كمل مشوارك...
5 – الفعل:

لازم تنفذ كل الخطوات السابقة بالتزام تام.. لازم تعمل مش مجرد إنك تفكر في الخطوات دي وماتعملش بيها.. قرر وإنت قادر إنك تبدأ تحقق حلمك.. لو بدأت فعلا تمشي ناحيته

6– الإيمان:


مافيش حاجة اسمها الظروف.. كل العقبات اللي هتواجهك دي لازم تلاقيها لو إنت ماشي في طريقك صح.. لو مافيش أي عقبات يبقى مش هتحقق أي حاجة... كل ما تقاوم الظروف أكتر, كل ما نجاحك هيكون أروع وأفضل.. وطول ما إنت مع ربنا هينصرك لأنه فوق كل الظروف وكل العقبات.. لو هو معاك هيوصلك لأي هدف لأنه فوق الأسباب...

7- تصرف وكأنك حققت هدفك فعلا:


تخيل دايما نفسك وإنت عايش حلمك.. وعيش الحلم ده فعلا.. حس إنك حققته فعلا واتصرف على هذا الأساس.. تخيل مثلك الأعلى وهو محقق الحلم ده.. وراقبه... بيتكلم ازاي؟ بيفكر ازاي؟ بيتصرف ازاي؟ بيلبس إيه؟ اعمل زيه –من الآن– في كل الحاجات اللي اتقالت دي..

تخيلك ده هو اللي هيبرمج عقلك اللاواعي عشان يوصلك لهدفك اللي إنت بدأت تعيشه فعلا..


وألف مبروك يا شباب على تحقيق أهدافكم..
ونتقابل الحلقة الجاية.... :D
خـالد
10-24-2007, 02:51 AM
خ ــالد موضوع مميز وراقي بروعة خ ـــالد

ومهم جدا لان له علاقة بالسلوك النفسي للانسان

اسجل حضوري لي عودة باذن الله

جميل الروح صقرر رفيق الدرب :)

وجودك يؤكد نظرتي فيك كقلب جميل وروح شفافه

اهلا بك دوما هاهنا ويااااااااارب الكل يستفيد
نهر الشوق
10-24-2007, 11:47 AM
خالد

تعجبني مواضيعك

ويعجبني أسلوبك في سرد المواضيع

وحسن أختيارك .

دمت بود

نـــــــــــــــــــهر الشوووووووق
خـالد
10-24-2007, 01:01 PM
السلام عليكم ورحمة الله وبركاته

اخي خالد

احيك على طرحك

وهذا ليس بجديد بأختيار وتنوع المواضيع

ولي متابعة ورجعة

ومشكووور

تحية طيبة

دمـ الغربة ــوع


السلام عليكم ورحمة الله وبركاته

اختي دموع الغربه

شكرا للتحيه الغاليه

واهلا بك وبعودتك التي تملا المواضيع عبقا وعطرا

واهلا بك دوما

تحيتي واحتراماتي
اخوك
خـالد
10-24-2007, 01:03 PM
خالد

تعجبني مواضيعك

ويعجبني أسلوبك في سرد المواضيع

وحسن أختيارك .

دمت بود

نـــــــــــــــــــهر الشوووووووق

السلام عليكم ورحمة الله وبركاته

الرائع نهر الشوق


اولا عودا احمد لبيتك ومكانك ناعم العود

ثانيا حياك الله يا غالي

ومرحبا بك دوما وللموضوع بقيه

ويسعدني تواجدك واطلاعك عليه اخي المحترم


شكري واحترامي لك
خـالد
10-24-2007, 02:20 PM
أيـــــه نظـــــــامك 1 ;)


سؤال:

عمرك حسيت إن اللي قدامك مش فاهمك كويس؟؟
عمرك لاحظت إنك مش قادر تقنع اللي قدامك بوجهة نظرك؟؟
المشكلة دي بتواجهنا كلنا...

ساعات بتلاحظ إنك بتكلم حد في موضوع وهو مش قادر يوصل للفكرة اللي إنت عايز تقولها.. صح؟

عارف ليه؟

طيب قبل ما نجاوب السؤال ده هنلعب مع بعض لعبة صغيرة!


هاسألك كام سؤال.. أوك؟؟

(أهم حاجة في الموضوع هنا إنك تجاوب الأسئلة دي عشان هتحتاجها بعدين.. ما ينفعش تكمل قراءة من غير ما تجاوب عشان تستفيد من الموضوع ده....يللا قوم هات ورقة وأكتبهم)


فكر في أي صديق ييجي في بالك حالاً... اتكلم عنه في 3 أسطر على الأقل
اوصف المكان اللي إنت قاعد فيه دلوقتي... في 3 أسطر على الأقل
تخيل نفسك بعد 10 سنين من دلوقت في موقف معين.. اوصف الموقف اللي إنت متخيله ده بالتفصيل الممل

.................................................. ......
.................................................. ......
.................................................. ......

.................................................. ......
.................................................. ......
.................................................. ......
.................................................. ......
.................................................. ......
.................................................. ......


خلصت اللعبة؟؟ يلا بقى نعرف إيه الحكاية...

الأنظمة التمثيلية:

مخ الإنسان يا عزيزي عبارة عن أرشيف بيخزن كل المعلومات اللي الواحد مننا بياخدها في حياته, ويسترجعها وقت الحاجة.

اكتشف العلماء إن الأرشيف ده كذا نوع... مش نوع واحد...


وطبقاً للنوع ده بيتقسم الناس لثلاث (أنظمة تمثيلية) رئيسية:

1-شخص بصري

2-شخص سمعــي

3-شخص حسي (شعوري)

يعني إيه الكلام ده؟؟ بص معايا على الجدول ده:

النوع وطريقة عمل المخ

سمات شخصيةالبصر
يبيخزن المعلومات على شكل صور وأشكال.. ذكرياته وتفكيره عبارة عن صور.

بيتذوق الفن التشكيلي - أنيق - سريع الحركة والكلام واتخاذ القرار.

سمعي
بيخزن المعلومات كأصوات - بيفتكر الأصوات والكلام اللي اتقال في موقف ما أكثر من أي حاجة تانية.

يتذوق الموسيقى - يميل إلى العقلانية وتحليل الأمور - غير متسرع.

حسي (شعوري)
بيخزن المعلومات كمشاعر وأحاسيس - ممكن مايفتكرش من موقف ما غير الأحاسيس والمشاعر اللي كانت عنده وقتها

منخفض الصوت - بطيء الكلام - تتخلله فترات صمت - قراراته تتحدد طبقاً لمشاعره - لا يهتم بالمظهر..



راجع إجاباتك اللي فاتت (مش قلت لك مهمة؟) عشان تعرف نظامك التمثيلي:

اتكلم عن صديق جه على بالك:
.................................................. ...
.................................................. ...
.................................................. ...

لو كنت بصري: هتوصف شكله ومظهره.. طويل - قصير - ملامحه...

لو كنت سمعي: هتوصف طريقة كلامه وصوته عالي ولا منخفض وتقيمه تقيم عقلي (تفكيره كويس - لاسع....)

لو كنت شعوري: هتوصف أحاسيسك وشعورك ناحيته.. (مريح- باكره- باحب..)

اوصف المكان اللي إنت قاعد فيه:
...............................................
...............................................
...............................................

لو كنت بصري: هتوصف الديكور والألوان والأشياء اللي حواليك

لو كنت سمعي: هتوصف الأصوات (ضوضاء - هادئ....)

لو كنت شعوري: هتوصف أحاسيسك ومشاعرك (مكان مريح - الكرسي ناشف..)

- تخيل نفسك بعد 10 سنين.

.................................................. ......
.................................................. ......
.................................................. ......

لو كنت بصري: هتوصف شكل المكان أو الناس اللي حواليك.

لو كنت سمعي: هتوصف الأصوات والكلام اللي بيتقال.

لو كنت شعوري: هتوصف مشاعرك في هذه اللحظة..

عرفت بقى نظامك التمثيلي؟؟

أحياناً الإنسان له أكثر من نظام... يعني (سمعي- بصري) أو (شعوري- سمعي) كده يعني.. وممكن تتغير الأنظمة من وقت للتاني ومن سن للتاني...

اسألهم أسئلة من عينة (احكي لي الموقف الفلاني...) ولاحظ هيوصف أشكال ولا أصوات ولا أحاسيس... جرب وأكتب رد .. وياريت تقول لنا عملت إيه....

طيب والكلام ده مفيد في إيه؟؟
عايز تعرف؟؟
يبقى استنانا الحلقة الجاية... إلى اللقاء...
!! قـتيــبه العـراقــي !!
10-24-2007, 03:19 PM
[عزيزي الزائر يتوجب عليك التسجيل بالمنتدى لمشاهدة الرابط] ([عزيزي الزائر يتوجب عليك التسجيل بالمنتدى لمشاهدة الرابط])

** خـــالـــد **

احييك اخي الغالي على الموضوع الرائع .,

التميز عنــوانك دائما هذا ما عرفناه منك ايها الأخ المــحب.,

سأكــون متــابــعــاً لهــذا الموضوع القيــم .,

دمــتــ ابــــــداعـــاً وتمــيز دائم .,

تقــبل مني ارق تحية .,

اخـــوكـ,,,
ناطحات السحاب
10-24-2007, 03:22 PM
[عزيزي الزائر يتوجب عليك التسجيل بالمنتدى لمشاهدة الرابط]

دمتـ متألق ومميز في مواضيعك
خـالد
10-24-2007, 04:11 PM
[عزيزي الزائر يتوجب عليك التسجيل بالمنتدى لمشاهدة الرابط] ([عزيزي الزائر يتوجب عليك التسجيل بالمنتدى لمشاهدة الرابط])

** خـــالـــد **

احييك اخي الغالي على الموضوع الرائع .,

التميز عنــوانك دائما هذا ما عرفناه منك ايها الأخ المــحب.,

سأكــون متــابــعــاً لهــذا الموضوع القيــم .,

دمــتــ ابــــــداعـــاً وتمــيز دائم .,

تقــبل مني ارق تحية .,

اخـــوكـ,,,

السلام عليكم ورحمة الله وبركاته


الاخ المحترم/ قتيبه

من القلب احيي لطف كلمك ولطيف معشرك

جوزيت الخير

ابق دائما بالجوار فلك طيف احبه واستمتع بتواجد صديق مثلك

لاحرمت قتيبه منك
اخوك
خـالد
10-24-2007, 04:44 PM
[عزيزي الزائر يتوجب عليك التسجيل بالمنتدى لمشاهدة الرابط]

دمتـ متألق ومميز في مواضيعك

السلام عليكم ورحمة الله

الاخت الفاضله / ناطحات السحاب

مرور وتعليق يحمل رغم قلة كلماته ما يزيد عما استحق

اهلا بك دوما وارجو ان يروق لك الطرح

اخوك
خـالد
10-25-2007, 06:33 AM
أيــــــــــــــه نظــــامك 2


دلوقتي وبعد ما عرفنا نظامنا التمثيلي ونظام الناس اللي بنتعامل معاهم (راجع الحلقة اللي فاتت) هنستفيد من الكلام ده كله بإيه؟؟


هاقول لك مثال:

لو بتتنافس مع واحد تعرفه حول موضوع معين...

لو شخص بصري:
هتلاقيه يستخدم كلمات(بصرية) زي:
"شايف وجهة نظري؟.. بص للموضوع من الزاوية دي.. شكله كويس..."

لو شخص سمعي:
هتلاقيه يستخدم كلمات (سمعية) زي:
" اسمع.. ركز.. نشاز....."
عارف ليه؟ لأنه (سامع) الفكرة في مخه, وبيحاول يقول لك التحليل المنطقي ليها...

لو شخص شعوري:
هتلاقيه بيستخدم كلمات (شعورية) زي:
"مش مستريح للموضوع ده...."
عارف ليه؟ لأنه (حاسس) بالفكرة, وبيحاول ينقل لك مشاعره ناحيتها....

فهمت بقى الفولة؟؟ :D

يبقى لو عايز تقنع واحد بصري بحاجة: حاول ترسم له الصورة بتاعتها وبتعبيرات بصرية....
لو سمعي: اقنعه بالمنطق وبتعبيرات سمعية...
لو شعوري: اقنعه بالمشاعر والأحاسيس بتعبيرات حسية...
لعبة

تمرين 1:

عاوز تقنع واحد إنه يروح معاك السينما... هتقول له إيه؟...


لو بصري؟............................
............................
............................

لو هو سمعي؟
............................
............................
............................

لو هو شعوري؟
............................
............................
............................

برافو عليك.... أيوه كده....
(راجع جدول الحلقة اللي فاتت) :::00:::

قبل ما نختم الحلقة, تعالوا نتفرج على الأمثلة دي ونحاول نفكر فيها مع بعض:

مثال:

فرغلي:

"مراتي مش بتحبني... اشتريت لها غسالة فول أتوماتيك بدل الغسالة اللى صوتها عالي اللي عندنا وصرفت نص المرتب.... وبرضه مش مبسوطة....".

التفسير:

فرغلي (سمعي) يعتبر الغسالة هدية قيمة, بينما زوجته (شعورية) مش عايزة منه غير وردة أو كلمة حلوة في عيد جوازهم...
كمان مثال:

عنايات:

"جوزي مش طايقني.. كل ما أكلمه يبص الناحية التانية.. سامع كل كلمة باقولها بس مش عايز يبص في وشي".


التفسير:

عنايات (بصرية) تعتبر النظر شيئا مهما للتعبير عن الحب.. وجوزها سمعي بيركز عن طريق ودانه...
كمان مثال:


تامر:

"بصوا يا جدعان أنا مش طايق "ميدو" ده ممل قوي وعلى ما يقول كلمتين على بعض باكون نمت..."

التفسير:

تامر (بصري) بيتكلم بسرعة, وميدو (شعوري) بيتكلم ببطء
(راجع جدول الحلقة اللي فاتت)


الحلقه القادمه نتكلم عن المصافي ;)
اسيرة الحروف
10-25-2007, 08:32 AM
طرح مميز
وتسلسل افكار نعيشها في واقعنا
كل واحد مننا يفكر ودائما يكون التفكير السيء هو السائد
عاشت الايادي
لك مني ارق تحيه
خـالد
10-25-2007, 06:45 PM
طرح مميز
وتسلسل افكار نعيشها في واقعنا
كل واحد مننا يفكر ودائما يكون التفكير السيء هو السائد
عاشت الايادي
لك مني ارق تحيه


السلام عليكم ورحمة الله وبركاته

عشتي ودام عزك وتالق قلمك اختي المحترمه اسيره الحروف


شكرا لك للرد الكريم
دمـ الغربة ــوع
10-26-2007, 12:18 AM
السلام عليكم ورحمة الله وبركاته

اخي خالد

دائما متميز بطرحك واسلوبك

لنقل فكرة الموضوع والانجذاب نحوه

اعترف انت تدرس

علم النفس والاجتماع من ورانا

;)

اما بالنسبة الى لب الموضوع

تعرف نحنو ماهي مشكلتنا

دائما في اي تحليل

نفكر في الاشياء السلبية ونقدمها على الايجابية

ودائما نأخذ الامور من زاوية واحدة

وانا متابعة لسلسلة هذا الموضوع الشيق

ولي رجعة

ومشكووور

تحية طيبة

دمـ الغربة ــوع
خـالد
10-26-2007, 12:41 AM
السلام عليكم ورحمة الله وبركاته

اخي خالد

دائما متميز بطرحك واسلوبك

لنقل فكرة الموضوع والانجذاب نحوه

اعترف انت تدرس

علم النفس والاجتماع من ورانا

;)

اما بالنسبة الى لب الموضوع

تعرف نحنو ماهي مشكلتنا

دائما في اي تحليل

نفكر في الاشياء السلبية ونقدمها على الايجابية

ودائما نأخذ الامور من زاوية واحدة

وانا متابعة لسلسلة هذا الموضوع الشيق

ولي رجعة

ومشكووور

تحية طيبة

دمـ الغربة ــوع

السلام عليكم ورحمة الله وبركاته


الاخت المحترمه دموع الغربه


معك :::00::: خلدون ابن ابن خلدون :o

امزح طبعا

الحقيقه ان من اشق انواع الدراسه دراسه النفس البشريه

اعجبني الموضوع وشدني لاكثر من شهرين اتابعه واقراه

وجدت ان من واجبي ان احاول نقل الفائده للاخوه واللاخوات

بالنسبه لرؤيتك اننا ننظر للسلبيات فقط فهي ما جبلت انفسنا عليه فعلا

لكن بقليل من المراقبه للسلوك ومراجعته

ممكن ان ننتقل من نقد السلبيات فقط

لنري ايجابيات كل منا بدا بانفسنا مرورا بالاخر

دموع الغربه

شكري وامتناني للحرص علي المتابعه


ادعو الله ان نكون مفيدين للغير دوما
أشجان
10-26-2007, 03:53 AM
السلام عليكم ورحمة الله وبركاته
خالد
لم افاجأ بقراءة موضوعك هذا
لاني دائما تعودت منك كل ما هو مميز
طرح جميل وشدني
لكن سؤالي
لماذا تفكيرنا دائما بالخطأ قبل الصواب
ولماذا لا نتعامل بالنية السليمة
اشكرك خالد على طرحك سلمت يمناك
لك تحياتي
nice
10-26-2007, 02:24 PM
بسمـ الله الرحمن الرحيمـ ,,

معلومات × امثلة× تحليل × تمارين ...شاملة وكاملة ومفيدة.

بس المشكلة اللهجة صعبه ومش مفهومة ابدا :( :p

بالعكس كله تمام و استمر بانتظار الحلقة القادمة وتسلم ايدك.
[عزيزي الزائر يتوجب عليك التسجيل بالمنتدى لمشاهدة الرابط]
خـالد
10-26-2007, 10:46 PM
المــصــــــافـــــــي!!




هو: ماحدش بيحبني خالص..!
هو: على فكرة "محمود" مش جدع..!
هي: بقالي أسبوعين مابانامش!

شايف المشاكل دي؟ عارف إيه حلها؟ تعال نقرا الموضوع وهتحلها إنت بنفسك بكل بساطة..

دلوقتي وبعد ما عرفنا إيه هي (أنظمة الناس) في الحلقات اللي فاتت.. هنعرف النهارده حاجة مهمة قوي.. و هي:
المصفاة!!

عارف المصفاة؟؟
أيوه بالضبط.. اللي بتصفي بيها عصير الليمون..


المصفاة دي 3 أنواع:
مصفاة الحذف
مصفاة التعميم
مصفاة التحريف



1ـ مصفاة الحذف:

المصفاة دي بتاخد المعلومات اللي جت لها وتحذف منها شوية.. بتعدي حاجات وماتعديش حاجات..

إنت قاعد دلوقتي أمام جهاز الكمبيوتر بتقرا الموضوع ده ومركز فيه.. وفي نفس الوقت فيه مؤثرات كتيييرة جدا حواليك.. فيه أصوات كتير حواليك صح؟ ركز كده.. لكن إنت ماكنتش منتبه للأصوات دي ومركز في القراءة.. صح؟

أهي المصفاة دي دورها كده.. بتلغي شوية مؤثرات وتسيب غيرها.. المعلومات اللي رايحة في طريقها للمخ المصفاة مش بتسيبها تعدي في حالها.. بتلغي شوية حاجات..


2ـ مصفاة التعميم:

المصفاه دي بقى على العكس.. بتاخد شوية معلومات وتكبرها وتحسسك إن هي دي بس المعلومات الموجودة.. يعني عممت المعلومات دي على التجربة كلها.

فكر في حد إنت مش بتحبه خالص أو مش بتستلطفه مطلقا.. فكرت فيه؟..
اكتب هنا أهم صفاته:(أكتب بجد متطنش)
..................................................
..................................................
..................................................

شفت؟ هو ده بقى التعميم.. كل بني آدم فيه ملايين الصفات الكويسة والوحشة.. لكن إنت عشان مش بتحب الشخص ده, وصفته بصفة سلبية.. رغم إن فيه صفات إيجابية كتير..

مصفاة التعميم خلت الصفة السلبية دي هي اللي تتعمم.. رغم إن أكيد فيه صفات كويسة كتير، المصفاة دي ما خلتهاش تعدي لمخك (الخريطة).

هي: " كل الرجال قاسيين .."
ده مثال تاني للتعميم.. صاحبة الجملة دي أكيد مرت بتجربة مع واحد قاسي, خلتها تعمم الموضوع على كل الرجال.. مع إن ده مش صحيح...
3ـ مصفاة التحريف:

المصفاة دي غير اللي فاتوا خالص.. لأنها ببساطة بتحرف المعلومات اللي رايحة المخ ..

لي واحد صاحبي بيحب واحدة زميلتنا جدا, وهي مش في دماغها أصلا.. وفي يوم من الأيام كانت ماشية قدامنا وقالت: "صباح الخير!".. عادي يعني! صاحبنا ده قال إن ده دليل إنها بتحبه وإنها تعمدت تعدي قدامنا وتقول كده عشان تشوفه!! .. الغريب إنه كان مصدق كده تماما..

السبب في كده: مصفاة التحريف.. خلت الموقف العادي ده يتحرف ويبقى حاجة تانية خالص..

طيب.. أي نوع من دول عندنا؟؟
صح.. التلاتة طبعا.. كل مصفاة في وقتها بطريقة لا إرادية...

التحكم في المصافي:

دلوقتي بعد ما فهمنا أنواع المصافي دي وازاي بتشتغل, نقدر بكل بساطة نتحكم فيها عشان نعيش حياة أسعد..

تعال نشوف المشاكل دي كده:


مشكلة 1:

هو: مراتي رغاية أوي وبتتكلم كتيييييييييير

مشكلة 2:

هي: جوزي عمره ما يحط حاجة في مكانها خالص!!

خدت بالك من المشاكل دي؟؟

فكر كده في الفلاتر اللي استخدمت في كل حالة

المشكلة 1:

الزوج استخدم مصفاة ( التعميم والإلغاء)

ركز في مشكــلة الكلام الكتير لزوجته (تعميم) وتــجاهل حاجات كتــير قـــوي ممكن تكون كويسة فيها (إلغاء).
عارفين الحل إيه؟

يستخدم الإلغاء في موضوع الكلام الكتير ويعمم في أي صفة حلوة عندها..
يركز في إن مراته منظمة مثلا.. في إنها بتحبه.. في إنها بتربي عياله كويس وبتخلي بالها من بيته.. كده يعني..
كل ماتتكلم كتير قدامه يركز كم هي حنونة وجميلة وتحملت معي الكثير.. وبكده هيعدي الموضوع!:D


المشكلة 2:

الزوجة استخدمت مصفاة (التعميم والإلغاء والتحريف).

مصفاة التحريف: يعني معقول عمره ما حط حاجة في مكانها؟؟ ليه يعني؟؟ دايما بيحط الأكل في الدولاب والقمصان في التلاجة مثلا؟؟ عمره ما حط دماغه على المخدة يعني ولا بيحطها على الكومودينو دايما؟؟ أكيد منظم إلى حد ما في بعض الأشياء..

لو شغلت مصفاة (التعميم) في المواقف اللي كان فيها منظم.. هتلاقي إنه مش بشع إلى هذا الحد!!
وبكده على الأقل هتقدّر حجم المشكلة بالضبط وتقدر تتفاهم معاه وتعلمه النظام في الحاجات القليلة اللي هو غير منظم فيها..
ودلوقتي وبعد ما حلينا المشكلتين دول.. ارجع للمشاكل اللي في أول الموضوع هتلاقي نفسك حليتها لوحدك..
;)
بتحكمك في المصافي بتاعتك هتقدر تحب (شريك حياتك- عملك- أهلك أكتر وأكتر) (بتعميم) صفاته الكويسة و(إلغاء) صفاته اللي مش عاجباك.. و(حرّف) زي ما إنت عايز.. بس وإنت بتستخدم المصافي دي اعرف إن الهدف الأساسي هو: إنك تعيش حياة أسعد, بعيدة عن الضغوط...
ورحلة حياة سعيدة..
هو ده بقى موضوع المصافي (علميا اسمها: الفلاتر).

بعد ما المعلومات بتعدي من المصافي دي, بتروح على المخ.. اللي هو الخريطة..

إيه هي الخريطة دي؟؟

هو ده اللي هنتكلم عنه في الحلقة الجاية
52على بابا
10-27-2007, 12:02 AM
حبيبى الغالى
خالد
ايه الجمال ده
ايه الحلاوة دى
ايه التميز ده
حتى فى الاختيار متميز
ربنا يخليك لينا
وما يحرمنا من ابداعك وتألقك
واسمحلى اناقشاك فى نهاية البرنامج
تقبل حبى وتقديرى واحترامى لك ولقلمك
ولافكارك ولتميزك ولابداعك
حبيبى خالد
على بابا
خـالد
10-27-2007, 12:04 AM
السلام عليكم ورحمة الله وبركاته
خالد
لكن سؤالي
لماذا تفكيرنا دائما بالخطأ قبل الصواب
ولماذا لا نتعامل بالنية السليمة
اشكرك خالد على طرحك سلمت يمناك
لك تحياتي


نفكر دوما بالخطأ قبل الصواب
لاننا تعودنا دوما ان نكون سلبيين
لم لانجرب ان نفكر بايجابيه وسنجد الحل
اشجان انتظر دوما تواجدك القوي وتعليقاتك المفيده

اعز الاخوات ليدم طهر روحك

اخوك
الحالمه
10-27-2007, 06:52 AM
رائع خالد

تحياتي لك قرات الموضوع باكمله

وبصراحه لو بدات ارد على كل فقراته

ساكتب كثيرا

لكن لايسعني الا تقديم شكري لك لروعة الموضوع

[عزيزي الزائر يتوجب عليك التسجيل بالمنتدى لمشاهدة الرابط] ([عزيزي الزائر يتوجب عليك التسجيل بالمنتدى لمشاهدة الرابط])

وسانتظر الحلقه الجايه بكل الشوق
خـالد
10-28-2007, 12:56 AM
حبيبى الغالى
خالد
اسمحلى اناقشاك فى نهاية البرنامج
حبيبى خالد
على بابا
المحترم علي بابا فخر بلدي وعزي

ورب الكون لو بحثت في كافه ارجاء البسيطه عن الصدق والاخوه في كلمات لن تكون اوضح من هنا

انا انتظر عودااتك واطلالاتك الكريمه ذات الطبيعه السمحه والمنطلقه

اخي انتظرك
خـالد
10-28-2007, 12:59 AM
السلام عليكم ورحمة الله وبركاته
الاخت المحترمه الحالمه

وجودك بالموضوع يزيدني ثقه بان القلم الواعي ذو المشاعر الحيه شرف وعز لي ان خط هاهنا اعجابا بافكار تعين الجميع علي التعامل السليم كما ارجو مع كافه علاقااتنا


اشكر لك مرورك الراقي وساكون بانتظار مناقشاتك الواعيه
خـالد
10-28-2007, 01:08 AM
الخــــريـــطـــة!!



النهاردة هنتكلم عن موضوع مهم قوي في حلقتين..
حلقة النهارده هي: خريطتنا
والحلقة الجاية: خريطة الناس التانية

مش فاهم حاجة؟ ولا يهمك.. تعال نخش في الموضوع...



هاحكي ليك قصة صغيرة:

مرة واحد كان مسافر (شرم الشيخ) بالسيارة.. وعشان الطريق طويل أخد معاه خريطة... الراجل فضل ماشي ماشي ماشي.. وكل مرة بيضل طريقه ومش عارف يوصل..

عارف طلع السبب إيه؟
طلع ماسك خريطة (الإسكندرية) مش (شرم الشيخ)!!


الراجل وقف وطلع خريطة تانية واتأكد إنها خريطة (شرم الشيخ).. وفضل ماشي ماشي ماشي.. وبرضه تاه..

عارف طلع السبب إيه؟
طلعت خريطة قديمة, والطريق حصل فيه تغييرات وتجديدات كتير!!


الراجل وقف وأخرج خريطة جديدة اتأكد إنها خريطة (شرم الشيخ) وبتاريخ السنة دي.. وفضل ماشي ماشي ماشي.. تخيلوا حصل إيه؟؟ برضه تاه...

طلع السبب إيه؟؟
كان ماسك الخريطة بالمقلوب!!!



عايز أقول إيه؟؟

عايز أقول إن عشان ماتضلش طريقك, لازم تكون معاك الخريطة الصحيحة..

لكن.. إيه هي الخريطة دي؟؟

الخريطة دي عبارة عن مجموعة الخبرات اللي الواحد خدها في حياته كلها.. واللي بتخليه شايف العالم بطريقة مختلفة عن غيره..

هاسألك سؤالين هيوضحوا ليك الموضوع:

السؤال الأول: دبلة الخطوبة.. بتمثل لك إيه؟؟
السؤال الثاني: دكتور الأسنان.. بيمثل لك إيه؟؟


في حالة زي دي إجابتك محكومة بالخريطة اللي عندك.. اللي هي خبراتك وتجاربك..


في السؤال الأول:
لو عايز تخطب حد أو مررت بخطوبة سعيدة, هتمثل لك: الفرحة والسعادة..
لكن لو كنت مررت بأزمة عاطفية مثلا, هتمثل لك: الألم والحزن.. يعني العكس تماما..


في السؤال الثاني:

لو في طفولتك دكتور الأسنان كان لطيف, أو حد بتحبه دكتور أسنان, هيمثل لك: الطمأنينة والارتياح..
لو مريت بتجربة سيئة أو والديك كانوا بيهددوك بدكتور الأسنان, هيمثل لك: الألم والخوف...

نفهم من كده إن تجربتك الشخصية (خريطتك) حكمت نظرتك للعالم وللأشياء... وكل واحد أكيد عنده تجارب (خريطة) غير التاني... فالإجابة مش هتكون واحدة عندنا كلنا.... يبقى ببساطة: الخريطة بتاعتك مش شرط تكون صح.
قاعدة مهمة

الخريطة ليست صحيحة دائما!!

يعني لا تثق إطلاقا في الخريطة اللي عندك.. واسأل نفسك دايما: هل هي خريطة صحيحة فعلا؟؟ هل تصلح للزمن ده؟؟ هل تأكدت إنك قمت بتحديثها؟؟ هل بتتوافق مع خرائط الناس التانية؟؟

الخرائط دي اتكونت عن طريق تجاربنا والمعلومات اللي حصلنا عليها طول سنين حياتنا... عن طريق:

الوالدين والأسرة
المدرسة والجامعة
المجتمع المحيط
وسائل الإعلام

لكن للأسف لا يجب الثقة في هذه الخرائط لمجرد إنها الخرائط بتاعتنا ولمجرد إننا اتعودنا عليها.. مش كده؟


يعني لو الواحد كبر لقى أبوه وأمه بيدخنوا... غالبا هيكون مدخن...
لو اتربى على عادات غذائية سيئة....... غالبا هيفضل يمارسها...لو اتضرب في المدرسة بقسوة.... ممكن يمارس نفس الأسلوب مع أولاده...


فدايما اسأل نفسك.. هل الخرائط دي صحيحة؟؟؟
هل عشان اتعودنا عليها والناس حوالينا برضه.. تبقى صح؟؟

مافيش حد بيعتبر نفسه غلط.. لكن الخريطة بتاعته هي اللي غلط وهو ماشي عليها..



القاتل.. خريطته: أنا ريحت العالم منه.. أنا عملت خير!!
الحشاش.. خريطته: ده نبات طبي.. تاخد نفس يا كابتن؟؟
الحرامي.. خريطته: أنا باسرق عشان أحوش قرشين ينفعوني!!


وطبعا واضح إن كل الخرائط اللي فاتت غلط تماما ومش صحيحة خالص.. مش هتلاقي حد بيقول: "أنا عملت الجريمة عشان أنا شرير..".. هو ماشي بخريطته وفاكر إنها صح, لكن هي غلط زي ما شفنا..

عرفت بقى إن مهم قوي نراجع خرائطنا؟؟

راجع خريطتك أول بأول.. وقارنها بخرائط الناس اللي إنت شايف إنهم أحكم وأكبر منك.. قارنها بخريطة قدوتك..


راجعها من وقت للتاني عشان تتأكد إنك مش ماسك الخريطة بالمقلوب....
إتأكد دايما إنك ماسك الخريطة الصح بالتاريخ الصح وبالوضع الصح..
ورحلة حياة سعيدة.


وإلى اللقاء في الحلقة القادمة: خرائط الناس التانية!!!
وردة شامية
10-28-2007, 12:23 PM
اخي خالد
قيم جدا الموضوع الذي عرضته
ولكن اخي طول الموضوع شتت افكاري لم اعد استطيع التركيز
وكان ندك خطوط عريضة كنت استغليتها لتقسم هذا الموضوع الى مواضيع عدة كنا تناولنا النقاش بكل موضوع على حدى ووصلنا الى فائدة اكبر

بتكلم نفســك أزاي؟؟؟
عن الحــــــــب وكــــده!
حقــــــــــــق هــــــــدفــــــــك (1)!!
العناوين السابقة هي الخطوط العريضة لموضوعك ولو كان كل منها موضوع مستقل كان النقاش اسهل والمحاورة اجمل
مع هذا نحن دائما معك لم نتعود الا على كل شئ مفيد وقيم بارك الله فيك
خـالد
10-28-2007, 05:00 PM
شكري واحترامي لرؤياك الدقيقه والتي تدل علي مخزونك الثقافي والفكري الراقي اختي وردة شاميه

الموضوع انا اعتقد واوافقك الراي انه يستحق اكثر من طرح واحد ولكـــن رايت ان اجعله مرجعا واحدا كطرح متوالي ثم اعود الي مناقشته مع الاخوه والاخوات الافاضل كنقاط حسب ما ترون

تقدير واحترام لمرورك الذكي
سلمت وغنمت اختاه
اخوك
خـالد
10-29-2007, 06:08 PM
خـرائـط النــاس التــانـيـة


سؤال:

عمرك اختلفت مع حد في موضوع معين، وحسيت إنك إنت اللي صح وإن هو غلط؟؟
شايف الناس مش مقتنعة بأفكارك وحاسس إن معظمهم مابيفهموش؟؟
طبعا الأمثلة كتير عندنا كلنا..

هاحكي ليك حكاية قديمة قوي..

مرة ثلاثة عميان دخلوا أوضه فيها فيل.. وطبعا عشان مش شايفين, قعدوا يحسسوا على الفيل.. واحد مسك الخرطوم, التاني مسك الديل والتالت قعد يحسس على رجله...

وجه واحد سألهم: إيه هو الفيل؟؟

الأول قال: الفيل ده يشبه الثعبان بالضبط..
الثاني قال: لأ.. الفيل عبارة عن مقشة..

الثالث قال: ده كلام فارغ.. الفيل عبارة عن أربع عواميد..


خلصت القصة..!!
قبل ما تسخر من العميان دول وتستخف بسذاجتهم..

اسمح لي أسألك سؤالين:

إيه رأيك في مطربك المفضل؟؟
اكتب الإجابة بالتفصيل

طيب.. تخيل لو سألنا جدتك عن رأيها في نفس المطرب.. هتكون الإجابة إيه؟
بالتفصيل؟

هنا غالبا هيحصل خلاف في وجهات النظر.. إنت معجب بمطربك وجدتك رأيها غير كده خالص..

يا ترى ليه الخلاف ده حصل؟؟ ومين فينا اللي صح؟؟
بعد ما عرفنا في الحلقة اللي فاتت إن (الخريطة ليست صحيحة دائما!) وإن كل واحد مننا له خريطة مختلفة عن التاني تماما.. ممكن إنت نفسك تفسر الخلاف اللي حصل بينك وبين جدتك في موضوع مطربك المفضل..

كل واحد عنده خريطة غير التاني!

الخريطة بتاعتك:
المطرب ده أنا باحبه من أول ما ابتديت أسمع مزيكا أساسا.. وهو مطرب ناجح وجميل!!

الخريطة بتاعة جدتك:
في شبابي كنت باحب مطرب من أول ما ابتديت أسمع مزيكا أساسا.. وكان ناجح وجميل.. لكن بتوع اليومين دول مش زيه خالص!!!

أقول لك حاجه؟ لما تكبر في السن هتفضل تحب المطرب ده لأنه بيفكرك بأيام الشباب.. ولو حفيدك سمّعك مطربه المفضل, عارف رأيك فيه هيكون إيه؟ هيكون:زي رأي جدتك في مطربك المفضل


نتعلم من كده إيه؟ نتعلم من كده قاعدة مهمة جدا, وهي:

قاعدة مهمة

يجب احترام خرايط الناس التانية..

لا تفترض إن خريطتك هي اللي صح وإن خرايط الناس التانية هي اللي غلط.. ماتعملش زي العميان اللي في أول المقالة.. احترم خرايط الناس التانية وحاول تعرفها.. عشان تقدر تشوف الفيل كله على حقيقته..

ونتقابل الحلقه الجايه ان شاء الله
@صادق الود@
10-31-2007, 07:47 AM
الغالي خالد

ربي يعطيك العافيه على الحلقات المفيده وأسفه على التاخير

لكن عندي تعليق على أول حلقه من مسلسلك الرائع

ألا وهو

إذا كنا سنفكر ونعتقد في معظم الامور انها ايجابيه

ونتخيل كل شيء على ما يرام سنواجه اكبر كم من الصدمات اليوميه

يجب أن نتوقع الاسواء فأذا كان الامر اقل سوء أو على ما يرام

فلن نتفاجئ أو ننصدم بالواقع لأننا قدمنا للعقل الأشياء المحتمله

سواء بالأفكار الايجابيه أو السلبيه ..


الغالي خالد


تسلم يدك على الموضوع وأنا متابعه عن كثب موضوعك الشيق


من قلب صادق بالود لك كل الحب والود


دمت بالف ود

..................
راحـــــل
10-31-2007, 03:34 PM
اخى خالد

ابداع اخر منك

موضوع قيم جدااااا

سلمت يداك
خـالد
11-01-2007, 04:05 PM
بالهيروغليفي!!



موضوع الحلقة زي ما قريتم بالضبط.. بالهيروغليفي..



سؤال:

عمرك اتكلمت مع واحد لفترة قليلة، وحسيت إنك استمتعت جدا بالكلام معاه؟
هل فيه ناس معينين بتحب تتكلم معاهم وناس تانيه لأ؟
فيه ناس كتير اتكلموا عن (أساليب الاتصال) وازاي إنك ممكن تجذب اللي قدامك وتنال احترامه باتباع قواعد معينة للحوار.. واتكتب في الموضوع ده حاجات كتيرة هنتناولها في الباب ده..


لكن في الحلقة دي بالذات هانسمع من بعض أجدادي الفراعنة قالوا لنا إيه ونصحونا بإيه؟

الفضيلة الأولى: الصمت!!

لما تقعد مع مجموعة من الناس بيتكلموا، هتلاحظ حاجة غريبة قوي.. هتلاحظ إن كل واحد بيميل إنه يتكلم عن نفسه وتجاربه الشخصية أكتر من أي حاجة تانية..

مثال:

الأول: اكتشفت محل سمك هايل جدا.. عجبني أكله قوي..
الثاني: أنا برضه باحب السمك جدا.. لما رحت إسكندرية ماكلتش غير سمك..
الثالث: تصدقوا بقى إن أنا ماباحبش السمك؟ بيجيبلي حساسية..

مثال:

الأول: شفت حلقة امبارح من المسلسل العربي؟ عجبتني قوي..
الثاني: أنا ليّ واحد صاحبي يشبه بطل المسلسل..
الثالث: أيوه فعلا.. أنا عارفه..

لاحظت الموضوع ده؟؟
راقب أصدقاءك وهم بيتكلموا أو أي مجموعة ناس في أي حتة.. هتكتشف فعلا إن أكتر حاجة الناس بتحب تتكلم عنها هي: نفسهم وتجاربهم..

وعشان تنال حب اللي قدامك وتقديره لازم ماتقعش في مصيدة الكلام عن نفسك، واكسب ود اللي قدامك وخليه يتكلم عن نفسه براحته..

أكتر حاجة الناس بتحبها إنها تلاقي حد يستمع لهم باهتمام وهم بيتكلموا.. وبيحبوا ويقدروا الشخص ده جدا، حتى لو ماتكلمش أساسا..
فخليك إنت الشخص ده..

إذا كنت بين جماعة من الناس، فاجعل حب الناس هدفك.... فيحسن ذكرك، دون أن تتكلم!
حكم "كامجني" و"بتاح حتب"

يعني المقياس في التواصل مش هو الكلام الكتير ومقاطعة اللي قدامك والكلام عمال على بطال عن إنجازاتك وعظمتك وتجاربك.. بكده التواصل ممكن يكون سلبي..

لا تكثر في الكلام فالصمت خير لك فلا تتحدث ولا تكن ثرثارا.
حكم "كامجني" و"بتاح حتب"


الصمت والاستماع مهم جدا في عملك لو كنت بتتعامل بشكل مباشر مع مشاكل الناس..

هاقول لك مثال:

المريض: يا دكتور لما باصحى الصبح بالاقي عندي صداع وباحس كده إني...
الطبيب: خد الدوا ده 3 مرات في اليوم..
المريض: لكن يا دكتور أنا باحس كمان إن عندي غممان نفس وكمان...
الطبيب: أيوه خد الدوا ده... اللي بعده يا "عويس"!

مثال:

العميل: ألو... لو سمحت الخط عندي فيه مشاكل، منها إن....
موظف خدمة العملاء: أيوه يا افندم هنحل المشكلة دي حالا.
العميل: أيوه بس فيه مشكلة كمان هي إن..
موظف خدمة العملاء: ماتقلقش يا افندم هاحل كل المشاكل، شكرا لاتصالك!


تلاحظ إيه هنا؟
هل المريض حاسس إنه تلقى علاج كويس؟
هيطلع من العيادة يذم في الدكتور ده طبعا ومش هيروح له تاني!
وهل العميل مبسوط؟
لا طبعا.. حتى لو اتحلت المشكلة هيفضل عنده إحساس سلبي ناحية الشركة دي!

مع إن ممكن قوي إن الدكتور عرف المشكلة بتفاصيلها من التحاليل والأشعات مثلا، وموظف خدمة العملاء عرف المشكلة من البيانات اللي عنده.. وحلوا المشكلة بصورة ممتازة.

لكن حل المشكلة مش هو كل حاجة زي ما شفنا.. المهم هو الاستماع الفعال.

الفراعنة رأيهم إيه بقى؟
في نصائح "كامجني" و"بتاح حتب" للقضاة هنلاقي:

"اجعله يسترسل في كلامه على سجيته حتى تقضي حاجته التي أتى من أجلها إليك. فإنه إن تردد في أن يفضي لك بما في قلبه قيل: إن القاضي يظلم من لا يستطيع رد الظلم عن نفسه. لكن القلب الحاني العطوف، يستمع ويصغي عن رغبة."

طيب.. لو إنت بقى في حوار سلبي مع واحد... يعني قاعد يغلط ويلخبط في الكلام وقاعد بيخبط فيك.. يبقى إيه الحل؟

فيه تجارب أثبتت إن:

لو حد كلمك بصوت منخفض.. هترد عليه بصوت منخفض!.
لو حد كلمك بصوت عالي.. هترد عليه بصوت عالي!

ليه بقى؟
الاتصال بين اتنين بيبقى زي سلكين متوصلين بينك وبينه.. سلك بيرسل بيه رسايله ليك، وسلك بترسل إنت بيه رسايلك ليه..

لو حصل والفولت بقى عالي في السلك بتاعه وابتدا يوصل لك طاقة سلبية (زعيق وشتيمة مثلا)، بطريقة أوتوماتيكية هتلاقي إن الفولت بقى عالي في السلك بتاعك إنت كمان، وهترد بنفس الطريقة..

ويفضل يعلّي في الفولت، وإنت تعلّي في الفولت..... لحد ما يحصل ماس كهربائي وتنفجروا في بعض، وممكن تخسروا بعض.!

سؤال:

يبقى الحل إيه في الحالة دي؟
هل الحل هنا إنك تعلي الفولت بتاعك؟
لأ طبعا.. ليه؟
لأنه هيعلي الفولت بتاعه هو كمان زي ما عرفنا.
يبقى لو علا الفولت بتاعه.. الحل إيه؟

الحل ببساطة:

اسحب السلك بتاعك وماترسلش ليه أي رسائل خالص..
بكده الفولت هينخفض ويخلص الموضوع!

اصمت تماما وماتستمعش لأي رسائل سلبية بيرسلها الطرف التاني.. لأن الفولت لما بيعلا في ساعة الغضب بيبقى الكلام مش مقصود خالص، فما تردش عشان ماتعليش الفولت وتغلط إنت كمان.

لا تردد كلاما قيل في ساعة غضب ولا تصغ إليه، لأنه خرج من بدن أحمته ثورة الغضب. وإذا أعيد هذا الكلام عليك فلا تستمع إليه، بل انظر في الأرض ولا تتكلم في شأنه، فيخجل من هو أمامك ويعرف

الحكمة.
حكم "كامجني" و"بتاح حتب"

شفت لما تسكت يحصل إيه؟ هيتكسف ويسكت هو كمان..
ممكن واحد حمقي شوية يطلع يقول لي:

- يعني أسكت له؟؟ لازم أأدبه!!:::02:::

نرد على أخينا الحمقي ده ونقول ببساطة:

الحل برضه إنك تسكت وماتردش عليه.. يعني لو بصيت له بثقة ولغة جسمك كان فيها ثقة (هنتكلم بالتفصيل الممل عن لغة الجسد) وفضلت ساكت وسبته ومشيت، هيقلق منك ألف مرة أكتر من لو رديت عليه وقعدت تجعجع.. وممكن ييجي يعتذر لك بعدها..

إن التمساح الصامت يحدث الفزع في النفوس.
من تعاليم "أمنوبي"



حاجة كمان من فضائل الصمت أثناء أي حوار.. وهي إنك تفهم اللي قدامك بيفكر ازاي وتقدر تتعامل معاه على هذا الأساس، وتتواصل معاه بصورة أفضل.. وعلى هذا الأساس هتتصرف معاه لأنك عرفت طريقة تفكيره وهو ماعرفش لسه إنت بتفكر ازاي..

مثال:

المدير بتاعك: شفت ماتش الأهلي والزمالك امبارح؟؟ كان ماتش غريب..
انت: فعلا يا افندم .. الزمالك يستاهل اللي جراله..
المدير: يستاهل اللي جراله؟؟ أنا زملكاوي يا ولد.. روح إنت مرفود!!طيب لو سكت وسمعت شوية إيه اللي هيحصل؟؟
المدير (بتاعك): شفت ماتش الأهلي والزمالك امبارح؟؟ كان ماتش غريب..

إنت: (ابتسامة وهزة رأس)

المدير: الزمالك اتغلب رغم إنه لعب كويس.. أنا زعلت قوي..
إنت (بعد ما فهمت): يلاّ معلش يا افندم .. هي الكورة كده!

عرفت بقى الاستماع الفعال عمل فيك إيه قبل ما تتسرع وتصدر أحكام؟

لا تتآمر ضد زميلك في المحاورة،
بل انظر ماذا يفعل،
ومن جوابه سوف تفهم.
وكن هادئا، وعندئذ تأتي معرفتك
ودعه حتى يفرغ ما في قرارة نفسه...
إنك لا تعرف تدابير الله ولا ما يأتي به الغد
فاجلس بين يدي الله.
من تعاليم "أمنوبي"

ونعم بالله يا عم "أمنوبي".. قول كمان..

عرفت بقى؟ كمان يا عزيزي لو سكت وفضلت تسمعه هتعرف (النظام التمثيلي) بتاعه بالتفصيل!! وطبعا ده هيفيدك جدا..

فاكرين إيه هو (النظام التمثيلي) أصلا؟:::01:::
برافو... الناس الجداد ممكن يراجعوا أول حلقتين من السلسلة دي (برمج عقلك) عشان يعرفوا...:)
سؤال:

هل معنى كده إننا نفضل ساكتين على طول الخط ومانتكلمش؟؟
لا طبعا... الكلام ده موضوع تاني خالص...


هنقوله الحلقة الجاية.. فابقوا معنا!!
خـالد
11-02-2007, 06:24 AM
الغالي خالد

ربي يعطيك العافيه على الحلقات المفيده وأسفه على التاخير

لكن عندي تعليق على أول حلقه من مسلسلك الرائع

ألا وهو

إذا كنا سنفكر ونعتقد في معظم الامور انها ايجابيه

ونتخيل كل شيء على ما يرام سنواجه اكبر كم من الصدمات اليوميه

يجب أن نتوقع الاسواء فأذا كان الامر اقل سوء أو على ما يرام

فلن نتفاجئ أو ننصدم بالواقع لأننا قدمنا للعقل الأشياء المحتمله

سواء بالأفكار الايجابيه أو السلبيه ..


الغالي خالد


تسلم يدك على الموضوع وأنا متابعه عن كثب موضوعك الشيق


من قلب صادق بالود لك كل الحب والود


دمت بالف ود

..................

اختي الغاليه /صااادق الود

تناقشنا في نقطه واحده

اطمع جدا باستفزاز عقلك الواعي لمزيد من ثراء الفكــــــــر


صادق الود من كل قلبي اقول


لا حرمت منك اختاه
خـالد
11-02-2007, 09:36 AM
اخى خالد

ابداع اخر منك

موضوع قيم جدااااا

سلمت يداك

السلام عليكم ورحمة الله وبركاته
الغالي راحل

اعتزبمرورك جدا جدا وانتظر اطلاله طيفك الراقي دوما
دم بكل الحب
Black Skull
11-02-2007, 10:43 PM
مشكور اخي المحترم خالد

جهدك متعوب عليه

تحياتي
مجبور انا اعيش
11-03-2007, 12:08 AM
السلام عليكم ورحمة الله وبركته
خالد الموضوع مره مره جميل انت مميز مثل موضيعك
بس في الموضوع فيه بعض الكلامااات مفهمته في الهجه المصريه
بس مشكوررر على الدا الرئع
.................................................. ..
تقبل مرررررررررررروري
خـالد
11-03-2007, 01:31 PM
مشكور اخي المحترم خالد

جهدك متعوب عليه

تحياتي


السلام عليكم

شكررا لطيب المرور الاخ الفاضل

نرجو ان نكون دوما مفيدين وان نتمتع بابداعاتكم اخواني
خـالد
05-22-2008, 12:47 PM
شكرا مجبور للرد واعدك ان الخص الموضوع باللغه الفصحي عن قريب ان شاء الله

خ ــالد