خـالد
12-10-2007, 05:21 PM
صورتك الذاتية...هي المراية اللي بتشوف فيها نفسك ..
صورتك اللي في خيالك..
خريطتك الداخلية عن نفسك..
الخريطة اللي بتحركك لا شعوريا..واللي للأسف ناس كتير مايعرفوش انها موجودة أساسا.. لأنه مافكرش يتأمل جوه نفسه شوية..
للأسف ناس كتير بيقضوا وقت أكبر في انهم يتعلموا ازاي يشغلوا جهاز ريسيفر.. أو موبايل.. من أنهم يتعلموا ازاي عقلهم بيشتغل..
مافيش حد فينا ماقابلش قبل كده حد شكله كويس.. و هو متخيل نفسه دميم.. متخيل نفسه تخين زيادة عن اللزوم.. أو رفيع زيادة عن اللزوم... أو متخيل نفسه صغير في السن.. أو متخيل نفسه عجوز..
اذا كنت فعلا مقتنع انك شكلك يقطع الخميرة م البيت..
فتأكد انك هاتبذل قصارى جهدك لمنع الخميرة من دخول بيتكم نهائيا..
مش هاتبذل أي مجهود لأنك تحسن من صورتك قدام الناس..
و في النهاية..
النتيجة ان الفكرة اللي هاتاخدها عنك الناس انك فعلا شخص مبهدل و منعكش..
و بالتالي ده بيؤكد الصورة الذاتية بتاعتك.. و تكتمل الحلقة.. و هكذا دواليك..
الدراسات أثبتت ان عدد كبير جدا من الناس اللي بيفوزوا فجأة بمبالغ كبيرة من المال..:gold: عن طريق مسابقة .. أو واحد عمته اللي في البرازيل ماتت وورثها ..
عادة بيصرفوا الفلوس دي بسرعة. ويرجعوا ع الحميد المجيد تاني.. و كأن شيئا لم يكن..
حتى الناس اللي بيشتغلوا و يتعبوا في الفلوس و بيكسبوا مبالغ كبيرة..
عادة بيصرفوها كلها لو معتقدين ان اللي بيكسبوه أكبر بكتير من اللي يستحقوه..
مابيبقوش مستريحين و هم حاسين ان معاهم فلوس زيادة هما مايستحقوهاش..
كأن الفلوس بتاكلهم زي مابيقولوا.. عشان كده تلاقيهم بيصرفوها.. أو بيتبرعوا بيها.. او حتى يرموها في الشارع..
عشان كده.. الحرامي.. بيفضل يسرق طول عمره.. لأن مهما كانت المبالغ اللي بيسرقها.. بيبقى حاسس من جواه انه مايستحقهاش.. فبيصرفها كلها.. و يرجع يسرق تاني.. و هكذا دواليك..
الشخص اللي بيتشهر مرة واحدة.. أو فجأة تظهر له فرصة للعمل في وظيفة كبيرة على غير العادة.. براتب ماكانش يحلم بيه.. ناس كتير منهم من اللي بيعانوا من صورة ذاتية محدودة.. بتجذبهم الصورة دي الى الأرض مهما طلعوا لفوق..
حالة نفسية.. اسمها "الهبوط من الجنة"..
عارفين قصة سيدنا آدم؟؟
كان في الجنة.. يعني عنده كل حاجة ممكن يحلم بيها.. مافيش حاجة ناقصاه..
لكن الشيطان فضل يوسوسله بحيث يحسسه بالنقص.."شجرة الخلد".... ان فيه حاجة ناقصاه.. و الحاجة دي هايلاقيها في الشجرة المحرمة..
الشيطان غير الصورة الذاتية اللي عند سيدنا آدم. من أنه من أهل الجنة.. و مافيش حاجة ناقصاه.. الى أنه عنده نقص هاتكمله الشجرة المحرمة.. فبالتالي مابقاش حاسس انه من أهل الجنة.. فكانت النتيجة النهائية ايه؟؟..
{قُلْنَا اهْبِطُواْ مِنْهَا جَمِيعاً فَإِمَّا يَأْتِيَنَّكُم مِّنِّي هُدًى
فَمَن تَبِعَ هُدَايَ فَلاَ خَوْفٌ عَلَيْهِمْ وَلاَ هُمْ يَحْزَنُونَ}
البقرة 38
كمان..الصورة اللي بتشوف بيها نفسك.. بتؤثر بشكل قوي جدا على الصورة اللي الناس بيشوفوك بيها..
لأن الإنسان في حالة تواصل مستمر مع الناس سواء بالكلمة.. أو بالحركة..أو حتى بالنظرة.. و 90% من الرسائل اللي بيبثها الإنسان للناس حواليه هي رسائل لا شعورية.. احنا مش واعيين ليها و احنا بنرسلها للناس..
و الناس بالتالي بتستجيب للرسائل دي سواء كانت عن طريق ايماءات الجسم.. أو نغمة الصوت.. أو الأحاسيس اللي بتبثها في الجو حواليك باستمرار.. كل انسان فينا محطة اذاعية شغالة ع الهوا 24 ساعة..
كلمة "آسف ماكنتش اقصد".. كلمة بنسمعها كتير.. بتقول كلمة.. نيتك منها قد تكون خير.. و لكن الناس يفهموا منها معنى تاني تماما.. ليه؟؟ لأن زي ماقلنا.. الإرسال اللي انت بتبعته للناس حواليك مش كلام بس.. ده كلام و ايماءات و حركات و نغمة صوت و نظرات و مشاعر.. الخ..
والخلاصة هي..
"اننا دايما بنعرف الناس اللي حوالينا ازاي يعاملونا.. بالطريقة اللي احنا بنعامل بيها نفسنا"..
لو انت بتحترم نفسك.. و بتقدر نفسك.. و بتحسن معاملة نفسك..
فانت بالتالي بتبعت رسائل للناس انهم يعاملوك بنفس الطريقة.. لأنك لن تقبل معاملة بأقل من المستوى ده..
و عشان تتضح الصورة أكتر..تخيل معايا واحد شغال جرسون في رستورانت كبير و فخم.. و جاله زبون بعد ما قدم له الأكل.. و اداله بقشيش ربع جنيه مثلا.. هايبقى موقفه ايه؟..
هايطلع من جيبه 100 جنيه على الربع جنيه و يديهمله.. هايصعب عليه الزبون ..
ده لو كان راجل ذوق يعني و ما لبسش الزبون طبق الشوربة في راسه..
و تخيل واحد تاني.. شخص فقير جدا.. عايش في الشارع.. بقاله أيام ما أكلش..
و مر عليه نفس الزبون اللي كان في المطعم بعد مالبس طبق الشوربة في راسه.. و اداله الربع جنيه في ايده..
ايه احساس الشخص ده؟.. هايدعي للزبون ده للصبح..
ايه الفرق بين الإتنين؟؟
في الحالة الأولى ..
الجارسون حاسس بقيمته.. حاسس انه غالي..
و الحالة التانية..
الشخص الفقير الشريد ده برضه حاسس بقيمته.. حاسس قد ايه هو صغير في الدنيا دي...
احنا اللي بنعرف الناس ازاي يعاملونا..
ياترى انت حاسس بقيمتك؟.. حاسس انك غالي؟؟
شوف حبيبك النبي و هو بياخد بإيد انسان.. يوريه طاقة النور اللي جواه...
شخص بسيط من البادية.. كان إذا أتى الى المدينة لا بد يأتي بهدية للنبي ..
هدية بسيطة من البادية..
عارف زي حد من الأرياف يروح يزور حد قريبه في المدينة و ياخدله معاه بقى الفطير المشلتت و العسل و الحاجات اللي مش موجودة في المدينة؟..
أهو زاهر كان بيعمل كده مع النبي ..
و كان النبي بيحبه جدا.. فكان هو كمان يديله هدية من المدينة و هو راجع لأهله في البادية..
و كان يداعبه و يقول له " زاهرٌ باديتنا ونحن حاضروه.."زاهر كان دميم.. و هو كمان شايف نفسه دميم.
. شايف انه صغير.. قليل وسط الناس حواليه..
في يوم مر النبي عليه و هو بيبيع متاعه في السوق.. فاحتضنه من خلفه. و هو مش شايفه.. ياااه يا رسول الله.. للدرجة دي التباسط و المداعبة مع الناس؟...
فقال زاهر: "من هذا؟؟.. أرسلني..."
مين ده؟.. سيبني باقولك..
فالتفت فوجد النبي ..
فجعل النبي يمسك بيده و يبتسم و يقول:
"من يشتري هذا العبد؟"..
فقال له زاهر:
"يا رسول الله.. إذاً تجدني كاسداً"
.. ماحدش هايرضى يشتريني يا رسول الله..
فنظر له النبي مبتسما.. ابتسامة حب.. و عطف.. و قال له:
" و لكنك عند الله غالٍ"...
انت غالي عند ربنا قوي يا زاهر..
يااااه..
تخيل احساس زاهر ساعتها..
انا؟.. أنا غالي عند ربنا؟.. دي عندي بالدنيا و ما فيها.. ماعادش يهمني حد..
ماعادش يهمني حاجة في الدنيا.. مادام ربنا راضي عني..
صورتك اللي في خيالك..
خريطتك الداخلية عن نفسك..
الخريطة اللي بتحركك لا شعوريا..واللي للأسف ناس كتير مايعرفوش انها موجودة أساسا.. لأنه مافكرش يتأمل جوه نفسه شوية..
للأسف ناس كتير بيقضوا وقت أكبر في انهم يتعلموا ازاي يشغلوا جهاز ريسيفر.. أو موبايل.. من أنهم يتعلموا ازاي عقلهم بيشتغل..
مافيش حد فينا ماقابلش قبل كده حد شكله كويس.. و هو متخيل نفسه دميم.. متخيل نفسه تخين زيادة عن اللزوم.. أو رفيع زيادة عن اللزوم... أو متخيل نفسه صغير في السن.. أو متخيل نفسه عجوز..
اذا كنت فعلا مقتنع انك شكلك يقطع الخميرة م البيت..
فتأكد انك هاتبذل قصارى جهدك لمنع الخميرة من دخول بيتكم نهائيا..
مش هاتبذل أي مجهود لأنك تحسن من صورتك قدام الناس..
و في النهاية..
النتيجة ان الفكرة اللي هاتاخدها عنك الناس انك فعلا شخص مبهدل و منعكش..
و بالتالي ده بيؤكد الصورة الذاتية بتاعتك.. و تكتمل الحلقة.. و هكذا دواليك..
الدراسات أثبتت ان عدد كبير جدا من الناس اللي بيفوزوا فجأة بمبالغ كبيرة من المال..:gold: عن طريق مسابقة .. أو واحد عمته اللي في البرازيل ماتت وورثها ..
عادة بيصرفوا الفلوس دي بسرعة. ويرجعوا ع الحميد المجيد تاني.. و كأن شيئا لم يكن..
حتى الناس اللي بيشتغلوا و يتعبوا في الفلوس و بيكسبوا مبالغ كبيرة..
عادة بيصرفوها كلها لو معتقدين ان اللي بيكسبوه أكبر بكتير من اللي يستحقوه..
مابيبقوش مستريحين و هم حاسين ان معاهم فلوس زيادة هما مايستحقوهاش..
كأن الفلوس بتاكلهم زي مابيقولوا.. عشان كده تلاقيهم بيصرفوها.. أو بيتبرعوا بيها.. او حتى يرموها في الشارع..
عشان كده.. الحرامي.. بيفضل يسرق طول عمره.. لأن مهما كانت المبالغ اللي بيسرقها.. بيبقى حاسس من جواه انه مايستحقهاش.. فبيصرفها كلها.. و يرجع يسرق تاني.. و هكذا دواليك..
الشخص اللي بيتشهر مرة واحدة.. أو فجأة تظهر له فرصة للعمل في وظيفة كبيرة على غير العادة.. براتب ماكانش يحلم بيه.. ناس كتير منهم من اللي بيعانوا من صورة ذاتية محدودة.. بتجذبهم الصورة دي الى الأرض مهما طلعوا لفوق..
حالة نفسية.. اسمها "الهبوط من الجنة"..
عارفين قصة سيدنا آدم؟؟
كان في الجنة.. يعني عنده كل حاجة ممكن يحلم بيها.. مافيش حاجة ناقصاه..
لكن الشيطان فضل يوسوسله بحيث يحسسه بالنقص.."شجرة الخلد".... ان فيه حاجة ناقصاه.. و الحاجة دي هايلاقيها في الشجرة المحرمة..
الشيطان غير الصورة الذاتية اللي عند سيدنا آدم. من أنه من أهل الجنة.. و مافيش حاجة ناقصاه.. الى أنه عنده نقص هاتكمله الشجرة المحرمة.. فبالتالي مابقاش حاسس انه من أهل الجنة.. فكانت النتيجة النهائية ايه؟؟..
{قُلْنَا اهْبِطُواْ مِنْهَا جَمِيعاً فَإِمَّا يَأْتِيَنَّكُم مِّنِّي هُدًى
فَمَن تَبِعَ هُدَايَ فَلاَ خَوْفٌ عَلَيْهِمْ وَلاَ هُمْ يَحْزَنُونَ}
البقرة 38
كمان..الصورة اللي بتشوف بيها نفسك.. بتؤثر بشكل قوي جدا على الصورة اللي الناس بيشوفوك بيها..
لأن الإنسان في حالة تواصل مستمر مع الناس سواء بالكلمة.. أو بالحركة..أو حتى بالنظرة.. و 90% من الرسائل اللي بيبثها الإنسان للناس حواليه هي رسائل لا شعورية.. احنا مش واعيين ليها و احنا بنرسلها للناس..
و الناس بالتالي بتستجيب للرسائل دي سواء كانت عن طريق ايماءات الجسم.. أو نغمة الصوت.. أو الأحاسيس اللي بتبثها في الجو حواليك باستمرار.. كل انسان فينا محطة اذاعية شغالة ع الهوا 24 ساعة..
كلمة "آسف ماكنتش اقصد".. كلمة بنسمعها كتير.. بتقول كلمة.. نيتك منها قد تكون خير.. و لكن الناس يفهموا منها معنى تاني تماما.. ليه؟؟ لأن زي ماقلنا.. الإرسال اللي انت بتبعته للناس حواليك مش كلام بس.. ده كلام و ايماءات و حركات و نغمة صوت و نظرات و مشاعر.. الخ..
والخلاصة هي..
"اننا دايما بنعرف الناس اللي حوالينا ازاي يعاملونا.. بالطريقة اللي احنا بنعامل بيها نفسنا"..
لو انت بتحترم نفسك.. و بتقدر نفسك.. و بتحسن معاملة نفسك..
فانت بالتالي بتبعت رسائل للناس انهم يعاملوك بنفس الطريقة.. لأنك لن تقبل معاملة بأقل من المستوى ده..
و عشان تتضح الصورة أكتر..تخيل معايا واحد شغال جرسون في رستورانت كبير و فخم.. و جاله زبون بعد ما قدم له الأكل.. و اداله بقشيش ربع جنيه مثلا.. هايبقى موقفه ايه؟..
هايطلع من جيبه 100 جنيه على الربع جنيه و يديهمله.. هايصعب عليه الزبون ..
ده لو كان راجل ذوق يعني و ما لبسش الزبون طبق الشوربة في راسه..
و تخيل واحد تاني.. شخص فقير جدا.. عايش في الشارع.. بقاله أيام ما أكلش..
و مر عليه نفس الزبون اللي كان في المطعم بعد مالبس طبق الشوربة في راسه.. و اداله الربع جنيه في ايده..
ايه احساس الشخص ده؟.. هايدعي للزبون ده للصبح..
ايه الفرق بين الإتنين؟؟
في الحالة الأولى ..
الجارسون حاسس بقيمته.. حاسس انه غالي..
و الحالة التانية..
الشخص الفقير الشريد ده برضه حاسس بقيمته.. حاسس قد ايه هو صغير في الدنيا دي...
احنا اللي بنعرف الناس ازاي يعاملونا..
ياترى انت حاسس بقيمتك؟.. حاسس انك غالي؟؟
شوف حبيبك النبي و هو بياخد بإيد انسان.. يوريه طاقة النور اللي جواه...
شخص بسيط من البادية.. كان إذا أتى الى المدينة لا بد يأتي بهدية للنبي ..
هدية بسيطة من البادية..
عارف زي حد من الأرياف يروح يزور حد قريبه في المدينة و ياخدله معاه بقى الفطير المشلتت و العسل و الحاجات اللي مش موجودة في المدينة؟..
أهو زاهر كان بيعمل كده مع النبي ..
و كان النبي بيحبه جدا.. فكان هو كمان يديله هدية من المدينة و هو راجع لأهله في البادية..
و كان يداعبه و يقول له " زاهرٌ باديتنا ونحن حاضروه.."زاهر كان دميم.. و هو كمان شايف نفسه دميم.
. شايف انه صغير.. قليل وسط الناس حواليه..
في يوم مر النبي عليه و هو بيبيع متاعه في السوق.. فاحتضنه من خلفه. و هو مش شايفه.. ياااه يا رسول الله.. للدرجة دي التباسط و المداعبة مع الناس؟...
فقال زاهر: "من هذا؟؟.. أرسلني..."
مين ده؟.. سيبني باقولك..
فالتفت فوجد النبي ..
فجعل النبي يمسك بيده و يبتسم و يقول:
"من يشتري هذا العبد؟"..
فقال له زاهر:
"يا رسول الله.. إذاً تجدني كاسداً"
.. ماحدش هايرضى يشتريني يا رسول الله..
فنظر له النبي مبتسما.. ابتسامة حب.. و عطف.. و قال له:
" و لكنك عند الله غالٍ"...
انت غالي عند ربنا قوي يا زاهر..
يااااه..
تخيل احساس زاهر ساعتها..
انا؟.. أنا غالي عند ربنا؟.. دي عندي بالدنيا و ما فيها.. ماعادش يهمني حد..
ماعادش يهمني حاجة في الدنيا.. مادام ربنا راضي عني..