أشرب الفنجال وأكـــب البياله

[روز]

هذه القصيدة طويله للشاعر الكبير / راشد بن حسن بن مانع بن الذيب الضاعني العجمي

((أشرب الفنجال وأكـــب البياله))




قالها ابن الذيب من هاجوس باله
كلمةٍ يلعب بهـا والبـال زينـي
قالها يومـه طرالـه ماطرالـه
من هواجيسٍ تشيب المرضعيني
حالفٍ ماخذ على الطرقي ريالـه
وبالثلاث محرم أنـه مايجينـي
لالقيت اللي على السكة لحالـه
يلتفت ويقول وين المستحينـي
أوقف الموتر حيا وأبي الجمالـه
يوم ولد اللاش وجهه مايلينـي
الطمع في كروة الرجلي رزالـة
خص وان جابه مجال الغانميني
والردي في حالةٍ ماهـي بحالـه
واعوينه مـن كـلام الطيبينـي
الردي لو بان مايذكـر عمالـه
مايعد اللاش مقصـور اليمينـي
أركبه لعيون مـن زيـنٍ دلالـه
ماتحاكوا في قفـاه الرامسينـي
مابغى غيري وانا مابغى بدالـه
قاعدٍ لي بالرجـا مـدة سنينـي
الولد وان طاب قالوا :من خواله
وان تردى فعرف انهم خايبينـي
أشرب الفنجال واكـب البيالـة
تابعٍ سلمـي سلـوم الأولينـي
ولاقعدنا بالعمـل فينـا الشكالـه
ناخذ العليـا طريـق الفايزينـي





وهي أطول من الذي حصلت عليه وهو والد شاعرنا الكبير / ذيب بن راشد بن الذيب

والشاعر الكبير / محمد بن راشد بن الذيب

منقول

[قبل الفراق]

[عزيزي الزائر يتوجب عليك التسجيل بالمنتدى لمشاهدة الرابط] ([عزيزي الزائر يتوجب عليك التسجيل بالمنتدى لمشاهدة الرابط]) [عزيزي الزائر يتوجب عليك التسجيل بالمنتدى لمشاهدة الرابط] ([عزيزي الزائر يتوجب عليك التسجيل بالمنتدى لمشاهدة الرابط]) تحيتي لك قصيده جميله جدا

[الحسام]

اختي الغاليه


روز


الطمع في كروة الرجلي رزالـة
خص وان جابه مجال الغانميني


سلمتي على ها القصيدة نقل رائع

لا عدمناك

تقبلي احترامي

الحسام

[روُح ..}]

/

/

نقـل جَ‘ـميل لبىآ قلبج


/

عسسآج ع القوهـ يالغلآ

[بنت عسل تمشي بكسل]

يعطيك الف عافيه


وربي لايحرمنا منك


ودمت بالف خير